InfoHub Logo

Búgingi tańda nesıe – kez-kelgen qarjylyq máseleni sheshýdiń eń belgili jáne keń taraǵan amaly. Nátıjesinde, nesıe berý naryǵynda sizdiń aqshańyzǵa aldaý arqyly qol jetkizgisi keletin ártúrli alaıaqtyq júıeler paıda boldy.

«Hoým Kredıt Banki» Qazaqstannyń EDB (ekinshi deńgeıli banktar) arasynda qarjylyq saýattylyqty damytýda kóshbasshysy bola otyryp, bizdiń redaksıanyń ótinishi boıynsha qarjylyq aılakerlerdiń ýysyna túsip qalmaýǵa kómektesetin keńestermen bólisti.

1. Ǵalamtorǵa jeke basyńyz týraly málimetterdi (JSN, karta nómiri jáne t.b.) salmańyz. Siz týraly az ǵana málimetterdiń ózin alaıaqtar aram pıǵyldaryna paıdalanyp ketýleri múmkin.

2. Jeke kýáligińizdi joǵaltyp alǵan jaǵdaıda bul týraly tez arada ókiletti oryndarǵa habar berińiz. Mundaı mańyzdy qujattyń qandaı adamnyń qolyna túsip qalaryn bilmeısiz.

3. Nesıe tarıhyńyzdy jıi tekserip turyńyz. Bul sizge jaǵdaıǵa qanyq bolyp otyrýǵa kómektesedi. 

4. Senimsiz saıttarda nesıe alýǵa ótinim bermeńiz. Mundaı áreketterdi tek qana bankterdiń resmı saıttarynda atqarý kerek. 

5. Nesıe rásimdegeni úshin syıaqy bermeńiz. Nesıe boıynsha sheshimdi banktyń avtomattandyrylǵan júıesi qabyldaıdy. Bóten adamdar nemese bank qyzmetkerleri bul úrdiske eshqandaı áser ete almaıdy.

6. Óz atyńyzdan basqa adamdarǵa (dostaryńyzǵa, týystaryńyzǵa, tanystaryńyzǵa jáne t.b.) eshqashan nesıe rásimdemeńiz. Esińizde bolsyn, nesıe boıynsha jaýapkershilik úshinshi tulǵaǵa júktelmeıdi jáne eger siz óz atyńyzdan nesıe rásimdep bergen adam ony «jaba» almasa, onda nesıe berýshilerdiń aldynda ózińiz ǵana jaýap beresiz.

7. Nesıeńiz boıynsha tólemdi tolyq jaýyp berýdi nemese ishinara azaıtyp berýdi usynǵan uıymdarǵa senbeńiz. Nesıeni jabý boıynsha mindettemelerdi oryndaýdan bas tartqany úshin sot jaýapkershiligi qarastyrylǵan.

Eger qarjylyq saýattylyq boıynsha basqa da paıdaly keńester men usynymdar alǵyńyz kelse, «Hoým Kredıt Bankiniń»  Facebook, Instagram jáne VKontakte áleýmettik jelilerindegi resmı paraqshalaryna jazylyńyz.  

---