InfoHub Logo

Nazar aýdaryńyz! 2020 jyldyń 2 qazanynan bastap 5 qarasha aralyǵynda «Úzdik Online Mektep 2020» respýblıkalyq baıqaýy ótedi. Bul Qazaqstannyń barlyq OnlineMektep platformasyna qosylǵan kez kelgen mektebine 15  BilimBook Interaktıvti panelderin utyp alý úshin erekshe múmkindik. Baıqaýǵa mektep atynan mektepti basqarý bólimine kirý múmkindigi bar 1 ókil qatysa alady.

Baıqaý maqsaty: OnlineMektep.org portalynda qashyqtan oqytýdyń deńgeıi men sapasyn arttyrý.

Baıqaýǵa qatysýdyń sharttary:

1. OnlineMektep.org platformasynda kelesi málimetter tolyq toltyrylǵan bolýy qajet:
●    mekteptiń tolyq sabaq kestesi (bekitilgen pán muǵalimderimen birge);
●    sabaq pen úı tapsyrmasyna baǵa qoıylǵan jýrnal;
●    oqýshylar men ustazdardyń aǵymdaǵy (akkaýnttar) tizimi.

2. Facebook áleýmettik jelisine baıqaýǵa qatysý týraly postty mektep ákimshiligi nemese muǵalimder jarıalaý kerek. Post kelesi málimetterden turý qajet:

2.1 Kem degende eki skrınshot jasalý qajet: tolyq toltyrylǵan sabaq kestesi (pán muǵalimderimen birge), kez kelgen synyptyń sabaq pen úı tapsyrmasyna baǵa qoıylǵan jýrnaly (oqýshynyń aty-jónin kórsetýdiń qajeti joq);

2.2 Posttyń sıpattamasynda qatysýshynyń mektebinde qashyqtan oqytýdyń qalaı júrip jatqany jaıly qysqasha jazyp, #OnlineMektep2020 heshtegin jazyp, @BILIM Land paraqshasyn belgileýi qajet;

2.3 Qatysýshy baıqaý kezinde Facebook-tegi paraqshasy ashyq bolýy kerek;

2.4 Facebook-tegi @BILIM Land paraqshasyna jazylý qajet.

3. Qatysýshy @BILIM Land paraqshasynda kórsetilgen Google formasyn mindetti túrde toltyryp, baıqaýǵa tirkelý qajet.

Jeńimpazdardy anyqtaý:

Jeńimpazdar QR ár oblys boıynsha kezdeısoq sandar generatory kómegimen anyqtalady.
Qazaqstan Respýblıkasynyń ár oblysynan OnlineMektep.org platformasyna qosylǵan 1 mektep baıqaý jeńimpazy bolady.

* Jeńimpazdardy anyqtaǵannan keıin barlyq sharttardyń oryndalýy tekseriledi, eger baıqaý sharttary oryndalmaǵan nemese tolyq oryndalmaǵan jaǵdaıda, biz júldeni tabystamaýǵa jáne/nemese qaıta oınatýǵa quqyǵymyz bar.        

** Qatysýshylar sany 1000 mektepten az bolsa, baıqaý merzimi uzartylady.

*** Interaktıvti panel tek zańdy tulǵaǵa, ıaǵnı mekteptiń atyna beriledi.

Barlyq qatysýshylarǵa sáttilik tileımiz!

---