InfoHub Logo

Bir túpte úsh Jýa qatar ósti. Olardyń boılary da úsh túrli boldy. Biri uzyn, biri ortasha, biri óte qysqa edi. Bulardan basqa Jýalar jeke-dara ósip shyqty. Bir kúni alaı-dúleı daýyl turyp saıaq ósken Jýalardyń birnesheýin julyp áketti. Úsh Jýa aman-esen qaldy. Daýyl basylǵan soń úsh Jýa kórshi Jýany daýyl ushyryp áketkenin bildi. Sonda eń úlken Jýa:

— Meniń arqamda aman qaldyńdar, óıtkeni men senderden irimin. Maǵan Daýyldyń áli kelmedi, — dep qalǵan Jýalarǵa ses kórsete bastady. Kúnder ótse de, úsh Jýa sol úsh túrli qalyptaryn saqtaı ósti. Iri Jýa burynǵysynan da uzaryp ósti. Ol endi eki baýyryn basqa jaqqa qýa bastady.

— Sender meniń sánimdi ketiresińder, bul jerden ketińder! — dedi. Eki Jýa baýyrlarynan bólinip, sol mańǵa ornalasty. Olar bir túpte ekeýi ósip jatty. Arada biraz kún ótkende iri Jýa odan ári tolysyp, áp-ádemi aıdaı sulýlanyp ketti. Onyń sabaǵynyń ushyna súıirlenip dán qaýyzdana bastady. Onyń maqtanyshy qoınyna syımaı eki baýyryna:

— Senderdi qýyp jibergenim qandaı jaqsy bolǵan. Áıtpese bulaı sulýlanbas edim, — dedi. Sonda eki Jýanyń biri:

— Úsheýmiz bir túpte qatar turǵanymyzda bizdiń sulýlyǵymyz erekshe kózge túser edi. Jurt tań qalyp “Qarashy qandaı keremet, bir túpke úsh Jýa birdeı ósken. Qandaı tatý, baýyrmal. Bulardy úsh qanat bop birge turǵanda eshqandaı jaý jeńe almaıdy” dep tamsanatyn edi, — dedi.

— Qandaı jaý, kim meni jeńbek. Toqtatshy osyndaı sózińdi! — dedi iri Jýa.

Kenet aıaq astynan qatty daýyl taǵy da soqty. Bul jolǵysynyń ekpini burynǵysynan da qatty boldy. Ol iri Jýany qaq belden mort syndyryp dán shashyp úlgermegen qaýyzyn ushyryp áketti. Al eki Jýa bir-birin tas qyp qushaqtap daýylǵa tótep berdi. Daýyl basylǵan soń olar bassyz qalǵan baýyrlaryn kórip qatty aıady. Ony dereý óz qamqorlyqtaryna aldy. Jýanyń synyp ketken basy sap-sary bop dóńgelene bitti. Eki Jýa boılaryndaǵy bar qunaryn baýyrlaryna berip, az-aq kúnde onyń kúsh jınaýyna kómektesti. Olar qaıta bir túpke shoǵyrlandy. Biraq syptaı áp-ádemi eki jýanyń qasynda mort synǵan jýa kózge qorash kórinip turdy.

---