Sońǵy jańartý

(Ózgertilgen ýaqyty 5 kún buryn)
Halyqaralyq olımpıadalar reıtıńi: Qazaqstan úzdik 30 eldiń qataryna kirdi

Halyqaralyq olımpıadalar reıtıńi boıynsha beıresmı komandalyq jarysta Qazaqstan úzdik 30 eldiń qataryna engen.

«Pandemıa búkil álemdegi bilim berý salasyna aıtarlyqtaı áser etti. Bilim berý mekemeleri, mektep oqýshylary men muǵalimder oqytýdyń jańa formatyna beıimdelýge májbúr boldy. Osy jolda Qazaqstan Respýblıkasynyń Bilim jáne ǵylym mınıstrligine qarasty «Daryn» respýblıkalyq ortalyǵy ıntellektýaldy is-sharalardy onlaın rejımde qaıta qurý boıynsha aýqymdy jumys júrgizdi. Mamandandyrylǵan bilim berý uıymdaryn qashyqtyqtan oqytý boıynsha ádistemelik usynymdar, sondaı-aq mektep oqýshylarynyń olımpıadalarǵa jáne basqa da ıntellektýaldy jarystarǵa qatysý nusqaýlyqtaryn ázirledi», - dedi «Daryn» respýblıkalyq ǵylymı-praktıkalyq ortalyǵynyń dırektory Aqjol Boranbaı.

Aqjol Boranbaı «Daryn» ortalyǵynyń is-sharalaryna 1 mıllıonnan astam bala tartylǵanyn aıtady.

«Bıyl bizdiń mektep oqýshylary halyqaralyq arenada 67 altyn, 125 kúmis jáne 195 qola medal jeńip aldy. Olardyń ishindegi eń bedeldi konkýrstardyń, mysaly, Hımıadan halyqaralyq olımpıada (IChO), Matematıkadan halyqaralyq olımpıada (IMO), Fızıkadan halyqaralyq olımpıada (IPhO), Bıologıadan halyqaralyq olımpıada (IBO), Informatıkadan halyqaralyq olımpıadanyń (IOI) (ótpeı qalǵan olımpıadalardan basqa) qorytyndysy boıynsha Qazaqstan beıresmı komandalyq jarysta úzdik otyzdyqqa kirdi», - deıdi ortalyq basshysy.

Aqjol Boranbaı pandemıa kezinde sıfrlandyrý salasy oqýshylardy, sonyń ishinde shalǵaı aýyldardan kelgen balalardy ıntellektýaldy qyzmetpen kóbirek qamtýǵa múmkindik bergenin jetkizdi. Mysaly, bıyl «Daryn» ortalyǵy olımpıadalarǵa daıyndalýǵa kómektesetin onlaın-mektep ashqan. Onda 5-11 synyp oqýshylary úıden shyqpaı-aq úzdik jattyqtyrýshylar men muǵalimderden bilim alady.

«Sabaqtarǵa 12 000-nan astam bala qatysty. Sonymen qatar, biz barlyq balalarǵa onlaın olımpıadalar men ıntellektýaldy jarystarǵa qatysýǵa múmkindik berdik. Munda árkim óz bilimin úıden shyqpaı-aq, kezeńdik irikteýden ótpeı-aq teksere alady. Shyǵarmashyl balalar da óz talanttaryn onlaın rejımde kórsete aldy, al erekshe bilim berý qajettiligi bar balalar úshin «Sheksiz ómir» baıqaýy ótkizildi», - dep tolyqtyrdy A.Boranbaı.


You Might Also Like

Jańalyqtar

Jarnama