InfoHub Logo

Halyqaralaralyq Aqparattyq Tehnologıalar Ýnıversıtetindegi jýrnalısıka mamandyǵy

Jýrnalısıka-qıyndyǵy men qyzyǵy mol,jan-jaqty bilimdilikti talap etetin sala. Al bul mamandyqty qazirgi zamanaýı sıfrlyq formatta oqytatyn ýnıversıtettiń biri, meniń bilim ordam – HATÝ. Fakúltettiń negizgi 4 baǵyty bar. Olar: 

1. Teleradıo jýrnalısıka;
2. Sıfrlyq jýrnalısıka;
3. Bıznes jýrnalısıka, SMM, PR; 
4. Halyqaralyq jýrnalısıka.

Qazirgi ýaqytta HATÝ-da jýrnalısıka jyl saıyn qarqyndy jańa metodıkany qosý arqyly damý ústinde. Oqýdy bastaǵanymyzǵa 1 aı ǵana ýaqyt ótsede, stýdentter qazirdiń ózinde túrli materıaldyq jumystar men maqala jazýdy meńgergen. Bul teorıa men praktıkalyq jumystardy oqyp úıretýdegi sapanyń bar ekendiginiń dáleli. Osy arqyly stýdentterdi tez ári sapaly maman ıesi bolýǵa daıyndaıdy. Laboratorıalyq kabınetter men aýdıo, vıdeo sekildi túrli qurylǵylarmen qamtamasyz etilgen oqý orny bizdiń joǵarǵy deńgeıde bilim alýymyzǵa múmkindikter jasaǵan. 

Bul bilim oshaǵynda oqyǵanyma kóp ýaqyt bolmasa da, úırenip bilgenim barshylyq. Osy kezge deıin maqala aqparattardy qatemen jazǵanymdy, sózdi qalaı durys utymdy jazýdy bilmegenimdi, sonymen qatar aqparatty baǵalaý men saralaýdy úırendim. Jýrnalıs úshin eń bastysy-saýattylyq ekenin, Konvergenttik jýrnalısıka men Pıar negizderi sabaqtarynan bildim. Ýnıversıtette jýrnalısıka mamandyǵy men qatar IT salasyn, BAQ-tyń redaksıalaryn jitik meńgere alatyn múmkinshilikter kóp. Meniń basqa JOO-daryn emes, dál osy HATÝ-dy tańdaǵan sebebim-bilimniń sapasy, jumyspen qamtamasyz etýi jáne stýdenttik ómir. 

HATÝ-daǵy stýdenttik ómir 

Jastyq shaqtyń ystyǵy men sýyǵy qatar júretin stýdenttik kezeńdi dál osy oqý ornynda ótkizilip jatqanyna qýanyshtymyn. Ia, árıne basynda bári tanys emes, ýnıversıtet júıesin túsinbeý degen sekildi kishkene qıyndyq bolýy múmkin, degenmen onyń bárin osyndaǵy ótkizilip jatqan is-sharalar, iskerlik qyzyqty kezdesýler men túrli jármeńkeler umyttyryp jiberedi. Stýdenttik shaqta bilim men ǵana shektelip qalmaý úshin, ózimizdi damytatyn uıymdar jeterlik. Osyndaǵy bilim alýshy joǵarǵy stýdentteriniń bizge degen qamqorlyǵy, túsinbeıtin, bilmeıtin dúnıelerimizdi úıretip, kómekterin aıamaıtyndyǵyn atap ketý kerek. Ózderiniń bizge bilimi men tájirbıelerin bólisip, ýnıversıtetke tez úırenip ketýimizge, aldyǵa qaraı talpynyspen júrýge tıgizip jatqan úlesteri kóp. Jýrnalıs mamandyǵyn dál osy mekemede oqýdaǵy erekshelik bul jerde BAQ jaqsy damyǵan. Bizge bul jýrnalısıkany jańa zamanaýı turǵyda meńgerýge úlken múmkindik. Osyny elep ýnıversıtet tek ǵana IT salany emes, osy jýrnalısıkany da oqytýdaǵy ózindik oń tustaryn kórsetýde.

Abdykadyr Tomırıs 

HATÝ stýdenti

---