Pavlodarlyq muǵalim Afrıkadaǵy 280 otbasyny tamaqtandyrdy
Barlyǵy bir tonna un, 750 keli kúrish, 750 keli qant, 250 keli tuz, kofe, tomat pen makaron satyp alynǵan.
29 jastaǵy aǵylshyn pániniń muǵalimi Toǵjan Yntyqbaeva óziniń Instagram paraqshasynda qaıyrymdylyq sharasynyń fotolaryn jarıa etti, dep habarlaıdy pavlodarnews.kz.
"Barlyǵy bireýge kómektesip, jaqsylyq jasaıyq degen nıetten paıda boldy, – deıdi janashyr muǵalim. – Meıirimdi qazaqstandyqtar 2,5 mıllıon teńge jınap berdi. Bul – 280 otbasynyń bir aılyq azyǵyna teń. Búgin biz aýyldardyń birinde 10 paketti tarattyq. Balalarǵa táttiler, eresekterge azyq-túlik berdik. Keshe 120 paket taratyldy. Barlyǵy bir tonna un, 750 keli kúrish, 750 keli qant, 250 keli tuz, kofe, tomat pen makaron satyp alyndy. Áýeli 80, keıin 40 paketti eki aýyldyń turǵyndaryna jetkizdik".
Toǵjan Yntyqbaevanyń jubaıy Azamat Jaǵyparovtyń aıtýynsha, onyń jubaıy jáne qurbysy 4D kartalardy satyp, aqsha tapqan.
"Azyn-aýlaq qarjy jınap, qasıetti Ramazan aıynda ony Afrıkaǵa joldap, sol jaqtaǵy muqtaj jandarǵa kómek kórsetkimiz keldi, – deıdi Azamat Jaǵyparov. – Biz jaıly estigen Bilim mınıstrligi tańǵaldy. Eki qyz bir aıdyń ishinde eki mıllıonnan astam qarajat jınaǵan. Afrıkadan arnaıy shaqyrtý kelip, qaıyrymdylyq jasaǵandarmen kezdesýdi qalaıtyndaryn habarlaǵan. Sondaı-aq, olar Qazaqstan halqyna úlken rızashylyǵyn bildirdi".
Aıta keteıik, Afrıkaǵa baryp kelý ıdeıa avtorlaryna 500 myń teńgege tústi. Bul kúni otbasy eki jastaǵy qyz balany tárbıeleýde.
You Might Also Like
-
Burynǵy ótken zamanda, Jaǵalbaıly degen eldiń ishinde Bazarbaı degen baı bolady. Munyń Tólegen, Sansyzbaı degen eki balasy bolady. Bazarbaı elden asqan dańqy zor baı bolsa da balalaryna jas kúninen ...
