Ulttyq biryńǵaı testileýge ótinishter qabyldanýda
Ulttyq biryńǵaı testileýge (UBT) qatysý úshin ótinishter qabyldaý onlaın júrgizilýde.
«2020 jylǵy 15 sáýirden 10 mamyrdy qosa alǵanda UBT-ǵa (maýsym) ótinishter qabyldanady.
Elde TJ rejımi engizilýine baılanysty, qoǵamdyq oryndarǵa barýdy boldyrmaý maqsatynda, UBT-ǵa qatysý ótinishterin qabyldaý onlaın túrde ótedi. Sonymen qatar, 8000-nan asatyn mekteptiń árqaısysyna Ulttyq testileý ortalyǵynyń (UTO) qyzmetkeri qatysyp otyrǵan Whats App chaty ashyldy. Eger, qandaı da bir jaǵdaıǵa baılanysty túlek atalmysh chattyń quramynda bolmaı qalsa, tıisti aýdannyń qyzmetkeriniń uıaly telefonyn UTO-nyń basty betinde testcenter.kz nemese http://testcenter.kz/ru/contacts/kontakty-filialov/ siltemesi arqyly bile alady» delingen habarlamada.
Maýsymdaǵy UBT-ǵa ótinishterdi online qabyldaý eki sanat boıynsha atap aıtsaq, 2020 jyldyń túlekteri jáne ótken jyldardaǵy mektep túlekterine, kolej túlekterine jáne QR azamattary bolyp tabylmaıtyn ulty qazaq, bilim berý uıymyn shetelde aıaqtaǵan tulǵalaryna júrgizilýde.
Aıte ketsek, testileý merzimi ázirge ózgerissiz qalyp otyr. Synaq 22 maýsymda bastalady. Jáne UBT-da túlekter arasynda 2 metr qashyqtyq saqtalady.
You Might Also Like
-
Aıaǵy-aıaǵyna tımeı zýyldap kele jatqan kishkentaı Uljan ashýly. Jaıshylyqta jaıdary, kóńildi júretin onyń munysy qalaı? Yzadan býlyqqan qyzdy, ágárákı bireý-mireý toqtatyp, «Ne boldy balaqaı?&raq...
