InfoHub Logo

Taqyryby: Ormandaǵy oqıǵa

Maqsaty: Qaınekeı Jarmaǵanbetov jaıly qysqasha túsinik berý, ertegidegi negizgi ıdeıany uǵyndyrý.
Mindetteri: 1. Dostyq, birlik qarym - qatynastarynyń qundylyqtary jaıly áńgimelesý
2. Oıyn tolyq jetkize bilý sheberligin damytý.
3. Adaldyqqa, ádilettilikke tárbıeleý.
Ádis tásilderi: synı oılaý, toptyq jumys, áńgimelesý jáne oqytý, baǵalaý
Kútiletin nátıje: Dostyq, birlik qarym qatynastarynyń mańyzdylyǵyn uǵynady, áleýmettenedi, ózin ózi retteıdi.
Resýrs: marker, poster, plakat, sýretter, oqýlyq

Sabaqtyń barysy:
I. Uıymdastyrý kezeńi: oqýshylardy sabaqqa daıyndaý
II. Úı tapsyrmasyn tekserý: «Eń jaqyn kim adamǵa?» TSQ. 5 - 7 mın
III. Jańa sabaq: a) topqa bólý (3 mın)
- Búgingi sabaǵymyz toptyq jumys túrinde ótedi ( synypty sýretterdi qurastyrý arqyly toptarǵa bólý). Toppen jumys erejesin qaıtalaý. Toptyń aty men uranyn quraý, jazý
Á) qyzyǵýshylyqty oıatý - 5 mın.
- Qaıyń, qaraaǵash, tobylǵy jaıly ne bilesizder?
- Orman degenimiz ne?
- Endeshe qazir sizder aldaryńyzdaǵy plakattyń ortasyn syzyqpen bólip, bir jaǵyna tabıǵattaǵy osy aǵashtardy sýrettep jazasyzdar.
1 - top: Qaıyń
2 - top: Qaraaǵash
3 - top: Tobylǵy
Top jumysyn tyńdaý

B) maǵynany taný.
1. «Boljaý» strategıasy. Oqýlyqpen jumys - 10 mın
Qazir sizder «Ormandaǵy oqıǵa» mátinin oqıszdar. Bul áńgimede sizderge tanys, osyǵan deıin qoldanylǵan barlyq sózder kezdesedi. Sizder bul ertegini birneshe úzilispen oqısyzdar. Iaǵnı men toqtatqanǵa deıin oqısyzdar. Sodan keıin sol oqylǵan bólik boıynsha talqylaý júrgizemiz. Sondyqtan ár sóılemdi zer salyp oqý kerek. Sonymen birinshi bólikti bastaımyz (bir oqýshy oqıdy, qalǵandary qol júgirtip qarap otyrady) Toqtatamyn, talqylaý:
- Bul bólikten ne túsindińizder?
- Ertegi nemen jalǵasýy múmkin?
- Tobylǵynyń sózi qaıyńǵa qalaı áser etedi dep oılaısyzdar?
- Al, endi ekinshi bólikti oqımyz. Toqtatamyn, talqylaý:
- Bul bólikte ne delingen?
- Aldyńǵy sizderdiń aıtqan boljamdaryńyzben sáıkes keldi me?
- Endi ne bolady dep oılaısyzdar? Bul ertegi nemen aıaqtalýy múmkin?
- Al, endi úshinshi bólikti oqımyz. Toqtatamyn, talqylaý:
- Bul bólikte ne delingen?
- Aldyńǵy sizderdiń aıtqan boljamdaryńyzben sáıkes keldi me?
- Eki aǵashtyń bir birimen renjisýine ne sebep boldy?
- Qaıyń men Qaraaǵashtyń qatty ashýlanýyna Tobylǵynyń qandaı sózderi áser etti dep oılaısyń?
- Qaraaǵashtyń qylyǵy kóz aldyńa qandaı adamdy elestetti?
- Áńgimeniń qaı jeri sizderge áser etti?
- Qandaı sózder qıyn boldy?
- Osy ertegiden kókeıimizge ne túıdik?
2. Sózdik jumys: Qosaq - saýý úshin uzyn arqanmen moıyndarynan bir birine taqap qosaqtaı baılanǵan qoı nemese eshkiler toby.

IV. Jańa sabaq bekitý: toptyq tapsyrma - 10 mın
- Sabaqtyń basynda sizder plakatqa tabıǵattaǵy osy ertegidegi qaıyń, qaraaǵash, tobylǵyny sýrettedińizder. Endi sizder ertegige súıene otyryp osy úsh aǵashtyń keıpindegi adamdardy qalaı sýretteısizder sony aıtyp berseńizder jáne ár top osy ertegidegi ózderińizge unaǵan aǵashtyń sýretin kóz aldaryńyzǵa elestete otyryp, ár aǵashqa «Bes joldy» óleń shyǵarsańyzdar.

V. Sabaqty qorytyndylaý: 5 mın
- Búgin qandaı taqyryp óttik?
- Adaldyq, shynshyldyq degendi qalaı túsinesizder?
Refleksıa: - Búgingi sabaq sizderge unady ma?

VI. Úı tapsyrmasyn berý: 1 - top: Oqıǵa jelisin ózgertip aıaqta.
2 - top: Ertegi boıynsha sýret sal.
3 - top: Osy ertegige uqsas ertegi jaz

VII. Baǵalaý (5 mın). Krıterııleri:
1. Úı tapsyrmasy
2. Top jumysyna qatysý belsendiligi
3. Óz pikirin ashyq aıta alýy
4. Jumystyń sapasy