InfoHub Logo

Men engizgen ózgeristerdiń tıimdi ekenin qalaı túsinemin?

Meniń muǵalim mamandyǵyn tańdap, ter tógip eńbek etkenime 22 jyl ótipti. Qıyny men jeńili, qyzyǵy men qýanyshy mol bolǵan osy eńbek jolynda árqashan izdeniste, oı qozǵalysynda bola júrip men óz mindetimdi jemisti oryndaý úshin, oqýshynyń pánge degen qyzyǵýshylyǵyn, bilim sapasyn arttyra otyryp, zamanaýı aqparattyq - kommýnıkatıvtik tehnologıalary men oqytýdyń kóptegen tıimdi ádis - tásilderin óz tájirıbemde utymdy paıdalanyp keldim. Alaıda búgingi álem damýynyń jańa ustanymdary bilim berý júıesinen kún saıynǵy ekonomıkalyq, áleýmettik jáne mádenı ózgeristerge meılinshe beıimdelýdi talap etip otyr. Men A. S. Makarenkonyń:«Adamdy tárbıeleý – demek onyń erteńgi qýanyshqa ıe bolatyn keleshek jolyn tárbıeleý»,- dep aıtqanyndaı qazirgi zaman talabyna saı urpaǵymdy parasatty da, bilikti, mádenıetti de bilimdi etip tárbıelep, olardyń dúnıetanymyn adamzattyq deńgeıde damytqym kelse, boıynda ulttyq jáne azamattyq namysy bar urpaq ósirgim keletin bolsa, onda bilim berýdiń túrleri men ádisterin jańartýym kerek dep bilem. Sondyqtan da men Qazaqstan Respýblıkasy pedagog kadrlardyń biliktiligin arttyrý kýrsyna keldim. Men osy kýrsty oqyǵaly ózgeristi ózimnen bastadym jáne ózgerdim de. Olaı deıtinim osy kúnge deıin men tek óz shákirtterime "ómir boıy azyq bolarlyqtaı bilim berip kelsem" endigi jerde "ómir boıy ózdigimen úırenýge" óz ustanymymdy baǵyttadym.

“Bilimdi urpaq - bolashaqtyń kepili”,- demekshi, qazirgi tańda eldiń bolashaq azamattaryn qalyptastyrý baǵytyndaǵy bilim berý máselesi - memleketimizdiń basty saıasatynyń biri. Bilimge, búkil oqý - ádistemelik júıege jańa talaptar qoıylý sebebi, bilim men ǵylymnyń el damýyna ońtaıly áser etýinde. Ol úshin ustaz is - áreketin jańa talap turǵysynan uıymdastyra otyryp, demokratıalandyrýy, oqytý júıesin zaman talabyna saı úılestire alýy kerek. Muǵalim óz bilim - biligin, oqytýdyń ádis - tásilderin únemi jetildirip otyrýy jáne jańa pedagogıkalyq tehnologıany meńgerýi tıis dep bilem. Sondyqtan men Qazaqstan Respýblıkasy pedagog qyzmetkerleriniń biliktiligin arttyrý kýrstarynyń birinshi deńgeı baǵdarlamasynyń mekteptegi eńbek tájirıbesi ártúrli muǵalimderdi qatystyrý arqyly muǵalimderge mektep júıesin jan - jaqty damytý úshin qajetti bilimder men daǵdylardy berý maqsatynda óz mektebime praktık - maman retinde ózgeris engizýdi josparladym. Bul maqsatty oryndaý qıyndyq keltirdi degenmen óz mektebime ózgeris engizýge yqpal jasaǵanymdy rastaımyn.