InfoHub Logo

Anda-sanda Máskeýde, ıakı Tashkent, ne Bishkekte kezdese qalsam, Shyńǵys Aıtmatov aǵamyzdyń aldymen suraıtyn adamdarynyń biri — Saılaýbek Jumabek.

Iá, Shyńǵys shyǵarmalary týraly Saılaýbektiń syn jazǵany ras. Sonda Shyńǵys syn kórmeı júr me eken? Maqtaý estimeı júr me eken?

Demek, másele basqada. Ol — Saılaýbektiń shyǵarmany, jalpy ádebıetti ózge synshylardan góri jete tanıtyndyǵy. Sol tanyǵanyn búkpesiz, rıasyz, tek ózine tán týrashyldyqpen aıta biletindigi. Biraq «týrasyn aıtsań — týǵanyńa jaqpaısyń» degen de bar. Shyn synshynyń taǵdyryn Qudaı solaı jaratqan.

Biraq óıtip úrkektep qalǵan Saılaýbek joq. Qaraǵaı tektes. Synsa da shart synady. Áste ıilmeıdi. Esesine túzý.

Kóp synshylar ıilgish, ıkemdelgish, ıakı kúıdirgi, jala japqysh. Olardan ádil sóz estý qıyn. Al ótirik maqtaý — óz soryń. Ony Abaı baıaǵyda aıtqan: «Senbe jurtqa, tursa da seni maqtap, áýre etedi ishine qulyq saqtap...»

Qazir kazak ádebıetinde syn joq. Sondyqtan dınozavrlar dáýirinen qalǵan jalǵyz tuqym sıaqty Saılaýbektiń zárý syny da bul zamanda tań qalarlyq erlikpen teń.

Biraq eńbekti, erlikti elep jatqan kim bar?..

Báribir búgin bolmasa, erteń elenedi. Taban aqy, mańdaı ter tekke ketpes.

Elý degen erdiń jasy, erlik isterdiń jasy.

Qaraǵaı týraly birdeńe dep qaldyq.

Qasıetti qaraǵaı tek túzý ǵana emes, márt qana emes, ol ári kóp jasaıdy jáne máńgi jasyl bop turady. Saılaýbekke qaraǵaıdyń sol qasıetteri de juǵysty bolsyn!..

---