InfoHub Logo

Ertede saýysqan men kókek bir ormandy mekendepti. Olar uıalary bolmaı, aǵashtyń butaqtaryn panalap kúneltipti. Kókek kúnde erte turyp alyp: «uıa kerek», «uıa kerek», – dep, kórshileriniń mazasyn ketiredi. Bir kúni saýysqan kórshisine:

– Ekeýimiz birigip berik uıa isteıik. Áýeli saǵan, sodan keıin maǵan salarmyz, – deıdi. Kókek:

– Meniń uıa salatyn qýatym da, qaýqarym da joq. «Kerek, kerek» dep qaqsaı bersem, qustyń bári aǵaıynym, kóp bolyp kómektesip, uıa salyp berer, – dep kelispeıdi.

Saýysqan kókektiń kómegin kútpeı-aq, uıa salýǵa kiristi. Ol uıasynyń qabyrǵalaryn jas butaqtarmen myqtap baılanystyrdy. İshi-tysyn saz balshyqtarmen sylady. Kishkene butaqtardan qurastyryp, shaǵyn qaqpaly esik jasady. Uıanyń astyna mamyqtan tósek tósedi. Al kókektiń «kerek, kerek» dep qaqsaı-qaqsaı daýsy qarlyǵyp, tili saqaý boldy. Ol keıingi jyldarda «kerek» degendegi r-dy aıta almaı, «kerek» deýdiń ornyna «kelek, kelek» deıdi. Sondyqtan jurt ony keketip «kókek» dep ataıtyn boldy. Sol kókektiń kúni búginge deıin ózimdiki degen uıasy da, úı-ishi de joq. Jumyrtqasyn kez kelgen uıaǵa tabady, ony basqa qustar basyp, balapan shyǵarady. Shibıler jetim ósedi.

---