«Qazaq tili» gazetiniń basqarmasyna ótinish
Tómendegi sózime gazetińizden oryn berseńiz eken.
Baıaǵy túriktiń ataqty aqyny (poet) Fızýlı óleńiniń basynda aıtqan: «A, Qudaı! Meniń óleńimdi úsh túrli anturǵannan saqta. Birinshi, ánniń retin bilmeıtin kisiden saqta, sebebi ondaı kisige aıtqan jaqsy óleń de jaman kórinip, baıybyna bara almaıdy. Ekinshi, kúnshilden saqta, onyń sebebi jaqsy óleńimdi jamandap, teris maǵynalap, halyqtyń júregine azǵyrý salady. Úshinshi, qate jazýshydan saqta, onyń sebebi meniń «kóz» dep jazǵanymdy «kór» dep jazyp, ashyq kózimdi soqyr kórsetedi», – degen.
Sol aıtqandaıyn Tashkenttegi «Sholpan» jýrnaly meniń óleń qylǵan «Láıli–Májnún» áńgimesin sonshalyq kóp qate qylyp basypty. Ony túzetý qaıtadan bir kitap jazǵannan qıyn.
Keı óleń múlde joq, keıiniń jartysy joq, árip qatesi esepsiz kóp. Óleńimdi soqyr, aqsaq, sholaq qol qylypty. Óleńnen habary bar kisi oqysa, ol meniń kemshiligim emesin biler.
«Qazaq tili», 1924, 13-nómir
You Might Also Like
-
Shyńǵys han 1154 jyly, dońyz jyly moǵol ishinde Blýnıldyq degen jerde týypty. Týǵanda bir qoly jumýly bolǵan soń, kindigin kesken qatyn ashyp qarasa, ýysynda qan bar eken, sony aqsaqaldar esitip, &laq...
-
Qyzmetten qaıtqan Jetisýdyń 719 jigiti Ǵalıhan atyna medrese ıa stıpendıa ashylsyn dep 2 myń som «Qazaq» basqarmasyna tapsyrǵany «Qazaq» gazetiniń 232-nómirinde basyldy.
