InfoHub Logo

Ustaz bolý – dúnıege nur shashý

Dastarhan basyna shaqyrý

Asyp - tasyp qýanyshy jer - kóktiń,
Sharshy topty shat sezimmen terbettim.
Barshańyzdy dastarhanǵa shaqyram,
Ustazdarym, qane tórge tórletkin.

Aq tý qadap armandarǵa aldaǵy,
Kezdesýge ustazdar búgin samǵady.
Bas qosýǵa kelip qaldy ustazdar,
Oryndalyp kópten bergi armany.

Berik bolsyn bosaǵasy mekteptiń,
Assyn bıik asýynan asqardyń.
Ustazdarym, toıyń toıǵa ulassyn,
Dámge báriń kelińder, dep basqardym.

Qushaǵynda er jetken túlek edim,
Bar baqytty men sizge tilep edim.
Asyl jandy, aıaýly ustazdarym,
Tartý bolsyn ózderińe bul óleńim.

Slaıdtaǵy kórinister
1. Qazaqstan
2. Táýelsizdik
3. 20 jyl
4. Qyzylorda
5. Áıteke bı
6. Maıdakól
7. №98 mektep
8. Ustazdar qaýymy
9. Merekelerińiz qutty bolsyn!
10. Tirshiliktiń bastaýy bolǵan – Shyǵys,
Bolmysymyzǵa baǵa bergen – Batys.
Adaldyqtyń aq qaryndaı – Soltústik,
Jylýlyqtyń qaınar kózi – Ońtústik.
11. Dúnıeniń tórtkúl buryshynyń tutqasyn ustap turǵan kún astyndaǵy eń keremet mamandyq – ustazdyq.

İ - júrgizýshi: - Aý, Nazgúl, sen munda qaıdan júrsiń?
İİ - júrgizýshi: Qaıdan júrsiń qalaı? Búgin uly mereke emes pe?! Iaǵnı ǵylym ıesi ǵalym da, el qorǵaǵan batyr da, tilinen bal tamǵan aqyn da, tegeýrini temir balqytqan jumysshy da, egin salǵan dıqan da, mal baǵyp ter tókken shopan da bári - bári bilim, tálim alǵan uly ustazdarymyzdyń tól merekesi emes pe?!
İ - júrgizýshi: Árıne solaı. Demek, sen.... Men qatelespesem sol ustazdardy quttyqtaý úshin júrgen boldyń ǵoı.
İİ - júrgizýshi: Dál solaı.
İ - júrgizýshi: Endeshe, ne turys, ekeýmizdiń búgingi maqsatymyz da, josparymyz da bir sıaqty. Olaı bolsa, ulaǵatty ustazdarymyzdy búgingi merekelerimen ásem bir ánimizben quttyqtasaq qalaı bolady?
İİ - júrgizýshi: Kelisemin.
«Soobshenıa» mýzykasy oınalyp, N. Nazarbaevtan faks keledi.
Qurmetti ustazdar!
Qazan aıynyń alǵashqy aptasynda Respýblıka kóleminde toılanatyn erekshe mereke – ustazdar merekesi. Aıaýly da, ardaqty ustazdarymyzdy osyndaı tól merekesimen shyn júrekten quttyqtaımyn! Quttyqtaı otyryp, denderińizge saýlyq, eńbekterińizge shyǵarmashylyq tabys, otbasylaryńyzǵa amandyq tileımin.
Merekelerińiz taǵy da qutty bolsyn, ulaǵatty ustazdar!
İ - júrgizýshi: Olaı bolsa, jastarymyzdyń ustazdarǵa arnaýyn qabyl alyńyzdar!
(Zámzágúl, Keńshilik, Araı, Nazgúl, Jansaıa, Baǵıla, Zoıa, Ǵazıza, Jadyra, Ásıa)

İ - júrgizýshi:
Sálem berdik ustazdar barshańyzǵa,
Sizdermenen tola bersin ortamyz da.
Búgingi el basqarǵan azamattar,
Bilim alǵan sizderdiń arqańyzda.

Búgingi kún qushaqtaryń gúlge tolsyn,
Denderińniń saýlyǵy myqty bolsyn.
Bilimmenen sýarǵan shákirtterin,
Tól mereke ustazdar qutty bolsyn!

İİ - júrgizýshi:
Qaıyrly kesh, qymbatty ustazdar! El Táýelsizdiginiń 20 jyldyq uly toıymen qatar kelgen tól merekelerińiz qutty bolsyn! Búgingi «Ustaz bolý – dúnıege nur shashý» atty merekelik saltanatty keshimizge qosh keldińizder!

İ - júrgizýshi:
Ajyramaı mektepten bir eli siz,
Jaqsylyqqa jaralǵan júregińiz.
Sóz berelik qurmetpen ózińizge,
Ustazdarǵa arnalsyn tilegińiz. – dep osy merekelik keshimizdi ashyp berý úshin jáne ustazdarǵa jyly lebizin bildirý úshin mektep dırektory Aıtmambet Dildabek aǵaıǵa sóz kezegin beremiz.
- Rahmet, aǵaı.

İİ - júrgizýshi:
Ónerpazdar jarysyp san - salaly,
Jıyn dese, toı dese jan salady.
Keshimizdiń ashylý qurmetine,
Áýelengen ásem án joldanady.- dep kelesi kezekti ánge beremiz.
« ________» ánimen ortada İztileýova Zámzagúl