InfoHub Logo

تىرشىلىكتىڭ سان - قىرلارى مەن الاۋلاعان جالىنىن شاكىرتىنە جەتكىزىپ، جۇرەگىنە سونبەستەي جارىق نۇرىن سىيلايتىن جان - ۇستاز. ۇستاز بەرگەن تاربيە الىپ تاۋلاردان دا بيىك. ۇستاز شاكىرتتەرى ءۇشىن الىسقا ۇشىرار قاناتى، جول نۇسقايتىن تەمىرقازىق جۇلدىزى. ۇستاز - تالاي ۇرپاقتىڭ رۋحاني تالىمگەرى، اقىلمان ابىزى. شىن ۇستاز بولۋ - ءومىردىڭ جاڭا قىرلارىن اشۋ مەن ءبىلىم كىلتىن وقۋشىلارعا سىيلاۋ دەپ ويلايمىن. ع. قايىربەكوۆ ايتقانداي،

ۇستاز بولۋ - جۇرەكتىڭ باتىرلىعى،

ۇستاز بولۋ - سەزىمنىڭ اقىندىعى.

ۇستاز بولۋ - مىنەزدىڭ كۇن شۋاعى،

ازبايتۇعىن ادامنىڭ التىندىعى.

جالپى ايتقاندا، ۇستاز بولۋ - جاڭا الەم ەسىگىن ايقارا اشۋ. مەن ءۇشىن سونداي ۇستازداردىڭ ءبىرى، الەمنىڭ ەكىنشى ۇستازى، عۇلاما ويشىل، فيلوسوف، عالىم - ءابۋ ناسىر ءال-فارابي. ءال-فارابي مەكتەبى ءوز شاكىرتتەرىنىڭ قاتارىن جىل اسقان سايىن، ۋاقىت ازعان سايىن قالىڭداتىپ وتىراتىن ۇلاعاتتى مەكتەپ. ول مەكتەپكە شاكىرت بوپ كىرگەن ادام، عۇلاما بولىپ شىعاتىنىنا ەش كۇمانىم جوق. ونىڭ ءومىرى - ءبىز ءۇشىن ايتىلار ويعا سىيماس، قىرى - سىرى مول دۇنيە. سوندىقتان، تالىمگەردىڭ ءومىرىن بىرگە زەردەلەپ، قاراستىرايىق. ءابۋ ناسىر ءال-فارابي ادام جانىمەن سىرلاسا بىلگەن. ءال-فارابيدىڭ ارقاسىندا ءوزىڭدى تاۋىپ، ءوزىڭدى تانىپ، ءوزىڭنىڭ دۇنيەتانىمىڭدى بىلۋگە بولادى. سونىمەن قاتار، ءال-فارابي اتامىز ءومىردىڭ قىر-سىرىن، قوعام مىنەزىن، ادام تابيعاتىن، ادام بولمىسىن ءار جاقتان تالقىعا سالعان. «جاقسى ءسوز – جانعا قۋات» دەگەندەي، ونىڭ ناقىل سوزدەرىن زەيىن سالىپ وقىساق، كوپتى ۇيرەنۋگە بولادى. مىسالى، «باقىتتىڭ ءمانى — پاراساتتىلىقتا، اركىمنىڭ ءوز الدىندا يگىلىكتى ماقسات قويا بىلۋىندە. . . ادامنىڭ ءوز مىنەز-قۇلقىن، ىس-ارەكەتىن ەرىكتى تۇردە وزگەرتىپ، يگىلىككە باعىتتاپ وتىرۋىندا» دەپ، ناعىز باقىتتىڭ قانداي ەكەنىن كورسەتكەن. ال، الەم قازىعىنا كەلەتىن بولسام، «ىزگى قالا تۇرعىندارىنىڭ كوزقاراستارى» تراكتاتى. بۇل تراكتات – بولاشاقتان كورىنەر ساۋلە. نە سەبەپتەن؟سەبەبى، سول ساۋلە ءوز توڭىرىگىنە جارقىراپ نۇرىن شاشادى، بولاشاعىمىزعا جول سىلتەيدى، ءبىزدى ءبىر ۇلكەن الەمگە ساياحاتقا اپارادى. ول ساياحاتقا شىعاتىن نەگىزگى باعىت - جۇرەك. ءال-فارابي اتامىز «جۇرەك - باستى مۇشە. بۇدان كەيىن مي كەلەدى. ءبىراق، مۇنىڭ ۇستەمدىگى ءبىرىنشى ەمەس» دەپ ايتقان. جۇرەك- ماڭىزدى فاكتور. ول فاكتوردى دامىتۋ ءۇشىن ءوز ساناڭ مەن ءبىلىمىڭدى تەرەڭدەتۋ كەرەك. ءابۋ ناسىر ءال-فارابي سونىمەن قاتار، فيلوسوفيا باعىتىنا كوپ كوڭىل بولگەن. الۋان قىرلى گاۋھارداي شاپاق اتىپ، ءارقايسىسىمىزدىڭ جۇرەگىمىزگە ىزگىلىك نۇرىن سەبەتىن ءابۋ ناسىردىڭ فيلوسوفيالىق ويلارى - ەشقاشان ەسكىرمەس ويلار سىندى. ويتكەنى، ولار ءالى دە قولدانىس ۇستىندە. مىسالى، ءۇش فيلوسوفيالىق باعىتى مەن ويى؛اقىل-پاراسات تۋرالى ويى، تانىمنىڭ بولمىسقا تاۋەلدىلىگى، دۇنيەنىڭ ماڭگىلىگى. وسى ويلاردان - اق ونىڭ تەر توگىپ، ىزدەنگەنىن كورۋگە بولادى. ونىڭ فيلوسوفياسى - ادىلەتتىك جولى، پاراسات ورداسى، رۋحانيات مەكەنى دەۋگە بولادى. سونىمەن قوسا، «عىلىم - تەڭىز، ءبىلىم - قايىق» دەگەندەي، ادامداردىڭ ءومىر تەڭىزى ءبىلىم مەن عىلىمعا تولسىن دەگەن ماقساتپەن «عىلىمدار تىزبەگى» سىندى ەڭبەگىن قالدىرعان

قورىتا كەلسەم، سىزدەردى عالامنىڭ ەكىنشى ۇستازىن قۇرمەتتەپ، دانالىعىن دارالاۋعا شاقىرامىن. ونىڭ ەڭبەكتەرىنەن عىلىم جايلى كوپ مالىمەت الىپ، ومىرلىك جولدا اينىماس قۇرال رەتىندە قولدانۋعا بولادى. شىنىمەن، ءبىلىم، عىلىم، اقىل - ءومىردىڭ باستى جەتىستىكتەرى، ال ءسىز ءۇشىن مىقتى ۇستاز كىم؟

---