InfoHub Logo

Aısyz tún, qyzyl ińir. úshtas jaılaýynyń tórinde otyrǵan Qara Ospan bıdiń segiz qanat ordasynyń janynan jalǵyz ótip bara jatqan Múkeı, úı ishinde shertilip jatqan kúıdi qulaǵy shalady da, atyn qaltarysqa bekitip qoıyp, úı irgesine taıaý kelip kúı tyńdaıdy. Ony saı tazanyna at qoıyp kele jatqan eki jigit shalyp qalady da, «baspalap júrgen ury», — dep ustap alyp, Qara ospannyń aldyna aparady. Óziniń úı irgesine ne úshin kelgendigin sendire almaǵan Múkeı Qara ospandy moıyndatý úshin, ónerin pash etip kúı shertedi. Qara ospan da kúmánnan aıyǵyp, onyń kúıshilik ónerin qadir tutady. Qara Ospannyń ózi de Múkeımen kúı shertisedi, qonaq etedi. Erteńinde Múkeı mal daýymen Qara ospanǵa kelgen eki adamnyń áńgimesin tyńdaıdy. Onyń bireýi joq-jitik edi. Bul daýǵa Qara Ospannyń durys qazylyq etpeı, bardamǵa jan basyp, kedeıdi aıypty etkenin kóredi de, bıdiń ádiletsizdigine tóze almaǵan Múkeı, Qara Ospannyń úıinde otyryp qolma-qol «Teris qaqpaı» kúıin shyǵaryp shertedi. Kúıdiń sol kezdegi aty «Qaqpaı» bolyp, keıin «Teris qaqpaı» dep atalyp ketken.

---