InfoHub Logo

Kúnine 8 saǵat uıyqtańyz

Sapaly uıqy ımýnıtetti kúsheıtetinimen qatar jas, ári sergek kórinýińizdi qamtamasyz etedi. Kúnine 7-8 saǵattyq sapaly uıqy este saqtaý qabileti jáne mıdyń saýlyǵy úshin de mańyzdy.

Óńdelgen azyqtardy azaıtyńyz

Salaýatty ómirdiń alǵashqy qadamy sapaly qorektený júıesi. Maýsymyna qaraı jemis-jıdek, kókónisterdi tutynyńyz. Dándi-daqyldy jáne talshyqty azyqtardy tańdańyz. Maıly taǵamdardan meılinshe uzaq turyńyz. Shujyq, sosıska sekildi óńdelgen azyqtardy múmkin bolsa, múldem as mázirinen shyǵaryńyz.

Kúnine 8 staqan sý ishińiz

Kletkalyq deńgeıde oryn alatyn metabolıkalyq qubylystar jáne deneniń búkil fýnksıalary úshin jetkilikti dárejede sý ishý qajet. Shóldemeseńiz de 8-9 staqan sý nemese 1-2 lıtr sý tutyný kúndik sý qajettiligin qamtamasyz ete otyryp, teriniń saýlyǵyna jaqsy yqpal etedi, as qorytý qıyndyǵy, bas aýrýy jáne umytshaqtyqqa qarsy jaqsy kómektesedi.

Ashyq aýada jaıaý júrińiz

Sportpen shuǵyldana almasańyz, eń bolmaǵanda kúnine jarty saǵat birqalypty, jyldamyraq qadamdarmen jaıaý júrýge tyrysyńyz. Osylaı jaıaý júrý ári salmaqty bir qalypta ustaýǵa, ári ottegi syıymdylyǵynyń artýyna, qan qysymynyń rettelýine jáne strestiń azaıýyna yqpal etedi.

Dárigerge kórinýge nemquraıly qaramańyz

Júıeli dárigerlik tekserý arqyly belgisi kórine qoımaǵan keselderdi erterek anyqtap, aldy alynýy múmkin. Ásirese áreketsiz ómir saltyndaǵylar jáne tolyq adamdar ilgeride qant dıabeti qaýpine qarsy ınsýlın tózimdiligi bar joǵyn tekserýi qajet.

Sheker men tuzdy azaıtyńyz

Sheker men tuzdyń kúndik mólsherin shamadan asyrmaý salaýatty ómir úshin óte mańyzdy. Qandaǵy sheker mólsherin jyldam kóteretin jáne jyldam túsiretin sheker men shekerli azyqtardyń ornyna, bútin astyqty nan, jemis-jıdek sekildi talshyqty azyqtardy tutynyńyz. Jeıtin azyqtaryńyzdyń kópshiliginiń quramynda onsyz da tuz bar ekendigin esten shyǵarmańyz, qatty qajet bolmasa, qosymsha tuz seppeýge tyrysyńyz. 

Streske jol bermeńiz

Stres, kúızelis densaýlyqqa qaýip keltiretin faktorlardyń aldyńǵy qatarynda oryn alady. Salaýatty qorektengenmen tynymsyz ýaıym, kúızelister jasýshalardyń jumysyn tejeıdi. Pozıtıvti energıamen kún bastap, baqytty, qýanyshty kóńil kúıde bolýǵa daǵdylanyńyz.   

Jaqyndaryńyzben birge bolyńyz

Stres gormondary ımýnıtet júıesine zıan keltiredi. Jas kóriný jáne denińiz saý bolýy úshin otbasyńyzben, jaqyn adamdaryńyzben kóbirek ýaqyt ótkizińiz. Jaqyn adamdarmen birge bolý, serýendeý, massaj alý strespen kúreste áserli bolyp tabylady.  

Temeki men spırtti ishimdikten uzaq turyńyz

Temeki men araq – ólimge aparatyn kóptegen aýrýlardyń negizin qalaıtyn jaman indet ekeni árdaıym aıtylyp keledi. Sonymen qatar dene men teriniń tez qajyp, qartaıýynyń eń basty sebepteriniń biri ekendigin umytpańyz.

Kúnnen paıdalanyńyz

D dárýmeniniń kózi bolyp tabylatyn kúnnen durys paıdalaný qajet. Aspan ashyq kúnderi tańerteń nemese tústen keıingi ýaqyttarda kúnge qyzdyryný ımýnıtet júıesin kúsheıtetinin eskerińiz.

---