Tımýr Qulybaev mektep baǵdarlamasyna engiziletin jańa pán týraly aıtty
«Atameken» UKP-nyń prezıdıým tóraǵasy Tımýr Qulybaev Taldyqorǵanda kásipkerlerdiń óńirlik keńesiniń múshelerimen kezdesti. Kezdesý barysynda ol mektep baǵdarlamasyna engizilgen jańa pán «Kásipkerlik jáne ekonomıka negizderi» joǵary synyp oqýshylary úshin bolashaqta aınalysatyn kásibin durys tańdaýǵa zor septigin tıgizetindigin aıtty.
Onyń sózinshe, mektep oqýshylary kásipkerlik negizderimen 2019 jyldyń 1 qyrkúıeginen-aq tanysa bastaıdy.
«Qazirgi tańda atalmysh pán Bilim jáne ǵylym mınıstrligimen birge pysyqtalýda. Osylaısha, biz joǵary synyp oqýshylaryna kásip tańdaýdy úıretemiz. Biz olarǵa qandaı bıznes túrimen aınalysqylary keletinin, olardyń qandaı kásipke ynta-yqylasy bar ekenin anyqtaımyz. Eger olar kásipkerlikpen aınalysýǵa qyzyǵýshylyq tanytsa, biz ózimizdiń múmkindikterimizdi tehnıkalyq jáne kásibı bilim berý arqyly usyna alamyz. Sondaı-aq shaǵyn kásipkerlikti damytý arqyly joǵary oqý ornyna túsýge daıyndaımyz»,- dedi T.Qulybaev.
Aıta keteıik, jýyrda Tımýr Qulybaev Tarazda kásipkerlermen bolǵan osy tektes kezdesý barysynda kásipkerlerdi kadr daıyndaý boıynsha memlekettik tapsyrystardy oryndaý isine tartý qajettigin aıtqan bolatyn.
QazAqparat
You Might Also Like
-
Bul ózi ıanvar aıynyń aıaǵynda bolǵan oqıǵa. Órshelene soqqan boran óte qorqynyshty. Qarly boran kósheler men qıylystardy qýalaı soǵady. Qar úılerdiń terezelerin bitep tastap, shatyrdan túıir-túıirimen ...
-
ál-Farabı atyndaǵy QazUÝ JOO deıingi bilim berý fakúltetiniń oqytýshysy Ybyraıymova S. S
