InfoHub Logo

Úlken ómirge qadam basyp, ómirdiń ystyq-sýyǵyn shynaıy sezinip, mansap baspaldaqtary men tirshilik atty aǵynda ilgerilep kele jatqan bir top túlek ózderi bitirip shyqqan Ýnıversıtettiń oqytýshysy, ári profesor aǵaılaryna qonaqqa keledi. Jaǵdaı surasý barysynda túlekterdiń birnesheýi ómirdiń qyrbalańy men stresti sátterin aıtyp ustazyna muńyn shaǵa bastaıdy. Kelgen qonaqtarǵa kofe usynbaq bolǵan profesor asbólmege kirip, úlken termosqa kofe demdep, shyny, qysh, farfor sekildi arzanynan bastap qymbatyna deıingi ártúrli ydystardy qonaqtardyń aldyna alyp keledi. Shákirtter bir-bir ydystan alǵan soń, bárine termostaǵy kofeni quıyp shyǵady. Ózi de otyryp jaıǵasqannan keıin shákirtterine qarap bylaı deıdi:

— Baıqaǵan bolsańdar búkil baǵaly ydystar alynyp, arzan kórinistegi stakandar ornynda qalyp qoıdy. Óziń úshin eń jaqsysyn qalaýlaryń qalypty nárse, degenmen senderdiń «stres» dep aıtyp otyrǵan keleńsizdikterińniń negizgi sebebi de osy. Stakannyń qur ózi kofeniń sapasyna eshnárse qospaıdy. Bar bolǵany asa baǵaly jáne qyzmeti ishkenińdi saqtaýmen ǵana shekteledi. Negizinde bárińniń talabyń kofe bolatyn, stakan emes edi. Biraq sanaly túrde eń jaqsy stakandarǵa qaraı umtyldyńdar jáne kim qandaı stakan alǵanyn kórý úshin bir-birińniń qolyńdaǵy stakandarǵa kóz júgirte bastadyńdar... Oılanyp qarasańdar, ómirimiz osy kofe ispetti. Al jumys, aqsha, qoǵamdaǵy jaı-kúıimiz — stakan. Bular ómirdi ustap turý úshin qajetti qural jáne tańdaıtyn stakanymyz ómirdiń sapasyn belgimeıtinindeı, ony ózgertpeıdi de. Keıde tek stakanǵa shoǵyrlanyp, Jaratqannyń syı qylyp bergen kofesin, ıaǵnı ómirdiń dámin sezinýdi umytyp qoıamyz. Senderge aıtar aqylym — kofeniń dámin sezinińder! Basqalardyń qolyndaǵy stakanǵa qaraýdy doǵaryńdar!..

Oqýǵa keńes beremiz:

Stress sabaǵy

Jumystyń astynda ezilip qalmaý kerek

Adam qashan baqytty bolady?

---