InfoHub Logo

Elimiz ózge eldermen keregesi keń, terezesi teń bolyp, qatarynyń aldy bolsyn desek, olardan daralanyp turýdyń birden-bir joly-ulttyq bolmysty saqtaý.Ulttyq bolmys degende birden kóz aldyńa jaılaýda jaıbaraqat ómir súretin, «shý,janýar,shý!» dep malyn baǵatyn,kıiz úıdi panalap, qasıetti qonys etken qazaq handyǵy kezindegi qazaqtar elesteıdi. Bir jaǵynan oılap qarasań, ashshy termen kelgen tátti jeńiste janyn bergen jeltoqsan qurbandary esińe túsedi. Sonda qazaqty qazaq qylyp turatyn ulttyq bolmysy qandaı?
  Birinshiden,ana sútindeı boıymyzǵa birtindep sińetin ana tilimiz ulttyq bolmystyń sıpaty bolyp tabylady.Sol sebepten de, ózge tildiń jetegine erip, baǵynyshty bolmaı ana tilimizde sóıleýimiz qajet. Áıtpese, nesine qazaq bolyp júrmiz? Ekinshiden, qazaqtardyń ulttyq aınasy salt-dástúrin bilip, kúndelikti ómirde qoldanyp, 
tozyǵy jetkenin qaldyryp otyrýy kerek. Úshinshiden, kıim úlgisi. Menińshe, ulttyq bolmysymyzdy aıshyqtaı túsetin qazaqy kıim-keshekterdi qarapaıym ómirdegi kıim úlgisine de oıý-órnekterdi jabystyrý arqyly jandandyra kıip júrse nesi aıyp!?
Tórtinshiden, ulystyń uly kúni  naýryz merekesinde  oınatylatyn ulttyq oıyndar. Kún saıyn bolmasa da, anda-sanda altybaqanǵa terbelip, báıge jarystyryp, aqsúıek tapqanǵa ne jetsin? Qazirgi tańda Qazaqstannyń keıbir jerlerinde naǵyz qazaqtarsha ómir 
súrip, qanmen sińgen qazaqy qundylyqtyń qaınar kózin kúndelikti kúıbeń tirshiligimen ushtastyra ómir súretin jandar bar. Olar shyraıly shyǵystyń sáni bolar Altaıda, tabıǵatymen tánti eter Tarbaǵataıda, jer jánnaty Jetisýda ómir súretin qazaqtar. 
Ol kisiler qazaq ultynyń rýhanı baılyǵy men ádet-ǵurpyn nasıhattap, atadan balaǵa mıras bolyp kele jatqan dástúrlerimizdiń órkendeýine úles qosyp, ulttyq merekeni ulyqtap, qysta saıatshylyq quryp ómir súrse de zaman kóshinen qalyp 
jatqan joq.
     Elbasymyzdyń da aıtqysy kelgeni osy. Qazaqtardy rýhanı jańǵyrtý arqyly 
ulttyq bolmysty saqtaý. Rýhanı jańǵyrý aıasynda Qazaqstanda birshama is-
sharalar atqarylyp jatyr. Máselen, biz kezindegi alashqa aty máshhúr Ahmet Baıtursynovtyń eren eńbeginiń nátıjesinde paıda bolǵan  latyn qarpine kóshkeli jatyrmyz. Qazirgi ýaqytta latyn árpin qoldaný, eń aldymen, zaman talaby bolyp otyr.Sondyqtan da, zamanaýı tehnologıalarǵa táýeldi ekenimizdi moıyndap, kez kelgen jańa dúnıelermen sanasýymyz kerek. Bunymen qosa, jer-jerde músháıralar men 
aıtystardyń ótkizilýi, qazaq dalasyndaǵy kókpar, báıge, asyq atý sıaqty ulttyq oıyndardyń qaıta jańǵyrýy elbasymyzdyń «Bolashaqqa baǵdar: rýhanı jańǵyrý» atty maqalasynyń jemisi.

    «Jumyla kótergen júk jeńil» demekshi, barlyǵymyz bir atanyń balalaryndaı elimizdiń damýy jolynda atqarylyp jatqan is-sharalarǵa belsene qatysyp, eren eńbegimizdi sińirsek árqashan qazaq eliniń aıy ońynan týary aıdan anyq!

---