InfoHub Logo

Serýen: №1 «Bulttardy baqylaý»
Maqsaty: Óli tabıǵat qubylystary týraly bilimderin tıanaqtaý, tabıǵatty baqylaýǵa degen qyzyǵýshylyqtaryn arttyrý.
Baqylaý barysy: Kórkem sóz. «Bult» Ó. Aqypbekuly
Bulttyń qaıda turaǵy
Bile almadym muny áli
Bilerim kók aspannyń
Bult – kóshpeli bulaǵy
Tárbıeshi suraqtary
- Bult degenimiz ne?
- Bulttardyń túsi qandaı bolady?
- Bulttar neden turady? (san jetpeıtin sý tamshylarynan nemese muz túıirshikterinen)
- Bulttardyń qandaı túrlerin bilesińder? (túıdek bulttar, sharby bulttar, qat – qabat bulttar, túnergen naızaǵaıly bulttar)
- Nege túıdek bulttar deımiz? (olar aspanda túıdek – túıdek bolyp turady)
- Sharby bulttar nege uqsaıdy? (aq ulpaǵa, mamyqqa, jaqsylap ańǵaryp qarasań olardan tanys beınelerdi kórýge bolady)
- Eń úlken bulttar qaı bulttar? (túnergen naızaǵaıly bulttar)
- Qandaı bulttar jańbyr ákeledi? (túıdek bulttar, túnergen bulttar)
- Bulttar nelikten aspanda júredi? (olardy jel qýady)

Zertteý jumysy:
Aspandaǵy qandaı bulttar ekenin anyqtaý. Bir nársege (óli jáne tiri tabıǵatqa jatatyn) uqsaıtyn bulttardy tabý.
Eńbek: Alańdy egý jumystaryna daıyndaý. Qoqystardy jınaý, sypyrý.
Maqsaty: Birlese jumys isteýge degen yntalaryn qalyptastyrý.
Qımyldy oıyn: «Qasqyr qaqpan»
Maqsaty: Oıyn erejesin túsinip, shartyn saqtap oınaýǵa, eptilikke, alǵyrlyqqa baýlý.
Jeke jumys: Matematıkalyq jattyǵýlar
Maqsaty: Taq jáne jup sandardy sanaı bilý daǵdylaryn jetildirý.

Serýen: № 2 «Jeldi baqylaý»
Maqsaty: Jel týraly túsinikterin bekitý. Jel túrlerin este saqtaý.
Baqylaý barysy: Tárbıeshi balalarǵa jumbaq jasyrady.
Aǵashtardy shaıqaıdy
Kózge kórinbeıdi
Sharlaǵanda saı – saıdy
Bir sát erinbeıdi (Jel)
Tárbıeshi balalarǵa aınalany baqylaýǵa, aǵash butaqtary qalaı shaıqalyp turǵanyn baıqaýǵa usynady.
Suraqtar qoıady: Jeldiń qandaı túrleri bolady? Jel nege soǵady?
Atmosferada aýa ártúrli qyzady: jyly aýa jeńil bolady, sondyqtan joǵary kóteriledi, al sýyq aýa aýyr bolady, ol tómen tartylady. Osydan aýada qozǵalys paıda bolady. Jeldiń kúshi jyly jáne sýyq aýanyń temperatýrasynyń aıyrmashylyǵyna baılanysty.
- Qatty jeldiń atyn ata? (daýyl, quıyn, burqasyn, boran)
- Álsiz jeldi qalaı ataıdy? (samal jel dep ataıdy)
- Jeldiń izin kórýge bolady ma?
Zertteý jumysy: Kompas arqyly jeldiń baǵytyn anyqtaý.

Eńbek: Gúl ósiretin klýmba alańdy daıyndaý.
Maqsaty: Birlese jumys isteı bilý daǵdylaryn bekitý, jumysty bar yntasymen oryndaý.
Qımyldy oıyn: «Kim jyldam»
Maqsaty: Júgirýge jattyqtyrý, jyldamdyqtaryn damytý.
Jattyǵý oıyny: Bir – birine dop laqtyrý.
Maqsaty: Qozǵalys koordınasıalaryn damytý.

Serýen № 3 «Gúlzardy baqylaý»
Maqsaty: Kóktemgi gúlzar týraly túsinikterin keńeıtý. Ósimdikterdi kútý, sýarý iskerlikterin tıanaqtaý. Tabıǵatty súıýge, ásemdigin sezinýge tárbıeleý.
Baqylaý barysy: Tárbıeshi suraqtar qoıyp, áńgimelesý júrgizedi.
- Qandaı úı gúlderin bilesińder?
- Qandaı dala gúlderin bilesińder?
- Olardyń qandaı aıyrmashylyǵy bar?
- Senderge qandaı gúlder unaıdy? Nege?
- Senderdiń úılerińde gúl bar ma? Qandaı?
- Olardy qalaı kútesińder?
- Gúlder jaqsy ósý úshin ne isteý kerek?
Eńbek: Gúl egetin alańda jumys (tazalaý, qopsytý)
Maqsaty: Birlese jumys isteı bilý iskerlikterin tıanaqtaý, gúlderdiń ósýi týraly bilimderin qalyptastyrý.
Qımyldy oıyn: «Qaı top tez jınalady?»

Serýen: № 4 «Jándikterdi baqylaý»
Maqsaty: «Jándikter» sóziniń maǵynasy týraly túsinikterin tıanaqtaý. Olardy tirshilik etý erekshelikterine qaraı salystyra bilýge úıretý.
Baqylaý barysy: Tárbıeshi jumbaq jasyrady.
Gúlderdiń nárin jınaıdy
Adamǵa bal syılaıdy
Eńbekqorly aıalaıdy
Erinshekti aıamaıdy. Bul ne? (Ara)
Yzyńdap án salady
Jup – juqa qanaty
Táttige tamsanyp
Qoqysqa qonady. Bul ne? (Shybyn)
Tor toqýǵa sheber – aq
Biraq kıim tikpeıdi
Óneri de óner – aq
Biraq isi bitpeıdi (Órmekshi)
Qandy soryp súlikteı
Yzyńdap kep shaǵady
Bul qandaı búlik toı? (Masa)
Qujynaǵan jumysker
Birleskende tym isker (Qumyrsqa)

Tárbıeshi suraqtary:
- Jumbaq jaýaptarynyń sheshýinde aıtylǵandardy bir sózben neler dep ataımyz? (jándikter)
- Taǵy qandaı jándikterdi bilesińder? (kóbelek, qurt, t. b)
- Qandaı jándik gúlderdi tozańdandyrady? (aralar)
- Jándikter qaıda tirshilik etedi? (baqtarda, aǵashtarda, sý toǵandarynda)
- Masalar nege zıandy jándik dep ataıdy? (olar ártúrli aýrýlardy tasıdy)
Zertteý jumysy: Qańqyzdy taýyp, onyń atyn ataý. Qumyrsqalar «soqpaǵyn» tabý, baqylaý.
Eńbek: Alańdy qoqystardan tazalaý.
Maqsaty: Úlkenderge kómek berýge, úlkender eńbegin qadirleýge tárbıeleý.
Qımyldy oıyn: «Aıýlar men aralar»