InfoHub Logo

Eń mańyzdylaryn anyqtap alý úshin 25 maqsatyńyzdy jazyńyz. Al qalǵandaryna kóńil bólmeńiz.

Maqsattar tizimin quryńyz

Ýorren Baffettiń ózinde 10 jyl jumys istegen ushqysh Maık Flıntke qalaı kómekteskeni týraly bir oqıǵa bar. Bir kúni ol Flıntten qandaı mansaptyq maqsaty bar ekenin suraıdy. «Seniń áli kúnge deıin maǵan jumys istep júrgeniń, meniń óz jumysymdy durys atqarmaǵanymdy bildiredi», - dep ázildegen eken. Ol Flıntke maqsatty anyqtaýǵa arnalǵan jattyǵýlardy oryndaýdy usynady.

Eń áýeli Flınt bolashaqta qol jetkizgisi keletin 25 nárseniń tizimin jasaýy kerek boldy. Sodan keıin olardy mańyzdylyǵyna qaraı baǵalap, eń basty beseýin tańdap alýy kerek. Biraq sodan keıin Flınt qalǵan jıyrma bólimmen ne isteıtinin surady.

«Men bastapqy bes maqsatyma kóbirek kóńil bólemin. Biraq basqa bólimder de men úshin mańyzdy, - dep túsindirdi Flınt. – Men olarmen mańyzdy bes maqsatyma jetkenshe aqyryndap jumys isteı beremin». Buǵan Baffet: «Joq, durys túsinbediń. Sen belgilemegen maqsattyń bári «Qalaıda jolamaý kerek» degen tizimge aınaldy. Bastapqy bes maqsatyńa qol jetkizgenshe olarǵa múldem nazar aýdarma» dep jaýap berdi.

Bir ǵana nársege nazar aýdarý nege mańyzdyraq

Bizdiń únemi kóńilimiz basqa nársege aýyp ketedi. Sol sebepti kóp adamdar qandaı da bir saladaǵy sheberlikke qol jetkize almaıdy. Jańa bir nársege kóńil aýdarǵan saıyn, jiberip alǵan paıdanyń shyǵynyn óteýge týra keledi. Bul bizdiń ýaqytymyzdy jáne zeıinimizdi alady da, shyn máninde mańyzdy bolǵan nársege kóńil aýdarýǵa múmkindik bermeıdi.

Siz bir ǵana maqsatqa oıyńyzdy shoǵyrlandyrǵan kezde, tabysqa degen múmkindik arta túsedi. Eń mańyzdy nársege jınaqtalyńyz jáne sol istiń maıtalmany bolýǵa tyrysyńyz.

Sánge aınalǵan baǵyttarǵa nazar aýdarmańyz jáne bir qyzyǵýshylyqtan ekinshisine tez aýysyp ketpeńiz. 5/25 erejesin tek mansap jolynda ǵana emes, ómirdiń basqa salalarynda: densaýlyqta, qarym-qatynasta, jeke maqsattarda paıdalanyńyz.

Munyń bári kóńilsiz, birtoǵa ómir súrý degendi bildirmeıdi. Tek bosańsyp ketpeńiz. Negizgi bes maqsatqa jetkennen keıin kelesi maqsattarǵa qaraı jyljyńyz.

Bul ómirde qalaı kórinis tabady

İstegińiz keletin nárseler jaıly oılanyńyz. Shet tilin úırený. Mýzyka aspabyn ıgerý. Óz isińizdi ashý. Álemdi aralaý. Kóp adam alǵa qoıǵan maqsatyna eshqashan jete almaıdy. Demek, ol adam úshin maqsattary shyn máninde mańyzdy emes. Ádette ondaı maqsattardy tek paıda ákeletin bolǵandyqtan tańdaıdy. Biraq bul oǵan umtylý úshin jetkiliksiz.

Mysaly, on shet tilinde erkin sóıleseńiz keremet bolar edi. Biraq barlyq demalys kúnderin gramatıkany úırenýmen ótkizý kóńilge qonbaıdy. Shet tilderi bizdiń artyqshylyqtar tiziminde joǵaryda bolmaıdy, ádette biz úshin jumys pen otbasy mańyzdyraq. Sol sebepti olardy tek bos ýaqytymyzda ǵana oqımyz da, bir tildi úırený úshin birneshe jylymyz ketedi.

Nátıjesinde biz eshqashan qol jetkize almaıtyn maqsattardyń tizimin alamyz. Sol sebepti kúızeliske túsip, ózimizdi kináli sanaı bastaımyz. Bes negizgi maqsattyń qataryna kirmegen maqsattar sizdiń ómirińizge az áser etetin sıaqty. Ózińizge únemi maqsat qosyp ala bergenshe, eń durysy, olardy qysqarta berińiz. 5/25 erejesi qarapaıymdylyqtyń ómirdi jaqsarta túsetinin taǵy bir ret dáleldedi.

Ózińiz úshin mańyzdy nársemen kóbirek aınalysyńyz

Ýaqyt pen zeıin – eń mańyzdy eki qor. Biraq ekeýi de shekteýli. Jaqsy múmkindikter olarǵa degen ýaqyttan kóbirek bolady. Onyń árqaısyna jarmasa berýdiń qajeti joq. Múmkindik qansha tartymdy bolsa da, eger ol nómiri 25-maqsatqa jyljýǵa ǵana kómektesetin bolsa, oǵan ýaqytyńyzdy ketirmeńiz.

Maqsatyńyzdy qysqartyp otyryńyz. Sol kezde siz ózińiz úshin shyn máninde neniń mańyzdy ekenin tez túsinetin bolasyz. Ýaqytyńyzdyń kóbin soǵan bólip, basqa nárselerge nazar aýdarmańyz.

---