InfoHub Logo

Intellektýaldy saıys 8 - 9 synyp aralyǵynda ótkizildi.

Tabıǵaty asa kórkem, Qazaqstan - týǵan ólkem
(Synyptan tys is - shara)
Intellektýaldy oıynnyń maqsaty:
Ulan - baıtaq alqapty alyp jatqan, tabıǵaty san qıly bolyp keletin týǵan ólkemiz týraly jas urpaqtyń bilimin qalyptastyra otyryp, pysyqtaı túsý. Óz týǵan jerine degen patrıottyq sezimge tárbıeleý. Oqýshylardyń geografıa páninen alǵan bilimderin ómirde qoldana bilýge úıretý. Jalpy oqýshynyń ıntelektýaldyq belsendiligin arttyrý.
Oıynǵa qatysýshylar: 8 - 9 synyp oqýshylary
Oıynnyń kórnekilikteri: Mýzyka, Qazaqstannyń fızıkalyq kartasy, úlestirmeli materıaldar.

Intellektýaldy oıyn barysy
Toptardy shaqyrý.
Toptardyń ózderin tanystyrýy.
Tósbelgilerin qorǵaýy.
Qazaqstan, týǵan jer týraly óleńderdi mánerlep oqý, án aıtý.
Jer - sý attary týraly ańyz, áńgimeler, ertegiler.
Toptarǵa vıktorınalyq suraqtar.
Adasqan ataýlardy sáıkestendirý.
Júldegerlerdi anyqtaý.
Keshti qorytyndylaý.

Júrgizýshi:
Qurmetti ustazdar men oqýshylar! Sizderdi búgingi jaratylystaný ǵylymdary pánderiniń aptalyǵy aıasynda ótkizgeli otyrǵan «Tabıǵaty asa kórkem, Qazaqstan týǵan ólkem» atty ıntellektýaldy oıynyn ashyq dep jarıalaımyn. Qosh keldińizder!
«Tabıǵaty asa kórkem, Qazaqstan týǵan ólkem» atty ıntellektýaldy oıynyna mektebimizdiń 8 - 9 synyp oqýshylary óz bilimderin synaǵaly kelip tur. Oıynymyz 6 týrdan turady.
Toptardyń ózderin tanystyrýy.
Tósbelgilerin, gazetterin qorǵaýy.

Qazaqstan, týǵan jer týraly óleńderdi mánerlep oqý, án aıtý.
Jer - sý attary týraly ańyz, áńgimeler, ertegiler.
Toptarǵa vıktorınalyq suraqtar.
Adasqan ataýlardy sáıkestendirý.

Oıyndy baqylaýshy ádil tóreshilerimen tanys bolyńyzdar:
Mektebimizdiń ǵylymı ister jónindegi orynbasary: ...
Mektebimizdiń oqý isiniń meńgerýshisi: ...
Mektebimizdiń 11 synyp oqýshysy, «Altyn belgige» úmitkeri ...

Qarataý, Alataýym, súıenishim,
Elimniń eńsesisiń, ıinisiń.
Ulytaý - uly dala qudireti,
Kókshetaý - kózi jaýhar kıigimsiń.

Qyzyljar – muńdy mezgil ótkenimsiń,
Arqalyq - qazaǵymnyń tekti elisiń.
Kendi ólke Qaraǵandy - baılyǵymsyń,
Qostanaı - Ybyraıdyń mektebisiń.
Órshitip ór Almaty namysymdy,
Naısaptyń Jeltoqsanda saǵy syndy.
Tirliktiń Taldyqorǵan baǵy syndy,
Dám - tuzyn Jetisýdyń taǵy usyndy
«Tabıǵaty asa kórkem, Qazaqstan týǵan ólkem» atty ıntellektýaldy oıynǵa qatysatyn toptardy ortaǵa shaqyraıyq.

Batysynda elimniń,
Baılyǵy mol bir jer bar.
Balyqqa baı Kaspııi,
Munaı, gaz, nıkeli,
Qoınaýynan tabylar.
Sol aımaqtan kelipti
Bizdiń jaqqa ul - qyzy.
Týǵan jeri bulardyń
Maqtan tutar juldyzy.
Al tyńdaıyq, kánekı,
Ortaǵa kel, qonaqtar!
Ne jańalyq ólkeńde,
Qane, bárin aıtyńdar! Ortaǵa «Batys Qazaqstan» tobyn shaqyramyz.

Júrgizýshi:
Astyqty ólke atanǵan,
Maqtan tutar jeri bar.
Sol jaqtan búgin kelipti.
Júzdesýge ulandar.
Jerin bizge aıtqanda,
Kókshe eske oralar.
Temir, kómir, altyndy,
Kenshileri mol alar.
Alys jaqtan kelipsiń,
Ortaǵa shyq, baýyrlar.
Jerlerińde aıtyńdar,
Biz bilmeıtin neler bar? Ortaǵa «Soltústik Qazaqstan» tobyn shaqyramyz.

Júrgizýshi:
Baıaý jyljyp aǵady,
Sýy mol Ertis ózeni.
Ortamyzǵa kelińder,
Kendi Altaı óreni.
Shyǵysynda Qazaqtyń,
Qorǵan tutar eli bar.
Altyn, myrysh, kúmiske,

Qoıny tolǵan jeri bar.
Aýasy taza, jeri baı,
Maqtan tutar jer edi.
Jerin maqtap, ardaqtar,
Ul - qyzdarǵa kez keldi. «Shyǵys Qazaqstan» toby, ortaǵa kelińizder.