InfoHub Logo

San-Fransısko qalasy. Mektep dırektory 3 muǵalimdi kabınetine shaqyryp:

— Qurmetti ustazdar, sizderdi osy mekteptiń eń tańdaýly jáne eń úzdik shyǵarmashyl ustazdary dep sizderge jaýapkershiligi zor júk artpaqpyz. Mektebimizdiń eń úzdik, eń aqyldy degen 90 oqýshysyn keler jylǵa deıin jaqsylap oqytyp úıretýge tapsyrma bermekpiz. Olarǵa bilmegenderin úıretip, amaldardy jyldam oryndaýǵa daǵdylandyrady, degen senimdemiz,- deıdi. Sóıtip, ustazdar men oqýshylar, oqýshylardyń ata-analary da bul usynysqa qýana-qýana kelisedi. Osylaısha qyzý oqý jyly bastalyp, sońy tabysty da jemisti jylǵa aınalady. Oqý jyly aıaqtalǵanda bul mektep oqýshylary San-Fransısko qalasyndaǵy úlgerimi men bilim sapasy jóninen basqa mektep oqýshylaryn basyp ozyp, úzdik nátıjelerge qol jetkizedi. Sonda dırektor tapsyrma bergen 3 muǵalimdi shaqyryp alyp, bylaı deıdi: 

— Sizderge aıtar alǵysym sheksiz. Degenmen moıyndamasqa amal joq, sizderge eń aqyldy, eń úzdik dep bergen 90 oqýshy kezdeısoq tańdalǵan orta bilimdi oqýshylar edi,- deıdi. Muǵalimder ań-tań. Estigenderine sener emes.

Degenmen, kez kelgen oqýshyǵa senim artyp, erekshe kóńil bóletin bolsa, jetistikke jeteri sózsiz eken. Dırektor myrza sózin jalǵastyryp: 

Moıyndaıtyn taǵy bir másele bar — sizder de bul mekteptiń eń úzdik shyǵarmashyl muǵalimderi emes edińizder. Esimderińizdi muǵalimder arasynda jerebe tartyp, tańdap aldyq. Minekeı, sizder de ózderińizge úzdik muǵalimmin dep sengendikten osyndaı keremet jetistikke qol jetkizdińizder. Sizderdi quttyqtaımyn! — dep sózin aıaqtaıdy. 

Senim adamdy jeńiske jeteleıdi, al kúmán — jeńiliske. Sondyqtan, bir-birimizge senim artyp, ortaq múddeni kózdep, aıanbaı eńbek eteıik!

---