InfoHub Logo

Matematıka sabaǵy

Sabaqtyń taqyryby: "Ótkendi qaıtalaý"
Sabaqtyń maqsaty: 1 - den 10 - ǵa deıingi sandardy, olardyń tańbalaýyn, quramyn qaıtalaý, bilimderin bekitý, baqylaý. Oqýshylardyń este saqtaý jáne oılaý qabiletterin damytý. Balalardy jyldamdyqqa, shapshańdyqqa tárbıeleý.
Kórnekilikter: "Qyzyl telpek" ertegisine salynǵan keıipkerleriniń beınesi, 1 - den 10 - ǵa deıingi sandar, dıdaktıkalyq oıyndar, tapsyrma kedergiler.
Sabaqtyń barysy: Búgingi sabaǵymyz erekshe, bizge qonaqtar keldi.

Sálemdesý: Úlkenge de siz, kishige de siz
Qurmetpenen sizderge Sálem berdik biz.
Bizdiń uranymyz: Bir, eki, úsh
Synyp ishi typ – tynysh
Jalqaýlyqty tastaımyz
Sabaqty biz bastaımyz.
(sýret)
- Balalar, mynaý qandaı erteginiń keıipkerleri? -"Qyzyl telpek" ertegisiniń. qasqyr men Qyzyl telpek.
- Mynaý ne?
- Orman.
- Myna ormannyń shetinde Qyzyl telpektiń ájesi turady. Qyzyl telpek ájesiniń úıine bara jatqanda aldynan oǵan qasqyr kezdesipti.
Qasqyr: Qyzyl telpek, eger sen meniń tapsyrmamdy oryndasań, men seni jiberemin. Al, eger tapsyrmany oryndaı almasań seni jep qoıamyn.
- Qyzyl telpek bizden kómek suraı kelipti.
Qyzyl telpek: Ájeme jetýge men asyǵamyn, Qarashy kedergiler tosylǵanyn. Jalǵyz emes, qasymda dostarym bar. Oryndaımyz bizge bar tapsyrǵanyn.
- Ájege jetý úshin qasqyrdyń toǵyz tapsyrmasyn oryndaý kerek.
1 - tapsyrma: 1 - 10 - ǵa deıin týra, keri sanaý.
2 - tapsyrma: Kórshi sandardy ataý.
3 - tapsyrma: Qandaı uǵymdarmen tanystyńdar? Ony esimizge túsirý úshin, myna suraqtarǵa jaýap berińder.
a) Juldyzdyń shashy uzyn, al Shyńǵystyń shashy qandaı?(qysqa)
á) Aǵash bıik bolyp ósse, shóp qandaı bolyp ósedi? (alasa)
b) Jylqy jyldam júrse, tasbaqa qalaı júredi? (baıaý)
Endi "Kerisinshe" oıyn oınaımyz. Men aıtamyn - úlken Sen aıtasyń - kishi. Men aıtamyn - jýan Sen aıtasyń - jińishke. Men aıtamyn - qalyń Sen aıtasyń - juqa. Men aıtamyn - joǵary Sen aıtasyń - tómen. Men aıtamyn - kóp Sen aıtasyń - az. Men aıtamyn - aldynda Sen aıtasyń - artynda. Men aıtamyn - keń Sen aıtasyń - tar. Men aıtamyn - ústinde Sen aıtasyń - astynda. Men aıtamyn - oń jaqta Sen aıtasyń - sol jaqta. Men aıtamyn - alys Sen aıtasyń - jaqyn.
4 - tapsyrma: Sebetke sańyraýqulaqtar jınaý. Plakatta sharlardyń sýreti, ishinde órnekter, astynda san qatary 1 - den 10 - ǵa deıin. Órnekterdi durys shyǵaryp, syzyqpen jaýabyn kórsetý. Kim órnekti durys shyǵarady, soǵan bir sańyraýqulaq beriledi, ony sebet ishine salamyz.

5 Sergitý sáti. Balalar, kishkene sharshaǵan bolarsyńdar, sergitý sátin oryndaıyq.
Ońǵa, ońǵa, túzý tur
Solǵa, solǵa, túzý tur.
Alǵa qaraı bir adym.
Artqa qaraı bir adym.
Joǵary - tómen qaraıyq,
Ornymyzdy tabaıyq.

6 - tapsyrma: Esepter qurastyrý. Balalar, eseptiń quramdy bólikterin eske túsireıik. - Eseptiń tórt bóligi bar: 1. Sharty 2. Suraq 3. Sheshýi 4. Jaýap
1. On asyqtyń úsheýin
Dosyń surap alady
Aıtshy sonda nesheýi
Óz qolyńda qalady?

2. Tabaqta bes alma
Qolymda eki alma
Qosqanda barlyǵyn
Bolady qansha alma?
Balalar sýret boıynsha esep qurastyrady. Endi óz oıynan kim esep qurastyrady?

7 - tapsyrma: Salystyrý. - Sandardy salystyrǵanda qandaı belgilerdi qoldanamyz? - Durys, artyq >, kem <, тең="">
- Balalar, mektepke barmasam da, men barlyǵyn bilemin dep, qasqyr sandardy ózi salystyrypty. Qaraıyq, eger durys bolsa qaryndashpen qorshaımyz, al qatesi bolsa syzyp tastaımyz. Balalar kezekpen qasqyrdyń qatesin, durysyn tekseredi.

8 - tapsyrma: Qandaı geometrıalyq pishinderdi bilesińder?
- Endi, myna sýretterde ne beınelengen?
- Balyq, balapan.
- Sýretshi qandaı pishinderdi qoldanǵan?
- Durys, sopaqsha, úshburysh, dóńgelek.
- Úıdiń sýretin salǵanda qandaı pishinderdi qoldanamyz?
- Durys, sharshy, tik tórtburysh, úshburysh.

9 - tapsyrma: "Núktelerdi qos". Plakatta núktelermen beınelengen "balyq" beınesi. Núktelerdi ret - retimen qosyp, beıneni anyqtaý. Neshe núkte bar eken? 1 - den 10 - ǵa deıin týra jáne keri sanaý. Balalar, osymen qasqyrdyń barlyq tapsyrmalaryn oryndadyq, endi Qyzyl telpek ájesiniń úıine bara alady.
Balalardy madaqtaý.