InfoHub Logo

Memleket basshysy Qasym-Jomart Toqaev óziniń aǵymdyǵy jyldyń 1-shi qyrkúıegindegi Qazaqstan halqyna Joldaýynda «Barshamyz óz-ózimizdi damytýǵa kúsh salýymyz kerek. Zamana synaǵy bizden úzdiksiz qozǵalysty, myqty kúsh-jigerdi jáne tabandy eńbekti talap etip otyr», - dep kórsetken bolatyn. Rasynda da, osy «Jańa Jaǵdaıdaǵy Qazaqstan: is-qımyl kezeńi» maqalasynda kórsetilgendeı búgingi urpaqtyq basyna úlken synaq túsip tur. Bul tarıhı kezeńdi birlesip, bir judyryqtaı ótkeretin bolsaq, biz jańa kezeńge aıaq basamyz. Sol tusta bilim máselesi de qozǵalǵan bolatyn. «Koronavırýs indetiniń saldarynan dúnıejúzindegi mektep oqýshylary men stýdentterdiń basym kópshiligi qashyqtan oqýǵa kóshti. Bul jumystyń tásili men mazmunyn túbegeıli ózgertýde». Bilim berý sapasy qaı zamanda bolmasyn óte ózekti máselelerdiń biri bolyp tabylady. Bolashaq Qazaqstannyń búgingi irgetasyn qalaıtyn jas býyn qazirgi tańda qalaı bilim alyp jatyr? Qashyqtyqtan alyp jatqan bilimderi olardy kásibı maman retinde daıarlaýda jetkilikti me? Osy suraqtar barlyǵymyzdy mazalaıdy. Elimizdegi basqa JOO qospaǵanda ál-Farabı atyndaǵy QazUÝ qashyqtyqtan oqytý zamanaýı kompúterlerge jáne telekomýnıkasıalyq tehnologıalarǵa negizdelip, dástúrli jáne ınovasıalyq oqý ádisterin qoldana otyryp bilim beredi.

QazUÝ-de 2008 jyldan bastap oqytýshylar men stýdentterge arnalǵan «Qashyqtyqtan oqytý Moodle júıesi» belsendi qoldanysqa engizilgen. Búgingi tańda jahandyq ózgeristerge saı QazUÝ qashyqtyqtan bilim berý platformalaryn iske qosty. Stýdentterdiń jan-jaqty, tolyq bilim alýy úshin barlyq jaǵdaı qarastyrylǵan. Ýnıversıtettiń damyǵan, zamanaýı aqparttyq tehnologıalary men ınfraqurylymy stýdentterdiń qashyqtyqtan bilim alýyna zor múmkindik bere alady. Qashyqtyqtan oqytý múmkindikteri ál-Farabı atyndaǵy QazUÝ men «Microsoft» arasynda ornaǵan yntymaqtastyqtyqtyń jemisti nátıjesi bolyp tabylady. Álemge tanymal IT-kompanıamen birlesken jumystyń arqasynda stýdentter men oqytýshylar bilim alý úshin «Microsoft Teams» platformasyn paıdalana alady. Bir sózben aıtqanda QazUÝ-de ozyq sandyq tehnologıalardyń kómegimen tolyqtaı qashyqtyqtan bilim berý júıesi iske qosylǵan.

Bilim alýshylar úshin onlaın rejımde «Ál-Farabı kitaphanasy» da qyzmet kórsetedi. Búgingi tańda stýdentter men oqytýshylar úshin kitaphana saıtynda «Elektrondy katalog», «Tolyqmátindi derekter qory» jumys jasaıdy. Ol arqyly bilim alýshylar ózderine qajet bolǵan ádebıetterdi tolyq elektrondy formatta oqı alady. Sonymen qatar ádebıetke suranys, kitapqa tapsyrys jasaı alady. Odan bólek kitaphana qazirgi tańda dúısenbi-juma kúnderi aralyǵynda saǵat 9:00-18:00 aralyǵynda barlyq karantındik saqtyq sharalaryn, tazalyq quraldaryn, áleýmettik ara qashyqtyqty saqtaı otyryp qyzmet kórsetýde. Kitaphananyń onlaın derekqory arqyly stýdentter oqý josparyna saı ǵylymı ádebıetterdi erkin paıdalana alady. Bul bilim alýda eń basty qural. Sonymen qatar kitaphananyń jazylymdyq derek qorlary arqyly stýdentter maqalalar men shet eldik basylymdarǵa qol jetkize alady.

Kásibı bilim berý júıesinde eńbek naryǵynda suranysqa ıe bilikti jańa, jas mamandar qalyptastyrýda  QazUÝ árqashan básekege qabiletti oqý orny bolyp qala bermek. Qashyqtyqtan oqytýdaǵy eń basty mindet oqytýdyń jańa formalarynyń burynǵy dástúrli júıedegideı nátıje kórsetýi. Iaǵnı, stýdentter dártúrli bilim berý júıesinde ýnıversıtetke kelip teorıalyq jáne tájirıbelik turǵydan bilimnin jetildirgen bolsa, qazirgi tańda elektrondy formatta sol bilimnen kem bolmaýy tıis. Alaıda qashyqtyqtan oqytýdyń da ózine tán artyqshylyqtary men kemshilikteri  bar. Qalaı bolǵanda da, qashyqtyqtan bilim alý Prezıdentimiz atap kórsetkendeı «Úzdiksiz bilim alýǵa» múmkindik beredi.

 

Mýhajanova T. N. T.ǵ.k.ǵ., dosent

Otarbaı Sh.M. ál-Farabı atyndaǵy QazUÝ 2-kýrs magıstranty

---