InfoHub Logo

Sálem, qurmetti oqyrmandar! Búgingi maqalada programmıst mamandyǵyn ıgergisi keletin mektep oqýshylarynyń suraqtaryna jaýap beremin.

Programmıst mamandyǵyn artyqshylyǵy týraly aldyńǵy jazbamda aıtyp ótip edim. Búgin osy mamandyqty meńgerýdi neden bastaý kerektigi jaıly sóz qozǵaımyz. Programmıst bolý degen ol óte aýqymdy maqsat. Aldymen osy maqsatty anyqtap alaıyq. Sonymen, siz qandaı programmıst bola alasyz:

1. Idealdy programmıst: Google, Facebook, Apple, Tesla degen sıaqty álemniń betke tutar, alpaýyt kompanıalarynda jumys jasaıtyn programmıst bolý:

— Jalaqysy - aıyna shamamen 30-50 000$, teńgemen sanasaq shamamen 12 mln teigemen 20 mln teńge aralyǵy. 

— Talaptar: aǵylshyn tilinde erkin sóılese bilý, oqı bilý, jýmys jasaı bilý. Damyǵyn elderdegi aldyńǵy qatarly ýnıversıtetin támamdaý nemese soǵan jarasa bilimdi bolý. Talapty, zerek, eńbeksúıer bolý. Óte joǵyry tártip jáne alǵan betten qaıtpaý.

— Jumsaıtyn ýaqyt: Eger aǵylshyn tilin jáne matematıkany múldem bilmeıdi dep eseptesek, shamamen 5 - 6 jylda osy nátıjege jetýge bolady.

2. Óte jaqsy programmıst: Amerıka, Kanada nemese Evropa elderindegi myqty IT-kompanıalarynda jumys jasaıtyn programmıst bolý:

— Jalaqysy - aıyna shamamen 15-30 000 $, teńgemen 6 - 12 mln.

— Talaptar: aǵylshyn tilinde erkin sóılese bilý, oqı bilý, jýmys jasaı bilý. Aǵylshyn tilinde joǵary oqý orynyn támamdaý nemese soǵan jarasa bilimdi bolý. Talapty, zerek, eńbeksúıer bolý. Óte joǵyry tártip jáne alǵan betten qaıtpaý.

— Jumsaıtyn ýaqyt: Eger aǵylshyn tilin jáne matematıkany múldem bilmeıdi dep eseptesek, shamamen 4 - 5 jylda osy nátıjege jetýge bolady.

3. Jaqsy programmıst: Qazaqstandaǵy shet eldik IT-kompanıalarynda nemese shet el kompanıalaryna Qazaqstanda otyryp qashyqtyqtan jumys jasaıtyn programmıst bolý:

— Jalaqysy - aıyna shamamen 10-20 000 $, teńgemen 4 - 8 mln.

— Talaptar: aǵylshyn tilinde erkin sóılese bilý, oqı bilý, jumys jasaı bilý. Aǵylshyn tilinde joǵary oqý orynyn támamdaý nemese halyqaralyq sertıfıkattar ıegeri bolý nemese soǵan jarasa bilimdi bolý. Birneshe jyl eńbek ótili bolý. Talapty, zerek, eńbeksúıer bolý. Óte joǵyry tártip jáne alǵan betten qaıtpaý.

— Jumsaıtyn ýaqyt: Eger aǵylshyn tilin jáne matematıkany múldem bilmeıdi dep eseptesek, shamamen 3 - 4 jylda osy nátıjege jetýge bolady.

4. Ortasha programmıst: Qazaqstandannyń IT-kompanıalarynda qazaq nemese orys tilderinde jumys jasaıtyn programmıst bolý:

— Jalaqysy - aıyna shamamen 500 myń - 1,5 mln. teńge.

— Talaptar: aǵylshyn tilinde tehnıkalyq ádebıetti oqyp túsine bilý. Negizgi qajetti bilimderi bolý. Birneshe jyl eńbek ótili bolý. Talapty, zerek, eńbeksúıer bolý.

— Jumsaıtyn ýaqyt: Eger aǵylshyn tilin jáne matematıkany múldem bilmeıdi dep eseptesek, shamamen 1 - 2 jylda osy nátıjege jetýge bolady.

5. Bastaýshy programmıst: Qazaqstandannyń IT-kompanıalarynda qazaq nemese orys tilderinde jumys jasaıtyn programmıst bolý:

— Jalaqysy - aıyna shamamen 150 myń - 300 myń. teńge.

— Talaptar: aǵylshyn tilinde tehnıkalyq ádebıetti oqyp túsine bilý. Bastapqy bilimderi bolý. Talapty, zerek, eńbeksúıer bolý.

— Jumsaıtyn ýaqyt: Eger aǵylshyn tilin jáne matematıkany múldem bilmeıdi dep eseptesek, shamamen 6 aı - 1 jylda osy nátıjege jetýge bolady.

Kórip otyrǵanyńyzdaı, eger júıeli túrde ózińizdi damytyp otyrsańyz Idealdy programmıst bolýǵa bolady. Ol úshin nebári kishkene talaptylyq pen tártip tanytyp 6 aıdan 1 jylǵa deıin oqyp-izdenip Bastaýshy programmıst bop alsańyz boldy. 

UBT-da qandaı pán tańdaý máselesine kelsek - fızıka tańdańyz. Shynyna kelsek, qaıda oqý, ýnıversıtet nemese kolej, álde múldem eshqandaı oqý orynynda oqymaý ol tek sizdiń tańdaýyńyz. Bastysy basyńyzǵa kerekti bilimdi jınasańyz jetkilikti. Ol bilimdi úıde otyryp ta, ınternet arqyly alýǵa bolady. 

Kelesi jazbamda Bastaýshy programmıst bolýdy neden bastaý kerektigi jaıly sóz qozǵaımyn. Suraqtaryńyz bolsa bahti.alem ınstagram akkaýntyma jazylyp maǵan jazsańyzdar bolady. Nazarlaryńyzǵa rahmet! Esterińizde bolsyn: Oqý - bilim bulaǵy, bilim - ómir shyraǵy!

---