InfoHub Logo

Polsha qazaqstandyqtarǵa bakalavrıat, magıstratýra jáne doktorantýra baǵdarlamalary boıynsha granttar usynady, dep «Halyqaralyq baǵdarlamalar ortalyǵy» AQ habarlaıdy.

Bilim granttary Polsha Úkimeti men Qazaqstan Úkimeti arasysyndaǵy bilim berý salasyndaǵy yntymaqtastyq týraly 2016 jylǵy kelisimge sáıkes júzege asyrylady. Bakalavrıat boıynsha - 3 oryn, magıstratýra -4 oryn jáne doktorantýra - 4 oryn bólinedi. Úmitkerler bilim alardan buryn polák tilin bir jyl oqýy tıis.

Kelisim boıynsha stýdent tegin oqıdy, joǵary oqý ornynyń jataqhanasynda aqyly negizde tura alady (shamamen 80 - 150 eýro), doktorantýra baǵdarlamasynyń stýdentterine shákirtaqy (shamamen 300 eýro) taǵaıyndalady.

Fakúltetter men bilim berý mekemeleriniń tizimin nawa.gov.pl saıtynan bilýge bolady, sondaı-aq saýalnamaǵa qosymsha qujattar talap etiledi.

Úmitker Astanadaǵy «Halyqaralyq baǵdarlamalar ortalyǵy» AQ keńsesine kelip talap etiletin qujattar tizimi usynýy tıis. Alaıda sońǵy sheshimdi polák tarapy qabyldaıdy.

---