InfoHub Logo

Kóz úshin

Qazirgi zamannyń tehnologıasy kósh alǵa ketip qalǵanymen, kompúter aldynda jumys isteý sizdiń kózińizge zıanyn tıgizedi.

Kózińizdiń kórý qabiletin saqtap qalýǵa quramynda Omega-3, lúteın, sınk jáne A, V, E dárýmenderi bar ónimder óz yqpalyn tıgizedi.

Olar:

- Kók shóp (salat japyraqtary, shpınat, oramjapyraq);

- Jumyrtqa;

- Sıtrýs ónimderi;

- Jıdekter;

- Jańǵaq jáne pisteler;

- Balyqtyń maıly túrleri (albyrt, týnes, skýmbrıa, baqtaq)

​Imýnıtetti kúsheıtý úshin

Tuıyq keńistikte kóp adam birge otyratyndyqtan, qazirgi kezde ofıs bul – bakterıa men vırýstardyń keńinen taralýyna septigin tıgizetin tamasha orta. Sondyqtan da tumaýratyp qalǵan bir adamnyń aınalasyndaǵy birneshe adamdy juqtyratyny zańdylyq. Muny boldyrmaý úshin, jalpy belgili saqtyq sharalaryn ustanýmen qatar, kelesi ónimderdi tutynýdy esińizden shyǵarmańyz.

- Sıtrýs ónimderi;

- Qyzyl burysh;

- Brokollı oramjapyraǵy;

- Sarymsaq;

- Zimbir;

- Kıvı;

- Papaııa;

 

Metabolızmdi jedeldetý úshin

Metabolızm neǵurlym jaqsy júrgenimen, kalorıalar soǵurlym kóbirek jumsalady. Ýaqytynyń kóp bóligi otyrý qalpynda ótetindikten, ofıs qyzmetkerlerine bul ózekti másele bolyp tabylady. Tómende atalǵan ónimder aǵzadaǵy zat almasý prosesin jedeldetip, salmaqty birqalypty ustap turýǵa óz septigin tıgizedi.

- Teńiz oramjapyraǵy;

- Kofe;

- Sháı;

- Taǵam dámdeýishteri (zimbir, kaıen buryshy, kardamon);

- Burshaqty daqyldar;

- Maısyz et (taýyq jáne kúrketaýyq etteri).

 

Mı úshin

Durys tamaqtaný tek qana aǵzanyń damýyna mańyzdy bolyp qalmaı, ofıs qyzmetkerleriniń basty jumys “quraly” bolatyn mıdyń qalypty jumys jasaýy úshin de qajetti. Osy ónimder mıdaǵy sur zattyń jumysyna  jaqsy yqpalyn tıgizip jáne jas erekshelikteriniń ózgeristerin baıaýlatady.

- Maıly balyq (albyrt, aqserke, baqtaq);

- Qarajıdek;

- Jańǵaqtar men piste;

- Jasunyqqa baı ónimder (suly jarmasy, tutas dánderi bar nan, qońyr kúrish);

- Anar shyryny;

- Qara shokolad.

İshek úshin

Amerıkalyq zertteýler nátıjesine senetin bolsaq, on jyl jáne odan da kóp otyryqshy jumysta istegen adamdardyń toq ishek qaterli isik aýrýyna shaldyǵýy eki esege artady. Aýrýdyń aldyn alýyna júıeli túrde dene jattyǵýlarymen (sonymen qatar jumys ornynda da) aınalysý jáne tómendegi ónimderdi tutyný septigin tıgizedi.

- Brokkolı oramjapyraǵy;

- Shpınat;

- Sıtrýs ónimderi;

- Jıdekter;

- Jasunyqqa baı ónimder (suly jarmasy, nan, qońyr kúrish).

Al mamandardyń aıtýynsha qyzyl et pen óńdelgen etti tutynýdy (sosıska, shujyq) shekteý kerek, sebebi olar qaterli isik aýrýyna ákelip soqtyrýy múmkin.

---