InfoHub Logo

Otan — otbasynan bastalady. Otbasy — qoǵamnyń eń kishi bólshegi. Iaǵnı memleket nemese ult otbasylardan quralady. Eger otbasy degen kishi bólshekter qundy bolsa, onda qoǵam da myqty bolmaq. Al eger otbasyda shańyraq shaıqala bastasa, qoǵam da irip-shirı bastady degenge saıady. Sondyqtan qoǵamdy túzetý úshin otbasy ınstıtýtyna erekshe kóńil bólýimiz kerek.

Elimiz ajyrasý statısıkasy boıynsha álemde alǵashqy ondyqqa kiredi. Jyl saıyn júz myńnan astam jup otbasyn qursa, onyń jartysyna jaqyny ajyrasyp ketedi eken. Sonymen qatar, jyl saıyn 40 myńnan astam bala jartylaı otbasyda tárbıelenýshiler qataryna qosylady nemese halyq arasynda qoldanylatyn ataýmen atasaq, «tiri jetim» atanady.Osy kórsetkishterdiń ózi-aq otbasy ınstıtýtyna erekshe kóńil bólinýi kerek ekenin baıqatady. Árbir adam baqytty otbasyn qurýǵa nemese baqytty otbasy bolýǵa tyrysý kerek. Óıtkeni baqytty otbasy shańyraǵynan baqytty urpaq dúnıege keledi. Baqytty urpaqtan quralǵan ult ta, qoǵam da baqytty bolmaq.

Baqytty otbasy qalaı bolamyz? Baqytty otbasy bolýǵa otbasy músheleri birdeı umtylýy kerek. Birge umtylyp, baqytty otbasy bolýdyń qyry men syryn birge zerttep, úırengenderin otbasylardyń basty qaǵıdasyna aınaldyra alsa, olardan baqytty jandar bolmaıdy. Eń bastysy «mende bári jaqsy», «men bárin bilemin» degen sekildi aldamshy túsinikterden arylyp, ózimizdi jan-jaqty damytýǵa, jarymyzdyń jandúnıesin túsinip árkim óz rólimizdi jetik oryndaýǵa tyrsaıyq.

E.Ertaıuly, «Jubaıyńnyń júregin jaralama, jaýla» kitabynan

---