InfoHub Logo

Shet elge degen qumarlyq artýda. Halqymyzdyń taǵdyry ne bolmaq?!

Elimizde shet elge eliktep, baılyqtyń artynan ketip jatqan jastar sany artýda. Baılyǵy asyp-tasyp jatqanyn kim qalamaıdy? Biraq baılyq artynan baramyn dep, qatelik jasap, qaıtyp kelip jatqandar sany da az emes-ti. Aralarynda tipten shet elde júrip,  apatqa ushyrap jatqandary bar.

«Qazaqstannan bireý ketip bara jatqanyn estigende alańdaımyn. Eger biz olar ketetin jerge qaraǵanda jaqsy jaǵdaı jasasaq nege ketýi kerek, ne úshin? Sondyqtan jergilikti jerlerde ákimdikter óte muqıat bolýy kerek. Nelikten olar kórshi elderdiń joǵarǵy oqý oryndaryna ketedi. Bizde jaqsy bolatyndaı etip jasaýy kerek. Eń bastysy, úzdik bilim qajet.» - deıdi Tuńǵysh Prezıdent N.Á.Nazarbaev. Rasymende, elimizde osyndaı jaǵdaılar jasalyp jatsa da, shet elge ketip, sol jaqtan bilim alýdy maqsat etetin jastar sany kóbeıýde. Eýropa,  Koreıaǵa ketip jatqan jastar sany kúnnen kúnge artýda. Keıbireýleri sapaly bilimdi kózdese, keıbireýleri aqshany kózdeıdi. «Shet eldik oqýdyń aqshasy Qazaqstandyq oqýdyń  aqshasyna qaraǵanda anaǵurlym arzan.»  - deıdi shetelde júrgen otandastarymyz. Olardyń aıtýynsha, Qazaqstandyq aqshamen salystyrǵanda jylyna 60 myń teńge tólep joǵary bilim alady eken, al elimizde ondaı oqýdyń aqshasy keminde 600 myń tenge. Shetelden alynǵan dıplom barlyq jerde jaramdy. «Oqýǵa jaqsy kóńil bólinedi. Muǵalimderdiń jalaqysy jaqsy.Sondaı-aq shetelderde muǵalim dárejesiniń joǵarylyǵynan, shetelde bilim sapasy joǵary deıdi. Bul proses motıvasıa arqasynda iske asyrylýda. Qazaqstanǵa eń qajet nárselerdiń biri osy – motıvasıa. Motıvasıanyń joqtyǵynan elimizde adamdar jumysyn tolyǵymen atqarmaıtyn sıaqty.» – deıdi Káýsar Anýarbek.

Jazǵy demalys kezinde otandyq juldyzdarymyz da qaltalary kóterse, shetel asýǵa asyǵady. Máselen: juldyzdy otbasy Qaraqat pen Qydyráli elimizden bólek shetelderde, ásirese Túrkıada demalǵandy jón kóredi eken. Al osy jaqyn arada Antalıadan juldyzdy jup úı alyp, qonys toıyn jasady.

Taǵy bir otandyq juldyzymyz Dana Kentaı Taıland eline jıi baratyn boldy. Aıtýynsha, Taılandtyn adamdary jarqyn júzdi, aýa raıy jyly, qolaıly eken. Bul jaǵynan,  qarap otyrsaq, óz otanymyzdyń da adamdary kem túspeıdi. Sebebi, bizdiń halyq óz qonaǵyn jyly júzben, qushaq jaıa qarsy alatyn halyq.

Osydan 1 apta buryn otbasymen shetelde demalǵan Altynaı Jorabaeva Túrkıadan 7 juldyzdy páter satyp alǵanyn Instagram  jelisinde habarlady. Juldyzdyń jankúıerleriniń  bireýleri shyn júrekten qýanyp jatsa, endi bireýleri jyraqta bolady degen oımen ýaıymdap jatyr desedi.

Qoryta aıtqanda,  jalpy keıbir adamdar shetelge muqtajdyqtan shyǵyp jatsa, endi biri tek maqtan úshin shyǵady. Tipten sol jaqtan úı alyp, sol jaqta turýdy maqsat etetinder de bar. Al endi bireýleri, shetelge baılyq sońynan barady. Qazirgi tańda ondaı jastar sany artýda. Biraq kóz salyp qarasaq, bizdiń el de shetelden asyp túspese, kem túspeıdi. Elimiz aýasy taza, tabıǵaty keremet, elimiz baı. Qanshama demalatyn kórkem jerler bar. Máselen; Borabaı, Kóktóbe jáne taǵy basqada demalys oryndary tabıǵatymen erekshelenedi. Al baǵasy sol shetelge baryp kelgenmen birdeı bolmasa, odan qymbat emes. Árıne, árkimniń óz qalaýy shetelge shyǵamyn dese, biraq ózge elde sultan bolǵansha, óz elińde ultan bol degen qanatty sózderdi umytpaǵan jón.

Abylaıhan atyndaǵy Qazaq Halyqaralyq Qatynastar Jáne Álem Tilderi Ýnıversıtetiniń 1 kýrs stýdenti

Kaırzamanova Eldana

---