InfoHub Logo

Ótken jyldan beri meniń maıdandyq qoıyn dápterimde seniń hatyńnan kóshirip alǵan joldar júr. Sen sol hatty alystaǵy tyldan, Qazaqstannan jazdyń. Sen meniń elimde ediń. Meni týysym, baýyrym dediń kóne jaýmen erlikpen shaıqasýǵa, senin Ýkraınańdy odan bosatý úshin belsendi kúresker bolýǵa shaqyrdyń. Seniń Ýkraın qyzy ekenińdi maqtanysh etemin, sen meniń mahabbatym, senimen birgemin qadirli jaýynger dep jazdyń. Sen tary da soǵan qosa ózińniń Ýkraına taǵdyry jóninen qaıǵyńdy, Ýkraınaǵa degen súıispenshiligińdi soǵys kúıretkenin jazǵan ediń.

Adam ádette áziniń bolashaq týraly armanymen, etkendi eske alýymen ómir súredi. Búgin tar jerkepede seniń hatyńdy esime túsirip, saǵan osy jaýabymdy jazaıyn dedim.

Ýkraın qyzy! Men Krıvoı Rog qalasyna jaqyn jerdegi Chervonyı Iar selosynyń ar jaǵyndaǵy jerkepede otyrmyn. Biz tórt aı nemisterdi qýyp kelemiz, Soltústik Dones, Dnepr ózenderin keship óttik. Biz aıtarlyqtaı baryn bastyq, júzdegen selolardy, ondaǵan qalalardy, Ýkraınanyń kóptegen jerin Otanymyzǵa qaıtardyq. Men bul arada Kıevti bosatqan armıa, ıa bolmasa Harkovty, Poltavany jáne basqa qalalardy azat etken korpýstar týraly aıtyp otyrǵanym joq. Men nemisterdi Soltústik Dones ózeninen Krıvoı Rog qalasyna deıin úzdiksiz shaıqastarmen ókshelep qýyp kele jatqan óz polkim týraly a ı i k.ym keledi. Polkimizdi talapqa saı basqaryp, jeńisten jeńiske jetkizip otyrǵany úshin bizdiń súıikti komandırimiz podpolkovnık Tıtovty Otanymyz ordenderimen nagradtady. Ol — Aleksandr Nevskıı ordeniniń qabystyrdy. Uly qolbasshynyń ordeni bizdiń bárimizge jańa kúsh-jiger týdyrýda.

Bizdiń polkte nemistermen azıalyq, sibirlik, oraldyq azamattar shaıqasýda. Olardyń bári Sovet Odaǵynyń Ortalyq shetinen jınalyp, bir kisiden Ýkraınany azat etý joryǵyna attandy. Nemis qashyp barady, nemis artyna qaraýǵa murshasy bolmaı zytýda, endi oǵan Ýkraına óziniń «aıqasy», semiz eti, aq nanymen nárli qorek bolmaı, molasy boldy.

Ýkraın qyzy! Sen Ýkraınany ózińniń týyp-ósken, shaǵyn, keremet sulý bop ósken Otanyńdy súıesiń. Al, biz ony senen de artyq súıemiz. Nege deseńiz, ol — bizdiń jer, onda bizdiń Sovet adamdary, sen sıaqty bizdiń qyzdar ómir súredi.

Kim qyz týraly áńgime etpedi, kim ol týraly án shyrqamady, kim ony súımedi? Olar týraly az jazyldy ma? Tarastyń — Katerınasy, Pýshkınniń — Tatánasy, Lermontovtyń — Tamarasy seniń apalaryń bolǵan edi, ýkraın qyzy! Sender solardan úırenip, solarǵa eliktedińder. Men: «Ýkraın qyzyn súıemin! — deımin. Bul mahabbat, sizge degen mahabbat mende soǵysta týdy. Iá, Ýkraına jerimen batysqa qaraı alǵa basyp baramyn. Osy jolda senderdiń kózden aqqan jastaryń men qaıǵy-qasiretterdi, kúreske degen yntalaryńdy kózimmen kerip kelemin. Bandıtter qanshama tamasha qyzdardy Germanıaǵa alyp ketti deseńizshi. Men olardyń Germanıada qınalǵanyn sezemin. Maǵan olardyń kóz jasy, qaıǵy-qasireti túsinikti. Ýkraınada qyzy Germanıaǵa zorlyqpen áketilmegen bir de bir semá joq. Men Bramshveıs qalasynan Dnepropetrovsk oblysyndaǵy Bogdanov kolhozynyń múshesi Rıjoı Evdokıaǵa qyzy Núra jazǵan hatyn keltirmekshimin:

«Qymbatty anam! Turmysym óte jaqsy (ol Germanıada keter aldynda turmystary óte nashar bolatyn bolsa, «óte jaqsy» dep jazýǵa aldyn ala kelisken), zavodta táýlik saıyn 14 saǵat isteımin. Kúnine bizdi shoshqa jalamaıtyn jýyndymen eki ret tamaqtandyrady. Iá, kúnine, 150 gram nan beredi, biraq ony kúnde bere bermeıdi. Sym temirmen qorshalǵan lagerde turamyz. Onan attap syrtqa shyǵýǵa bolmaıdy. Ashtyqtan, aýyr jumystan kózim qaraýytyp, basym aınalady. Qymbatty mamochka, seniń tárbıelep, esirgen balalaryńnyń ishindegi eń baqytsyzy men. Qandaı bolsa da posylka jibershi. Mamochkam, kózimnen aqqan jas jazdyratyn emes. Kezdeskenshe saý bol! Qyzyn Núra».

Mundaı hattardy men óte kóp kezdestirdim. Sóıtip, áli de kóp qyzdar kóńildi kúı shertpeı, zarly únge bólenetin» án shyrqamaı, jylaıtyn kezeńdi basynan keshirip keledi. Nemister olardyń baqyty men qýanyshyn tartyp aldy, mahabbaty men maqtanyshyn taptady, kúń etti. Biz olardy kúnde keremiz, biz olardyń zarly únin estımiz. Biz súıikti qyzdarymyzdy zulymdyqtan, qorlyqtan azat etý úshin alǵa basyp baramyz, bizdiń qurdastarymyzdyń zary olardy burynǵydan da kúshti súıýge, olardyń baqyty jáne azat etilýi úshin bizdi bar jigermen shaıqasýǵa umtyldyrady.

«Ýkraın qyzy! Sender meniń zamandastarymsyńdar, men senderdi súıemiń!—deımin qarýlas joldastaryma, — súıgen qyz úshin, alǵa!»

Qymbatty Ýkraın qyzy! Múmkin sen endi týǵan elińde shyǵarsyń. Týyp-ósken qalańdy qalpyna keltirýge qatysyp júrgen shyǵarsyn. Bizden tilektes dos qyzdaryńa sálem aıt, bizderdi — Otanymyzdyń túpkir-túpkirinen kelgen barlyq sovet uldaryn Ýkraına maıdandarynda bas qosyp, ony jaýdan túgeldeı azat etýge kiristi degeısiń! Biz — jaýyngerler seniń Ýkraınań úshin kókiregimizdi oqqa qarsy qoıyp shaıqasamyz, Ýkraınany shyn júregimizden súıemiz.

Aǵa leıtenant Baýbek Bulqyshev.
Maıdandaǵy armıa.
Dalalyq pochta 61271-B
21 dekabr 1943 j.

---