Saǵadıev Parıjde Qazaqstanda aǵylshyn tilin pándik deńgeıde engizilýi týraly aıtty
QR Bilim jáne ǵylym mınıstri Erlan Saǵadıev Parıjde IýNESKO-nyń Bas konferensıasynyń 39-shy sesıasynda sóz sóıledi, dep habarlaıdy QR Bilim jáne ǵylym mınıstrliginiń baspasóz qyzmeti.
Baspasóz málimetterine qaraǵanda, álemniń 100-den astam elderinen jınalǵan bilim mınıstrleri salanyń jahandanýy máselelerin IýNESKO aıasyndaǵy ornyqty damý maqsattarynyń biri retinde qarastyrdy. IýNESKO sesıasynyń negizgi oıy - bilim mazmunyn jańǵyrtý, salanyń jahandanýy men údemeli ınternasıonalızasıasy ǵalamdyq kózqarastaǵy jáne osyndaı jaýapkershiligi bar qazirgi zamanǵa saı jańa býyn qalyptastyrýdaǵy negizgi trendter bolyp otyr.
Óz sózinde Bilim jáne ǵylym mınıstri Qazaqstannyń bilim salasyndaǵy ornyqty damý maqsattary men ıntegrasıalyq úderisterdi qoldaıtynyn aıtty. Ol Astanada ótken «EHRO-2017» halyqaralyq kórmesiniń jetistikterin aıta kele, onyń negizinde BUU-nyń bes agenttikteriniń qoldaýymen qyzmetin únemi jalǵastyratyn Halyqaralyq «jasyl» tehnologıalar jáne «bolashaqtyń energıasy» ortalyǵyn quryp jatqany jóninde málimdedi.
E.Saǵadıev kórmeden keıingi kezeńde Islam yntymaqtastyq uıymyna múshe elderdiń ǵylymı zertteýleri men bilim salasyndaǵy jobalardy birlesip júrgizý jónindegi sheshimin Astanada uıymdastyrylǵan alǵashqy Ǵylym jáne tehnologıalar jónindegi samıttiń nátıjesi retinde atap ótti.
Bilim salasynyń damý barysy týraly baıandaǵan mınıstr mektepterdiń joǵary synyptary men kolejderde aǵylshyn tiliniń pándik deńgeıde engizý josparlary týraly aıtty. Sonymen qatar ol elimizdegi joǵary oqý oryndarynyń akademıalyq jáne basqarý eriktigi edáýir keńeıetindigi týraly málimdedi - bul bilim baǵdarlamalaryn quryp, basqarýdyń tıimdi tásilderin endirýge múmkindik berip, Qazaqstannyń Ortalyq Azıa aımaǵyndaǵy bilim ortalyǵyna aınalýyna septigin tıgizedi.
Bilim mınıstri eldegi JOO-na sheteldik stýdentterdi tartý jáne ulttyq kásibı standarttar jáne biliktilik qurylymyn halyqaralyq deńgeımen sáıkestendirý qajettigi máselelerin qozǵap, Qazaqstannyń IýNESKO aıasynda jasalyp jatqan barlyq bastamalarǵa qatysýǵa daıyn ekendigin jetkizdi.
You Might Also Like
-
«Keýdesi jaqsylardyń altyn sandyq» deıdi. Bul sóz babalardan qalypty. Sol ras! Jaqynda redaksıaǵa Baıanaýyl aýdany S.Toraıǵyrov atyndaǵy aýyldan ardager ustaz Sholpan Ábilǵazyqyzy Ja...
-
QR Bilim jáne ǵylym mınıstrligine júrgizilgen memlekettik aýdıt barysynda jalpy somasy 26,7 mlrd teńge bolatyn prosedýralyq buzýshylyqtardyń 147 faktisi áshkerelendi.
