InfoHub Logo

    Qazaqstan - KSRO-dan bólinip shyqqan memleketterdiń biri. 1991 jyly 16 jeltoqsanda “Qazaqstan Respýblıkasynyń memlekettik táýelsizdigi týraly” Konstıtýsıalyq zań qabyldandy. Sol kúnnen bastap Qazaqstan ósip órkendeýde. Eń birinshiden, Qazaqstan óz prezıdentin saılady. 1991 jyldyń 1 jeltoqsanynda halyqtyq saılaý arqyly Nursultan Ábishuly Nazarbaev Qazaqstan Respýblıkasynyń alǵashqy prezıdenti bolyp taǵaıyndaldy. Keıinnen, prezıdent táýelsiz Qazaqstannyń shekarasyn anyqtap, belgiledi. Derbes memlekettiń ánuran, eltańba, tý sekildi memlekettik rámizderin belgiledi. Memlekettiń basty aqshasy – teńge bolyp bekitildi. Qazaqstan Respýblıkasynyń Ata zańy – Konstıtýsıa zańdar jınaǵy jaryq kórdi. Nursultan Ábishuly Nazarbaev el astanasyn “Astana" dep atady. Astanamyzdyń ósip, kórkeıýine bar kúsh-jigerin saldy. Búginde Astana – IýNESKO-nyń sheshimimen “Beıbitshilik qalasy" atandy. 
Qazaqstan táýelsizdik alǵannan keıin ózge eldermen terezesi teń boldy. Damyǵan 50 eldiń qataryna qosyldy. Búginde Qazaqstan álem elderi arasynda jer kólemi boıynsha toǵyzynshy oryndy ıelenip otyr. Bul da bir úlken jetistik. Osynaý keń baıtaq jerde qazir 150-den astam ult-ókilderi tatý-tátti ómir súrip jatyr. Basqa ulttardyń ómir súrýine elimizde barlyq jaǵdaı jasalǵan. Ózge ult-ókilderiniń tańdaýy men qalaýyna qurmetpen qaraýǵa tıispiz. 
Elimizde Baıqońyr ǵarysh aılaǵy paıda boldy. Qazaqstannyń atynan eń alǵash ǵaryshqa Toqtar Áýbákirov ushqan bolatyn. Onyń sapary jaqsy aıaqtalǵan soń, Talǵat Musabaev ǵaryshqa attandy. Keıinnen, Aıdyn Aıymbetov ǵaryshty baǵyndyrdy. Bul – táýelsiz Qazaqstannyń jetistikteriniń tek bir bóligi. 
Qazaqstannyń namysyn qorǵaımyn degen erjúrek, batyl sportshylar ózge memleketterdegi jarystarǵa, olımpıadalarǵa qatysa bastady. Qazaqstannyń týyn kókke kóterip, elge jeńisterimen, júldeli oryndarymen orala bastady. Ózge elden alǵan tájirıbelerimen bólisip, sportty jandandyrýǵa atsalysty. 
Qazaqstannyń elordasy Astana qalasynda Halyqaralyq kórmeler búrosy uıymdastyrǵan Halyqaralyq kórme ótti. Kórme 2017 jyldyń 10 maýsym men 10 qyrkúıek aralyǵynda ótken bolatyn. Kórmeniń basty taqyryby – “Bolashaq qýat". EXPO 2017 kórmesine 115 memleket jáne 22 halyqaralyq uıym qatysty. Kórmeni tamashalaýǵa 3 mıllıonnan astam adam keldi. Bul kórme arqyly Qazaqstan damyp, elge týrıser aǵyla bastady. 
Byltyr ıaǵnı, 2021 jyly Qazaqstan Respýblıkasynyń táýelsizdigine 30 jyl toldy. 30 jyl ishinde eldiń ál-aýqatyn kóterip, tól mádenıetimiz ben memlekettik tildi jańǵyrtý isinde qyrýar jumystar jasaldy. Elimizde bilim, ǵylym, densaýlyq, sport, aqparattyq tehnologıalar salalary aıryqsha damý ústinde. Halyqtyń da oı-sanasy jetilip óz azamattyq quqyqtaryn úırený ústinde. Halqymyzdyń ejelden kele jatqan dástúrlerimiz nasıhattalyp, elimiz rýhanı jańǵyrýda. Qazir irgeli táýelsiz el, demokratıalyq dástúrdi berik ustanǵan qýatty memleket boldyq. 
Biz táýelsizdiktiń 30 jyldyǵyn dúrkiretip atap óttik. Bizdiń mektep bitirýimiz osy jylmen tuspa-tus kelgendikten, merekeni erekshe toıladyq. Sol sebepti, táýelsizdiktiń 30 jyldyǵyna arnalǵan “Táýelsizdik ulandary” atty konserttik baǵdarlama uıymdastyrdyq. Bul konsertte mektebimizdiń túlekteri retinde óz ónerlerimizdi kópshilikke pash ettik. Konsert barysynda biz táýelsizdik jaıynda ánder shyrqadyq. Túlektermen fleshmob uıymdastyryp, ony birge bıledik. Táýelsizdikke qatysty monologtar oqylyp, kórinister kórsetken bolatynbyz. Sońynda, bizge, qazaq halqyna táýelsizdikti naızanyń ushymen, aq bilektiń kúshimen alyp bergen jandar úshin basymyzdy ıip, alǵys bildirdik. Rýhtaryna taǵzym ettik.
Bul úrdis ýnıversıtette de jalǵasty. Ál-Farabı atyndaǵy qazaq ulttyq ýnıversıtetinde táýelsizdik onkúndigi ótken bolatyn. QazUÝ-da úzdik qyzmetkerlerdi anyqtaý, olardy áleýmettik jáne moraldyq qoldaý jáne yntalandyrý maqsatynda “Eń úzdik maman-2021” baıqaýy ótti. Bul saıystyń 10 jyldyq alǵashqy mereıtoıy táýelsizdiktiń 30 jyldyǵyna arnalyp uıymdastyrylǵan bolatyn. Jáne bizdiń jýrnalısıka fakúltetinde de táýelsizdikke arnalǵan is-sharalar ótkizildi. 
 Men Qazaqstanda, táýelsiz memlekette dúnıege kelgenime jáne qazir osynda ómir súrip jatqanyma rızamyn. Táýelsizdik – bizdiń eń basty ıgiligimiz, baǵa jetpes qundylyǵymyz. Táýelsizdikti saqtap qalý – árqaısysymyzdyń paryzymyz. Men táýelsiz eldiń táýelsiz ulanymyn. Men táýelsiz elimdi órkendetip, damytý úshin sapaly bilim alyp, elimniń kórkeıýine óz úlesimdi qosamyn. Táýelsiz Qazaqstanym meniń!

 

---