InfoHub Logo

Túlkibaı myrza kóshede kele jatqan Momynbaı mollaǵa jolyǵyp: "Iá, moldake, jaqsy kez keldiń. ...Salaýmaleıkým, — myna bir dástebrnege (ýdostoverenıe bolýy kerek) qol qoıyp bere qoıyńyzshy!" dedi.

Molla: — Ol neniń dástebrnesi?

Túlkibaı: — Meniń Tuıaq deıtin aǵam qatty naýqas edi. Soǵan kıim alýǵa aýylnaıdan alǵan dástebrne ǵoı, komıtetke alyp baryp em, ýkazyna molla qol qoımasa bolmaıdy dep bermeı shyǵardy. Sonymen sizdi izdep júr edim.

Molla: — Oıpyrmaı, keshe de bireý, baǵana da bireý qol qoıǵyzyp alyp edi, sirá bizdiń eldiń óleıin dep jatqan kisisi tym kóbeıip ketip júrmese!

Túlkibaı: Kóbeımeıdi. Moldake, bolyńyzshy, birdeńe qyp bere qoıyńyzshy!

Molla: — Áı, bilmeımin, meniń syrtymnan da qol qoıyp alǵan birsypyra kisi bar-aý deımin.

Túlkibaı: — Taqsyr-aý, sóıtip aıla-shara qylmasa, bolatyn emes, qaǵazsyz bir sharshy — pul, bir shırek sháı berýdi qoıǵan joq pa?! Tipti búgin, birden artyq dástebernesi bar kisige sháı de bermeı shyǵardy.

Molla: — Onyń mánisi bar. Osynda qoly qalam biletin keıbir epti jigitter elden kelgen "bıletti" aýylnaılardyń mórimenen arzan sháı alyp, qymbatqa satyp júrgenderin komıtet bilip qoıyp, sonymen qaǵazdy baıqap beretin bolyp tur dep estidim.

Túlkibaı: — Báse, bolsa bolar, túneýkúni olaı emes edi. Endi mynany bitire qoıyńyzshy.

Molla: — Áı, Túke-aı! Sózińizdiń túri: osy kisiniń syrqaty artyq qatań emes-aý!

Túlkibaı: — Oıbaı, qatań bolmaǵanmen óli kisi deımin, ózi tipti úıden shyǵa almaıtyn qart adam.

Molla: — Qart bolsa da ajal kelmese, siz óltirem degenge Tuıaqtyń ózi rıza bola qoıar ma eken?

Túlkibaı: — Ony shyn óltireıik dep tursyz ba, táńiri, ásheıin myna pulǵa zárýlikten qylyp turǵan dalbasalyq emes pe?!

Molla: — Jaraıdy endeshe, búgin ólmegenmen túbinde bir óler, óziniń de 10 kez aq bátesten artyq nesi qaldy deısiń?! Ápkel qaǵazyńdy!— dep qol qoıyp bergen soń ekeýi amandasyp aıyrylysty.

---