InfoHub Logo

Qazir onlaın sózdikterdiń ishinde qazaqsha-aǵylshynsha sózdik lugat.kz saıty bar. Saıtty jasaýshy, ıdeıa avtory Ulybrıtanıada oqıtyn qazaqstandyq jigit Aıbek Ójkenov. «Luǵat» sózi orta ǵasyrlyq túrki tilinshe «sózdik» degendi bildiredi.

Luǵat jaıly

Luǵat – qazaq tiliniń sózdikter kesheni. Luǵat - tegin sózdik servısin usyný maqsatynda jumys jasap jatqan beıkomersıalyq baǵyttaǵy qoǵamdyq ıgilik.

Luǵattyń tarıhy 2012 jyly sáýir aıynda bastaý aldy. Bas kezindegi ıdeıa tek qazaqsha-aǵylshynsha sózdikpen ǵana shektelgen bolatyn. Sol jyldyń kúzinde Luǵatqa qazaq tiliniń túsindirme sózdigi qosyldy. İle shala 2013 jyldyń basynda orfografıalyq, aımaqtyq jáne sınonımder sózdigi qatarǵa qosyldy. Bul sózdikterdiń birinen soń biriniń qosylýy suranysqa saı júzege asty. 2013 jyldyń sońynda qazaqsha-oryssha sózdikti qosyldy. Sonymen 2014 jyldyń basynda Luǵatta keshen retinde jalpy sózdik qory 350 000 sózdi quraıtyn 8 sózdik boldy.

2014 jyldyń jazynda Luǵat jańa baǵyt aldy, endigi kezek kraýdsorsıngtik platformada edi. Bul degenimiz Luǵatty «halyqtyq sózdik» dep jarıalaý edi. Kez kelgen qoldanýshy áleýmettik jeli arqyly tirkelip ózi qalaǵan sózdikke sóz qosa alady nemese sol sózdikke moderatorlyq etý quqyǵyna ıe bolady degen sóz. Bul qadam Luǵatqa erekshe serpilis ákelýde. Sebebi, birinshiden Luǵatqa jańadan, arapsha jáne túrikshe, eki sózdik qosylýda. Iaǵnı bul sózdikterdi halyq ózi toltyrýda, ár sózdiktiń óz moderatory bar jáne kontentke ózderi jaýap beredi. Ekinshiden, Luǵattyń jalpy sózdik qory 534 000 sózge biraq jetti.

---