InfoHub Logo

Syrym jas óspirim bala kúninde-aq qoı baǵýdy qoıypty. Jigittik dáýirine jetisimen han, bılerdiń keńesinde bolyp, bılikke kirisip sóz aıtpaǵanmen, sózin tyńdap otyrýǵa qumar bolypty.

Bir kúni hannyń ordasynda bir jumyspen jınalyp otyrǵan qazaqtardyń bireýleri hannyń ilýli turǵan ishigin kórip:

«Jaryqtyq, bul nendeı ańnyń terisi eken?!» — dep tańyrqasady. Sonda han otyrǵandarǵa jekirip: «Atańa nálet qazaq degen netken kórgensiz halyqsyńdar, bir tyshqannyń terisine sonsha nege esteriń ketti?» — deıdi. Syrym sol jerde hannyń sózine shydaı almaı ushyp tura kelip:

— Iapyrm-aı, myna sarttyń tasýyn qara, qazaqty aıaǵyna basýyn qara! Qudaı taǵala 6666 aıaǵy, 114 basy bar bir maqulyq jaratty, sen sony bilemisiń? Úsh kúnniń ishinde osy sózdiń maǵynasyn tap, eger tappasań, basyńdy alamyn, — depti de, doıyryn tabaldyryqtan shubatyp, úıden shyǵa jónelipti.

Syrym ár jaqtaǵy Taýbaı deıtin bıden aqyl surapty: «Nuraly han solaı dedi, men bylaı dedim» dep. Sonda Taýbaı: «Han tasqan eken, ony shappaq kerek» dep aqyl aıtypty. Sonan soń Nuraly hannyń ulyn Urymǵa, qyzyn Qyrymǵa jiberip, Syrym batyr shaýyp alypty. Nuraly qashyp Ýfaǵa tyǵylyp, aqyrynda sonda ólipti. Syrym batyr otyz tórt jas shamasynda Nuraly handy shapqan sebepti úkimet tarapynan jer aýdarylyp, onan aman-esen kelgen soń, hanǵa qarsy kúresti burynǵydan da kúsheıte túsipti.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---