InfoHub Logo

Syrym at jarysqa óziniń Aqmonshaq atty atyn qosady. Aty báıgeden alda keledi. Buǵan ashýlanǵan han Syrymdy óltirýdiń qamyna kirisedi. Han Syrymǵa: «Kúresýge adamyńdy shyǵar, shyǵara almasań, jeńilgeniń», — deıdi. Syrym ózimen birge kelgen Zilqara batyrǵa baryp: «Kúresýge qalaısyń?» — degen. Zilqara batyr: «Jolda kele jatyp shóldegenimde, jol boıynda ósip turǵan bir top tobylǵyny syǵyp, sý shyǵaryp ishtim, al kúresý odan jeńil. Men ázirmin», — dep jaýap qaıtarǵan.

Eki jaqtyń batyrlarynyń kúresinde Zilqara batyr jeńiske jetedi. Han Syrymdy óltirýge mystan kempirdi jiberedi. Bir qapylysta mystan kempir Syrym mingen attyń úzeńgisine músheaıaq ýyn jaǵyp qoıady. Alańsyz Syrym eline qaıtpaqshy bolyp, atynyń úzeńgisine aıaǵyn sala bergende, kenet bir alyp kúsh aıaǵyn syrqyrata jóneledi. Bir báleniń bolǵanyn, onyń hannan kelgenin ózi de, joldastary da sezedi. Joldastary biraz jerge sheıin kóterip alyp júredi. Syrymǵa «Aıaǵyńdy keseıik pe?» dep joldastary suraǵanda, Syrym: «Joq aıaǵymdy kestirip, sholaq aıaq atanǵannan ólgenim artyq, meniń yrysymnyń jetken jeri osy bolar, tastap ketińder», — dep ótinipti.

Sóıtip, ótkirligimen de tapqyrlyǵymen erte kózge túsip, halyqtyń súıikti uly bolǵan Syrym batyr oıyl-Qıyl degen jerdiń boıynda qaıtys bolǵan.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr