Ózime oń sapar tileý
(qysqa áńgime)
Hosh, sonymen men jazýshylyq jumys jónindegi baıqaǵandarymnyń birinshi kitabyn-jumys endi ǵana bastaldy, alda onyń iz túspegen ólkesi jatyr — degen sezimmen bitirdim. Áli de aıtylmaǵan kóp sózder — ádebıetimizdiń estetıkasy, onyń oı men sezimi ári baı, ári bıik jańa adamdy tárbıeleý retindegi asa mańyzdy róli, sújet, ıýmor týraly, adamnyń minez-qulqyn músindeý týraly, orys tiliniń ózgeristeri, ádebıettiń halyqtyǵy týraly, romantızm, jaqsy talǵam, qoljazbany jóndeý jónindegi sózder barshylyq — onyń bárin eseptep shyǵa almaısyń.
Bul kitappen jumys isteý, qadam basqan saıyn, jańa qıyrlar men joldar ashylyp jatatyn beımálim el ishimen saıahat jasaýdy eske túsirdi. Olardyń paıda aparatynyn kim biledi, biraq olar oı-tolǵanystarǵa azyq bolatyn kóp-kóp tosyn jaıttarǵa jeteleıdi. Biraq qansha aıtqanmen, so jol saparlardyń kúrdeli qıyn túıinderin tolyq bolmasa da, kómeskileý kúıinde qarastyryp, anyqtap shyǵý ári qyzyq ta, ári qajetti de is emes pe.
1955-1964.
Aýdarǵan Ábilmijin Jumabaev
You Might Also Like
