InfoHub Logo

Elimizde de kóptep ósetin júzim men júzimnen jasalatyn meıiz jastar úshin de, egde jastaǵylar úshin de taýsylmas dárýmen jáne qýat qory bolyp tabylady. Júzimniń quramyndaǵy amınoqyshqyldar, V tobynyń dárýmenderi ımýnıtet júıesin qýattandyrady. Ferým, magnıı, kalsıı jáne kalıı mıneraldary súıektiń júıeli túrde damýyna yqpal etýmen qatar adamǵa kúsh-qýat beredi.

Júzimniń tátti bolýymen birge qan azdyqtyń, álsizdiktiń jáne ish ótýdiń aldyn alatyn qasıetteri de bar. Ásirese qyzyl jáne qara tústi júzimderdiń qabyq bóligindegi fıtoaleksın tobyna jatatyn rasveratrol antıoksıdanty jasýshalardaǵy ózgeris nátıjesinde isik qalyptasýyna yqpal etetin derbes radıkaldarǵa bóget jasap, qaterli isiktiń qalyptasýyna jol bermeıdi. Dál osy zat kapılárlarda maı birigýiniń aldyn alatyndyqtan júrek qan tamyrlary aýrýlaryna qarsy da óte paıdaly. Sondaı-aq tinderdiń qalyptasýy, teri men shash saýlyǵy turǵysynan jáne búırek pen baýyr saýlyǵyna da paıdasy orasan zor.

Talshyq turǵysynan qanyq keletindikten as qorytý júıesiniń jumysyn jaqsartady. Qan azdyqqa qarsy meıiz, ıaǵnı keptirilgen qara júzim temirdiń eń tabıǵı qaınary bolyp sanalady. Dúnıe júzinde jyl saıyn 100 myńdaǵan adamda toq ishek qaterli isigi anyqtalýda. AQSH-ta jasalǵan sońǵy zertteýler meıizde toq ishekterdiń saýlyǵyna paıdaly ınýlın atty polıfrýktozan bar ekendigi anyqtalǵan. 40-50 gr meıizde 1,5 gr ınýlın bolady eken. Kúndik mázirge meıiz qosý arqyly ári toq ishekke paıdaly azyq, ári jemis pen talshyqty azyq qajettiligin qamtamasyz etken bolamyz.

Oqýǵa keńes beremiz:

Qaterli isikten saqtaný

Qaterli isik qaýipin azaıtý úshin

Kepken jemisterdiń paıdalary

Tabıǵı densaýlyq elıksıri

---