InfoHub Logo

Meniń Taılan degen eski dosym bar edi. Birneshe jyl bir mektepte oqyp, bir partada otyrǵan dos. Ol kezde Taılan qyzdarǵa arnap óleń jazatyn. Ádebıetpen shuǵyldanatyn. Úlken jazýshy bolýdy arman etetin. Bıyl oıda-joqta sol dosymmen kezdesip qaldym. Bir úlken tresiń bastyǵy eken. Ekeýmiz uzaq áńgimelestik. Balalyq shaǵymyzdy eske alystyq. Men oǵan sóz arasynda:

— Baıaǵyda úlken aqyn bolýdy arman etýshi ediń ǵoı, — dep qoıdym.

— Bári de jastyq shaqtyń áýresi eken, tastadyq — dep jaýap berdi Taılan.

Qoshtasar sátte ol meniń qolymdy qatty qysty da, júzime qarap sál oılana turyp qaldy. Sodan keıin kitap sóresin uzaq ýaqyt aqtara júrip bir qyzyl dápterdi alyp shyqty.

— Mynaý budan biraz jyl buryn jazǵan shatpaqtarym edi. Tegi, jazýshy bolyp jarytpaspyn deımin. Ala ket. Múmkin keregińe jaratarsyń, — dep maǵan usyndy.

Úıge kelgen soń dostym syılaǵan dápterdi alyp oqyp qarasam, kóńil aýdararlyqtaı kóp nárseler bar eken. Solardyń keıbireýlerin jeńil ǵana jóndep, jarıa etýdi maqul kórdim.

---