InfoHub Logo

Uber áýe taksıleri týraly ıdeıa áli de bar jáne jetildirilý ústinde. Bul baǵyttyń basshysy Djastın Erlıh osy istiń egjeı-tegjeıimen bólisti. Sonymen, alǵashqy kezderi taksımen 100 km-den artyq ushýǵa bolmaıdy jáne ol jolaýshylardyń úıine ushyp kele almaıdy, jolaýshylardy jaqyn jerdegi arnaıy qoný pýnktinen alyp ketedi.

Áýe taksıiniń ıdeıasy ózgerissiz qaldy. Eshqandaı keptelissiz jáne ýaqytty bosqa sarp etpeı-aq jolaýshylar qajetti jerge jete alady. Alaıda bul ıdeıany eki formatta paıdalaný josparlanýda: qala ishinde jáne qalaaralyq qatynas úshin. Erlıh keptelisterdiń kesirinen aeroportqa jetý óte qıynǵa túsetin Los-Andjelesti mysalǵa keltiredi. UberAir bul jumysty jeńildetedi — bul birinshi format. Ekinshi format — Los-Andjelesten San-Hoseniń ortalyǵyna saıahat. Bul jerdegi basty másele keptelis emes, endi ara qashyqtyq bolady. Al UberAir bul qashyqtyqty jyldam ótýge kómektesedi.

Dástúrli Uber-den aıyrmashylyǵy, Air nusqasy tolyq maǵynada birlese tutyný ekonomıkasy formatynda jumys isteıtin bolady. Bul degenimiz jolaýshy aeroportqa jalǵyz emes, baǵyttas jolaýshylarmen qosylyp ushady. Jappaı turǵyndardyń tutynýyna qoljetimdi bolýy úshin osylaı jasalyp otyr. Uber-degilerdiń aıtýynsha, minsiz jaǵdaıda tutynýshy ushatyn kólikke aýysqan kezde baǵanyń ózgergenin sezinbeýi qajet.

Ushatyn taksılerdiń túrlerine keletin bolsaq, bul ushaq pen tikushaqtyń gıbrıdi bolady. Erlıh bul kóliktiń ushatyn avtokólik dep atalýy durys dep sanamaıtynyn aıtady, óıtkeni bul termın adamdardy shatastyrýy múmkin. Óıtkeni bul apparattar ortaq qoldanystaǵy joldarmen qozǵala almaıdy, olarǵa qoný jáne ushý alańdary qajet. Ol ózderiniń kólikterine basqa ataý oılap tabýdy usyndy. Bul kádimgi joldarda turyp-aq ushatyn avtokólikterdiń ýaqyty áli alys ekendigine de baılanysty. Al Uber jasap jatqan apparattar jaqyn jyldary shyǵyp qalady.

Aldaǵy on jyldyqta ushatyn taksıler qalalardyń áýe keńistigin toltyrady dep kútilýde. Sonymen qatar Uber - degiler, taksıler jyljymaıtyn múlik naryǵyna da ózgerister engizedi dep sanaıdy. Sebebi ǵımarattardyń tóbesi jyljymaıtyn múlik naryǵynda mańyzdy taýar bola alady. Jańa jobalar tóbelerinde taksılerge arnalǵan úlken turaqtary bar bolyp jasalatyn bolady. Kompanıalar olardy ushý jáne qoný alańdary retinde paıdalanýǵa bere alady. ​

Dúnıe júzinde ushatyn taksılerdiń prototıpi men testtik úlgileri paıda bolýda. Nemistiń Volocopter kompanıasynyń óndirisi jýyrda CES jármeńkesinde VC200 jolaýshylar dronynyń testtik ushyrylymyn júzege asyrdy. Airspace Experience Technologies (AirSpaceX) kompanıasy Detroıttaǵy avtosalonda kóldeneńinen ushatyn jáne qonatyn bolashaq avtonomdy áýe taksıiniń kishireıtilgen kóshirmesin tanystyrdy jáne 2026 jyly AQSH-ta 2500 Mobi-One pılotsyz ushatyn taksıleri bolady dep ýáde beredi. Al Airbus shyǵarǵan ushatyn taksıler jazdyq synaqtan ótkizildi.

---