InfoHub Logo

ashyq tárbıe saǵaty, bastaýysh klass

Maqsaty: 1) Oqýshylarǵa qustardyń paıdasy týraly maǵlumat berý
2) Qustardyń túri, tirshiligi týraly bilimderin damytý, ata - babamyzdyń qustardy qalaı qasterlep qurmettegeni týraly aıtyp oı - óristerin damytý
3) Oqýshylarǵa ekologıalyq tárbıe berý, ıaǵnı qustardy qorǵaýǵa, olarǵa tıispeýge, uıa jasap qarsy alýǵa tárbıeleý.
Kórnekiligi: Qanatty sózder, qustardyń sýretteri men músinderi, aǵash uıalar, býkletter, slaıdtar, ınter - aktıvti taqta
Ádisi: Ádebı - montaj, túsindirý, oıyn

Barysy:
1. Kirispe bólimi (Psıhologıalyq daıyndyq)
Jańbyr, jańbyr, jaýasyń,
Janymyzǵa daýasyń.
Biz oınaıtyn aýlanyń,
Tazartasyń aýasyn.
- Endeshe sol taza aýamen dem alyp kóreıik. (balalar tynys alý jattyǵýyn jasaıdy)
Qurmetti ustazdar, oqýshylar. Hosh keldińizder! Sizderdi kóńilderińizge jyly shýaq uıalatar kóktem merekesimen quttyqtaımyz! Sizderdi kóktem merekesine oraı uıymdastyrylǵan «Qustar - bizdiń dosymyz» atty ashyq tárbıe saǵatymyzdy tamashalaýǵa shaqyramyz.
- Endi sózjumbaq sheshemiz, ol úshin myna jumbaqtardyń jaýabyn tabý kerek.

1) Bıikte ushyp júredi,
Túlki, qoıan búredi.
Qıa tasta uıasy,
Bul qusty kim biledi? (Búrkit)
2) Ushqany qyzyq jalpyldap,
Ózi sondaı qarqyldaq. (Qarǵa)
3) Aq saraıyn talqandap,
Shyqty bireý taltańdap. (Balapan)
4) Almas - almas kúshti ańdy,
Aýlar - aýlar tyshqandy. (Itelgi)
5) Aıdyn sýdyń túlegi,
Shabaq ilip júredi. (Shaǵala)
6) Kókte ushady tizilip,
Biz qaraımyz qyzyǵyp. (Tyrnalar)
7) Kóktemde erte keletin,
Biz uıa jasap beretin
Ol qandaı qus, balalar? (Qaratorǵaı)

- Sonymen sózjumbaqty sheshkende qandaı sóz shyqty?
- Tabıǵat
- Balalar, «Tabıǵat» degende senderdiń oılaryńa ne keledi? Qane, taqtaǵa jazaıyq.
TABIǴAT→ jer, sý, adam, orman, ósimdik, qustar, ańdar

Tabıǵatty quraıtyn jandy tirshilik ıesiniń biri - qustar. Qustar - tabıǵattyń áni men sáni.
1 - oqýshy: Tabıǵat, qandaı sulý, qandaı kórkem,
Mamyrda jasanady gúldep erteń.
Syldyrlap bulaq aǵyp saı - saladan,
Aǵashtar japyraq jaıyp, qyr kógergen.
Muǵalim: Tabıǵat - halyq qazynasy. Adamnyń bar tirshiligi tabıǵatqa baılanysty, kúsh - qýatty, bar ıgilik pen jaqsylyqty ol tabıǵattan alady.
- Kóktem aılaryn atańdar. (Naýryz, sáýir, mamyr). Kóktem mezgiliniń erekshelikteri qandaı? (taqtaǵa jazady)