InfoHub Logo

Qytaı eliniń Shanhaı qalasyndaǵy Shyǵys Qytaı pedagogıkalyq ýnıversıtetinde bilimin jetildirip júrgen pavlodarlyq túlek Farıda Tóleýbaeva semestrdiń qorytyndysy boıynsha qytaı tili fakúltetiniń «Eń úzdik stýdenti» atandy.

«Qazaqstan men Qytaı elderiniń arasyndaǵy dıplomatıalyq, ekonomıkalyq, mádenı baılanystar qarqyndy damyp jatqan kezde shyǵystanýshy mamandyǵynyń róli zor ekeni belgili. Sondyqtan da ýnıversıtet tabaldyryǵyn attaǵan kezde qytaı tilinde bilimimdi tolyqtyrsam degen sheshim qabyldaǵan edim. Osylaısha, bir jyldyń ishinde izdenis pen eńbektiń arqasynda qytaı tilin meńgerdim. 17 jastaǵy stýdentti kórshi el óziniń bes myń jyldyq tarıhymen, bárine birdeı ashyla bermeıtin ıeroglıfterdiń sıqyrymen qyzyqtyrdy», - deıdi Farıda Tóleýbaeva.  Pavlodarlyq daryndy jastyń aıtýynsha, qazirgi tańda qytaı tili fakúlteti Amerıka, Japonıa, Koreı, Reseı, Ýkraına jáne Indonezıa sıaqty álemniń san túrli stýdentteriniń basyn biriktirgen.

«Mundaı jeńiske jetýime árdaıym qoldaý kórsetetin anashym Qarlyǵash Tóleýbaeva men bilim nárimen sýsyndatqan Pavlodar qalasyndaǵy «Jas daryn» mamandandyrylǵan mektebi ustazdarynyń qosqan eńbegi zor. Búginde alǵa qoıǵan maqsatym - Shanhaı qalasynyń eń úzdik ýnıversıtetinde oqýymdy jalǵastyryp, Qazaqstannyń álemdik deńgeıdegi derjavaǵa aınalýyna úles qosý», - deıdi ol. Aıta keterligi, 2013 jylǵy «Jas daryn» mektebiniń «Altyn belgi» ıegeri  atanǵan Farıda Tóleýbaeva Ál-Farabı atyndaǵy ulttyq ýnıversıtettiń shyǵystaný fakúltetiniń 3-kýrs stýdenti.  Qytaı elinde akademıalyq mobıldilik boıynsha bilim alyp jatqan ol ana tilinen basqa, orys tili men aǵylshyn, qytaı tilderin erkin meńgergen.

http://www.pavlodarnews.kz

---