InfoHub Logo

10 synyp
Taqyryp: Ýaqyt – mezgil pernesi
Qundylyq: Durys is - áreket
Qasıetter: eńbekqorlyq, qamqorlyq, rızashylyq

Maqsaty: Oqýshylarǵa «Ýaqyt» uǵymyn túsindirý arqyly
«durys áreket» qundylyǵynyń mánin ashý.
Mindetteri:
Bilimdilik: Oqýshylardy adaldyqqa, shynshyldyqqa tárbıeleý.
Damytýshylyq: Oqýshylardyń adamgershilik qasıetterin qalyptastyrý;
Tárbıelik: Oqýshylardy adaldyqqa tárbıeleý.
Resýrstar: (quraldar, málimetter)

Sabaq barysy:
Uıymdastyrý kezeńi. ( 5«T»saqtaý)
Tynyshtyq sáti. Nurǵa bólený
Yńǵaılanyp otyryńyzdar, denelerińizdi túzý ustańyzdar. Aıaq - qolyńyzdy aıqastyrmańyz. Qolyńyzdy tizeńizge nemese ústelge qoıýǵa bolady. Kózderińizdi jumýlaryńyzdy ótinemin.
Elestetip kórińiz: Kún nury sizdiń tóbeńizden ótip, keýdeńizge qaraı boılap barady. Keýdeńiz nurdan baıaý ashylyp keledi. Balǵyn da taza ásem gúl sizdiń ár oıyńyzdy, ár sezimińizdi, emosıańyz ben tilek qalaýyńyzdy shaıyp, júregińizdiń qaýyzyn ashty.
Nur sáýlesi sizdiń boıyńyzǵa aqyryn taraı bastaǵanyn elestetińiz. Ol birtindep kúsheıe túsýde. Oımen osy nurdy qoldaryńyzǵa túsirińiz. Sizdiń qoldaryńyz nurǵa bólenip sáýle shashýda. Qolymyz tek jaqsy, izgi ister isteıdi jáne barshaǵa kómektesedi. Nur aıaqtaryńyzǵa tarady. Aıaqtaryńyz nur sáýlesin shashýda. Olar sizdi tek jaqsylyq jasaý úshin tek jaqsy jerlerge aparady. Olar nur men mahabbat quralyna aınaldy.
Odan ári nur sizdiń aýzyńyzǵa, tilińizge tarady. Tilińiz tek shyndyqty jáne jaqsy, izgi sózder ǵana aıtady. Nurdy qulaqtaryńyzǵa baǵyttańyz, qulaqtaryńyz tek jaqsy sóz ben ásem áýendi ǵana estıdi. Nur kózderimizge de jetti, kózimiz tek jaqsyǵa qarap, bárinen jaqsylyqty ǵana kóredi. Sizdiń basyńyz túgeldeı nurǵa bólenip, basyńyzǵa tek izgi, sáýleli oı keledi.
Nur birte - birte qarqyndap jáne shuǵylana bastaıdy, sizdiń deneńizden shyǵyp, jan - jaǵyńyzǵa sáýle shashady. Osy nurdy týysqandaryńyzǵa, muǵalimderińizge, dostaryńyzǵa, tanystaryńyzǵa baǵyttańyz. Nurdy ýaqytsha túsinispeı, renjisip júrgen adamdarǵa da baǵyttańyz, olardyń júregi nurǵa tolsyn. Osy nur búkil álemge: bizdiń «Bóbek» ortalyǵyna, bizdiń gımnazıaǵa, barlyq adamdarǵa, jan - janýarlarǵa, ósimdikterge, barlyq tiri janǵa taralsyn... Ǵalamnyń barlyq túkpir - túkpirine nur baǵyttańyz.
Oısha aıtyńyz: «Men nurlymyn... Nur meniń ishimde... Men Nurmyn».
Osyndaı Nur, Mahabbat, jáne Tynyshtyq kúıinde otyra turyńyz...
Endi osy nurdy júregińizge ornalastyryńyz. Nurǵa toly búkil álem sizdiń júregińizde. Ony osyndaı ásem qalypta saqtańyz.
Endi jaımen kózińizdi ashýǵa bolady. Rahmet! Eskertý

2. Topqa bólý: Oqýshylardy foto sýretter arqyly topqa bólemiz. balalyq shaq, jetkinshek shaq, jasóspirimdik shaq.
3. Úı tapsyrmasyn tekserý
Á. Nurshaıyqovtyń estelikterinen alynǵan úzindi.
1. Mátinnen ózińizge qandaı oı túıdińiz?
2. Ózińiz ýaqytyńyzdyń kóbin nege arnap júrsiz?
3. Ózińiz ýaqytyńyzdyń tıimdi ótkizip júrmin dep oılaısyz ba?
4. Dáıeksóz.
«Ýaqyttyń bos ótkeni – ómirdiń bos ketkeni»
Maqal
Uldar 2 - ret, qyzdar 2 - ret, bári birge qaıtalaıdy
Oqýshylar maqaldyń maǵynasyn qalaı túsinetinderińdi aıtyp beredi, dápterlerine jazyp alady.
5. Áńgimeleý
Muǵalim syıy.
Ýaqyt týraly ósıet áńgime
Bir dana bos qumyrany alyp, taspen toltyrady. Shákirtterin jınap, olarǵa: - Qumyra toly ma? - dep suraq qoıady. Shákirtteri: - Iá, - dep jaýap beredi. Dana burshaq toly bankany alyp, túgeldeı qumyraǵa quıady. Burshaq tas arasyndaǵy bos jerdi toltyrdy. Sonda dana: - Endi toly ma? - dep suraıdy. Shákirtteri bas ızedi. Bul joly dana qum tolyp turǵan qorapty alyp, qumyraǵa quıdy. Qum burshaq pen tas arasynan ótip, búkil bos jerdi toltyrdy. Dana shákirtterinen taǵy surap, «ıá» degen jaýap aldy. Sonda dana sýǵa toly keseni alyp, qumyraǵa quıdy. Shákirtteri muny kórip, kúldi. Dana sonda bylaı deıdi: - Senderge aıtaıyn degenim, qumyra — bizdiń ómirimiz. Tas — ómirimizdiń basty bólikteri: balalar, otbasy, dostar, densaýlyq. Burshaq — bizge qýanysh syılaıtyn dúnıe, biraq eń mańyzdy nárse emes, ıaǵnı úı, jumys, kólik, baǵaly zattar, t. b. Qum — kez kelgen adam ómirinde bar usaq - túıek nárseler. Eger basynda qumyrany qumǵa toltyrsańyz, burshaq túgili tasqa da oryn qalmaıdy. Ómirde de solaı: usaq - túıekke ýaqyt jumsasań, bastysyna ýaqytyń jetpeıdi...

6. Shyǵarmashylyq is - áreket, toptyq jumys.
A. Faızýllınanyń «Ýaqyttyń jaýlary» top bolyp taldaý.
1 top «Balalyq shaq» Túsiniksiz maqsattar; Tyńdaı bilmeý; «Joq»dep aıta almaý; Asyǵys sheshimder;
İİ top «Jetkinshek shaq» Bárin birdeı oryndaýǵa umtylý; Umytshaqtyq; Tolyq aqparattyń bolmaýy;
İİİ topqa «Jasóspirimdik shaq» Ózindik tártiptiń joqtyǵy; Josparlaı bilmeý; Tosyn sheshimder; Bastaǵan isti aıaǵyna deıin jetkizbeý;

7. Úı tapsyrma: Ózińdi aldaısyń ba? Saýalnama qurastyrý.
8. Toppen án aıtý.
Ýaqyt - Toqtar men Beıbit
Máńgi ýaqyt kelmesine jyldar, jyldar jyljyp barady
Sansyz arman elesine janardan jas tamady
Kúnder aılar zyryldaıdy ushqyr ýaqyt jetpeıdi dep
Janym aý shyryldaıdy ýaqyt solaı ótedi dep
qaıyrmasy:
Ýaqyt degen júırik qalaı ómir degen sarań
Jyldar óter áli talaı talaı
Qanat qaǵyp talmaı úmitterdi jalǵaı
Netken júırik ýaqyt ómir degen solaı
Ýaqyt degen qalaı janym solaı

Súıip ótý óz ómirin onyń ózi bir baqyt
Sarqylmasyn án ómirin toqtamasyn ýaqyt
Bul baqyttyń áni qalaı jatqan janda jubatyp
Shattanýǵa áli talaı kerek bizge ýaqyt
qaıyrmasy:
Ýaqyt degen júırik qalaı ómir degen sarań
Jyldar óter áli talaı talaı
Qanat qaǵyp talmaı úmitterdi jalǵaı
Netken júırik ýaqyt ómir degen solaı
Ýaqyt degen qalaı janym solaı

7. Sońǵy tynyshtyq sáti.
Balalar, búgingi sabaqta alǵan oılardy júregimizge túıeıik. Sabaq aıaqtaldy, sizderge rahmet!
Saý bolyńyzdar!

«Beıneý lıseıi»KMM
Beıneý aýdany pedagog psıholog jáne
ózin - ózi taný páni muǵalimi Aldabergenova K.