«Qaırat» — chempıon!
Almatylyq «Qaırat» sońǵy ret 2004 jyly chempıon atanǵan edi.
Almatylyq "Qaırat" Premer-lıganyń 17-týrynda Shymkenttik "Ordabasydan" basym tústi. Almatydaǵy Ortalyq stadıonda ótken mach 3:1 esebimen aıaqtaldy.
Oıyndaǵy alǵashqy goldy 35-mınýtta Vagner Lav Gafýrjan Súıimbaevtyń pasynan keıin soqty. Araǵa tórt mınýt salyp, Nuraly Álip penaltıden gol soǵyp, esepti eseledi.
Ekinshi taım bastala salysymen "Ordabasy" birden úsh oıynshysyn aýystyrdy. Bul aýysymdardyń paıdasyn Shymkenttik komanda 77-mınýtta kórdi. Qaqpashymen jeke-dara shyqqan Joao Paýlo chempıonattaǵy 11-golyn soǵyp, úzdik surmergender tiziminde kósh bastady. Biraq "Qaırat" bul golǵa kóp uzamaı-aq jaýap qatty. 80-mınýtta Ular Jaqsybaev óz qaqpasyna gol soǵyp aldy.
Bul oıynnan keıin "Qaırat" 44 upaı jınap, merziminen buryn chempıon atandy. Al "Ordabasy" 27 upaımen úshinshi orynda qaldy.
Aıta keteıik, marapattaý rásimi osy machtan keıin ótti. Jáne bul "Qaırattyń" sońǵy 16 jyldaǵy alǵashqy chempıondyǵy.
You Might Also Like
