InfoHub Logo

Túrkistan oblysy Saıram aýdany Qarabulaq aýyly
«Dalabazar» jalpy orta mektebiniń
11-«A» synyp oqýshysy: Irısmatova Zahro Jamalovna

Táýelsizdik dep atalmysh osy uly sózdiń tóńireginde tereń maǵyna jatyr. Árqashan táýelsizdik degen qasıetti uǵymdy estigende eriksiz kóz aldymyzǵa kókte jelbirep turǵan teńsiz týymyz, eńsemizdi kóteretin eltańbamyz, altynǵa teń sózderden kórinis tapqan ánuranymyz, beıbit, aspany ashyq, jastary talantty elimiz keledi. Táýelsizdik bylaısha aıtqanda 1941 jyly ashshy soǵys pen kelip, 1945 jyly halyqtyń qýanyshy men baqytty ómiriniń sebepshisi bolǵan tátti jeńis. Sol kezde ottan da ystyq Otanyn jaýdan qorǵaý maqsatynda janyn pıda etken Qaırat Rysqulbekov, Lázzat Asahanova, Sabıra Muhammedjanova, Mánshúk Mámetova, Alıa Moldaǵulova sekildi Otandastarymyzdy maqtanysh pen eske alamyz!

Beıbitshilik ornaǵan bul asyl mekenniń negizin qalaýshy jandar aıtýǵa sóziń jetpeıtin ardaqty ata-babalarymyz, jastyq shaǵynda qyrshynnan qıylǵan, esh oılanbaı soǵys alańyna túsken aǵa-ápkelerimiz, aq batasyn aıamaǵan aq jaýlyqty ájelerimiz! Sondaı jandardyń tynymsyz ter tókkendiginiń, úlken maıdanda qanǵa belshesinen batyp soǵysqandyǵynyń, erteń bizdiń jastarymyzdyń armandary eriksiz oryndalýy tıis dep kúreskenderiniń arqasynda- osyndaı bolashaǵy jarqyn, tili men mádenıeti salt-dástúri, ushtasqan, ózderine tán erejesi, zańdary men qatar quqyqtary bar demokratıalyq memleketke jetip otyrmyz. Árıne bul jeńis bizge ońaılyqpen kelgen joq. Otandastarymyz bolsa, Uly Otan Soǵysynda eńsesin túsirmeı, namysty qoldan bermeı, sabyrlyq tanytyp, sanasynyń qanshalyqty bıik ekendigin dáleldedi! Mine bıyl rýhy asqaq, tuǵyry bıik egemendigimizge 30 jyl tolyp otyr! Tarıhty bilmeı jatyp, bolashaqqa qadam joq demekshi - biz osy synaqtarǵa toly kezeńnen sabaq ala otyryp, dushpandaryna oılanbastan toıtarys bere alǵan, esimderi tarıh betterinde jáne bizdiń jadymyzda máńgi saqtalyp qalatyn sonymen qatar árdaıym esimizge alǵanda maqtanatyndaı azamat pen azamatsha bolyp ósýge tıispiz! 

Endigi maqsatymyz - bizge berilip otyrǵan múmkindikterdi durys jolda paıdalanyp, bilim alyp, boıymyzǵa adaldyq, senimdilik, adamgershilik syndy qasıetterdi sińirip,  kók týymyzdy budan da bıik belesterden kórsetý. Qazaqstan Respýblıkasyn ár jaǵynan damytyp, ózimizdi túrli qyrymyzdan tanytyp, bizden keıingi ósip kele jatqan jas urpaqqa úlgi bolarlyqtaı dárejede ómir súrýimiz kerek. Bizdeı jastarǵa sarqylmas senimin, rýhanı tereń maǵynaǵa ıe aqyly men keńesin máńgilik mura etip tastap ketken jandardyń urpaǵymyz deýge turarlyqtaı bolýyz óte mańyzdy! Sebebi Maǵjan Jumabaev atamyzdyń “Men jastarǵa senemin”, Muqalı Maqataev atamyzdyń “Bolady dep armanda” atty óleń joldarynda da olardyń úlken úmiti, taýdaı talaby, sarqylmas senimi kórinis tapqan. Kók týymyzdyń kókte jelbireýi, eltańbamyzdyń elge eleýli bolýy, al ánuranymyzdyń tek bizdiń elde ǵana emes ózge memleketterde de maqtanysh pen aıtylyp turýy biz úshin úlken abyroı, mansap! Bir shańyraqtyń astynda aırandaı uıyp otyrǵan  halqymyzdy tek jaqsy jaǵynan kórý, jetistikterine qýaný barlyǵymyzdyń asyl  armanymyz. Sol armanǵa birge qulshynys jasaıyq, bir el bolyp bir-birimizdi barynsha qoldaıyq! Sebebi el bolashaǵynyń baıandy bolmaǵy basty bilim men tárbıede! Al tereń bilim táýelsizdiktiń tiregi. Bizdiń búginde alyp jatqan sheksiz bilimimiz-keleshegi kemel memleket bolýymyzǵa óz septigin tıgizedi. 

Abaı Qunanbaıuly, Ybyraı Altynsarın, Ahmet Baıtursynuly, Muhtar Áýezov syndy ata-babalarymyzdan úlgi, ónege ala otyryp, olardyń izin jalǵastyrý bizdiń paryzymyz! Órkenıetimizdi bilimdi jastarǵa toltyrý, Otan aldyndaǵy jaýapkershilikti seziný, elge paıda ákeletindeı eńbek etý ár adamzat balasynyń aldyna qoıǵan úlken maqsaty. Búginde ár birimizdiń maqsatymyz aıqyn. Al oǵan aparatyn esikter aıqara ashyq. Biz qashanda elbasyymyzdyń Qazaqstannyń bolashaǵy bilimdi jastardyń qolynda degen uranyna súıenip ómir súremiz!  Óz elimizdiń, jerimizdiń,  darhan dalamyzdyń dańqyn kókke kóteremiz. Berekeli de, merekeli el ekendigimizdi Qazaqstan halqyna ǵana emes, búkil álemge pash etemiz! Basqa elderden kórinis alatyndaı emes, bálkim olar bizden úlgi alatyndaı dárejege jetemiz. Jas urpaqtyń boıyna jaqsylyq,  ádeptilik sonymen qatar mádenıettilik sıaqty baǵa jetpes qundy qasıetterdi quıyp baramyz. Salt-dástúrlerimizge, rýhanı baılyqtarymyzǵa, tilimizge jáne eń bastysy dinimizge Otanymyzǵa adal bolyp ósemiz! Ótkeniń bolmaı, bolashaǵyń joq demekshi-ótkenimiz qaıǵy men muńǵa toly bolsada, eske alǵanda odan bir ǵıbrat bolarlyqtaı dúnıeni ala otyryp, baıandy da baqytty bolashaqqa qadam basamyz. Kóp jyldar boıy ata-babalarymyz ańsap kútken jemisti bolashaqtyń kilti bizdiń qolymyzda. Oǵanda bir kún jetemiz! Týymyzda bıik belesterdi qushqan qyran qusy qalaı beınelense, biz odan da joǵary ushatyn, úlken shyńdardy áp sátte baǵyndyryp jiberetin bolamyz.

Bolashaqta ár qaısysymyz ár túrli salada jumys jasap, óz mamandyǵymyzdyń sheber maıtalmandary ekendigimizdi dáleldeımiz. Tehnologıa, bilim-ǵylym toqtaýsyz damyp jatqan myna bosqa qol qusyryp otyrmaımyz. Kerisinshe osy zaman men birge ósemiz-ónemiz. Erkin, táýelsiz memlekette ǵumyr keship jatqan ekenbiz, múmkindikterden qapy qalmaı, alǵa umtyla beremiz. Osyndaı esińe alsań kóńil qýantarlyqtaı, kópke úlgi bolarlyqtaı ata-babalarymyz, aǵa-ápkelerimiz jáne solardyń qatarynan erekshe oryn alǵan ájelerimiz ben analarymyzdyń ósıetin jerge taptamaı, ony temirdeı tárbıemiz, ımandylyǵymyz jáne boıymyzdy kernep turǵan teńizdeı tereń bilimimiz arqyly aıqyndap beremiz. Táýelsiz, beıbit, qarasań kóz toıarlyqtaı kórkem  eldiń altyn kiltin qolymyzǵa ustatyp ketken Otandastarymyzdyń úlken úmiti zamanda n mindetti túrde aqtaımyz! Ol janashyr jandarǵa basymyz jerge tıgenshe taǵyzym etýden talmaımyz!

---