InfoHub Logo

Balabaqshadaǵy sábılik shaǵynan tárbıelenip kele jatqan balada mýzykany tyńdaý, ony túsiný, án salý qabiletteri birte-birte qalyptasady. 

Meniń aldyǵa qoıǵan maqsatym, mektep jasyna deıingi balalardyń boıyna án salý daǵdylaryn qalyptastyryp, onyń ishinde ónerge degen qabileti bar balanyń yntasyn ary qaraı damytýǵa jol ashý.

Qabilet degenimiz - bala boıyndaǵy bolashaqta alatyn bilimi men iskerligine tikeleı beriletin múmkindik. Balalarǵa arnalǵan túrli konkýrstar men festıváldar osyndaı múmkindikterge jol ashady. Toppen án aıtý kezinde án aıtý mánerimen, ózin-ózi sahnada emin-erkin ustaýymen erekshe kózge túsip júrgen, «№4 Veterok balabaqshasyndaǵy», «Tulpar» tobynyń tárbıelenýshisi Aqjigitova Hanshaıymnyń bolashaǵynan zor úmit kútýge bolady.

Hanshaıym Almaty qalasynda jyl saıyn ótetin Respýblıkalyq «Kúnshýaq» festıvál-konkýrsyna qatysyp, ónerin kórsetip, 2015 jyly ótken «Raýan» festıvalinen 3 oryn alsa, bıylǵy jyly 12 naýryzda ótken «Pervye shagı» festıvalinen «Anam-ájem» ánin naqyshyna keltire oryndap, 1 júldeli orynǵa ıe bolyp, laýreat ataǵyn alyp keldi.

Tula boıynda qandaı da bir óner qonǵan balanyń jan dúnıesi asa sezimtal, ómirge qushtar, minezi kórkem bolyp ósetini anyq. Bul rette «Ónerliniń órisi - keń» degen halyq  danalyǵy taýyp aıtylǵan. Mýzykany túsinip, ásemdik pen ádemilikti sezine ósken bala qoǵamǵa tek paıdasyn tıgizetin, sanaly da bilimdi, tárbıeli, adal azamat bolyp óseri sózsiz!

Hanshaıymnyń osyndaı jetistikterge jetýine birden bir kómegin tıgizip, qoldaý kórsetip júrgen Anasyna alǵysymdy bildiremin!

Panfılov aýyly
«№4 Veterok balabaqshasynyń»
án-áýen jetekshisi: Baıǵabyl Laıla Jumashqyzy

---