InfoHub Logo

Qazaqstan respýblıkasynyń 2-jalpy jıylysynyń bolyp ótkenine jyl toldy. Bul ótken jyldyń ishinde Qazaqstannyń ár aımaǵynda, ár aýdanynda tarıh júzinde sırek bolatyn aýyr halderdi kórip, qazaq eńbekshilderiniń ýákilderi qazir 3-shi ret bastaryn qosyp otyr.

Ol aýyr halder degenimiz mynalar edi: talaı jerlerde maldy, jandy apat qylǵan asharshylyq, talaı maldy naýat qylǵan, talaı jandy qara jerdiń qoınyna kirgizgen túrli indet, jalańashtyq. Ám bularǵa qosylyp eńbekshil úkimetin qurtý nıetinde áreket qylǵan dushpandar (bandalar).

2-jalpy jıylysynda Qazaqstan eńbekshileri óziniń saılap ketken Ortalyq atqarý oryndaý komıtetine tapsyrǵan túrli jumystary bar edi. Qazir, árıne, ol tapsyrǵan jumystardy Qazaqstan eńbekshilderiniń Ortalyq atqarý oryndaý komıteti túgelimen oryndady, túgelimen istedi deýge bolmaıdy.

Eńbekshil halyqtyń ol tapsyrǵan jumystaryn túgelimen oryndaýǵa zor bóget bolǵan — jańaǵy joǵarydaǵy aıtqan alapatty asharshylyq, jalańashtyq túrli indet, ishki qara oıly dushpandar. Bul zor qıyndyqty, bul dushpandardy Qazaqstan eńbekshilderiniń Keńes úkimeti jeńdi.

Muny eske alǵanda 2-jalpy jıylysta eńbekshil halyqtyń tapsyrǵan jumystaryn túgelimen oryndaı almady dep Ortalyq atqarý oryndaý komıtetke artyq kiná qoıýǵa bolmaıdy. Artyq kiná qoıýǵa bolmaýyna, árıne, basqa da talaı sebepter bar shyǵar.

Aýyr hal den endi Qazaqstan qazir shyqty.

Endi budan bylaı túrli apattan, túrli páleden aman bolsa ótken jylǵy asharshylyqpen, jalańashtyqpen, indetpen, ishki jaýlarmen kúresýdiń ornyna, barlyq kúsh-qýatty osylardy jeńýge jumsaýdyń ornyna, Qazaqstan úkimeti kúızelgen sharýashylyqty túzeýge, nadandyqty qurtýǵa, eńbekshil halyqtyń turmysyn jóndeýge, jer paıdalanýdy tártipke qoıýǵa, ám basqa isterdi jóndeýge kiriser.

Qazaqstan eńbek shilderiniń 3-jalpy jıylysy ótken isti eske alyp, keleshekke kóz jiberip, aldaǵy saılaıtyn Ortalyq atqarý oryndaý komıtetine osylardy anyqtap, qatty tapsyrýlary kerek. Eńbekshil halyqtyń ǵana muń-muqtajdaryn tabatyn kisilerdi Ortalyq atqarý oryndaý komıtetine saılaýlary kerek.

1922 jyl

---