مەرەكەلىك قۇتتىقتاۋلار: استانا كۇنى، ارىپتەستەرگە جانە 1 ماۋسىمعا تىلەك

تاماشا مەرەكەلەردىڭ ءبىرى – استانا كۇنىمەن شىن جۇرەكتەن قۇتتىقتايمىز!

ءبىز استانانىڭ قالىپتاسۋىنىڭ كۋاگەرلەرى جانە وسى اۋقىمدى زور جوبانى
جۇزەگە اسىرۋ مۇمكىندىگىن كوزبەن كورۋ باقىتىنا يە بولىپ كەلەمىز.

ءوز قالاسىنا ەرەكشە سۇيىسپەنشىلىكپەن قارايتىن ادامدار – ەلورداسىنىڭ
باستى بايلىعى، ولار كۇنبە — كۇن ءوز جۇمىستارىن اتقارا وتىرىپ، استانانىڭ
قالىپتاسۋىنا وراسان زور ۇلەس قوسۋدا.

استانا كۇنى مەرەكەسىندە سىزدەرگە جانە وتباسىلارىڭىزعا شىن جۇرەكتەن زور
دەنساۋلىق، يگىلىك، تابىس جانە باقىت تىلەيمىز.

بۇگىن – استانا كۇنى. جاس ەلوردانىڭ مەرەكەسى ءاربىر استانالىقتىڭ جۇرەگىنە
قۋانىش ۇيالاتىپ، ەرتەڭگە دەگەن سەنىمدى شىنداي تۇسۋدە. قارىشتاپ دامىعان
جاڭا استانانىڭ بۇگىنگى كەلبەتىنە سۇيسىنبەيتىن جان جوق.

جاس ەلوردانىڭ كوز سۇرىندىرەر كەلىستى كەلبەتى كۇن ساناپ جاسارىپ،
كوركەيىپ، گۇلدەنە تۇسۋدە. ول جاڭاشا قارقىن العان قۇرىلىسىمەن عانا ەمەس،
سوڭعى تەحنولوگيالار نەگىزىندە سالىنىپ جاتقان گۇلزارلارىمەن، اللەيالارىمەن
سىرتتان كەلۋشىلەردىڭ نازارىنا ءىلىنىپ، شەتەلدىكتەردى تاڭ قالدىرۋدا. سايىن
سارىارقانىڭ توسىندە توتىدايىن تارانعان ءاز استانامىز جىلدار كەلە، الىپ
ازيا مەن ەۋروپانىڭ شوقتىعى بيىك قالالارىنىڭ بىرىنە اينالاتىنىنا، الداعى
عاسىر ۇلەسىنەن ورىن الىپ، باتىل ۇمىتپەن نىق سەنىمنىڭ تۇلعالى تىرەگى
بولارىنا سەنىمدىمىز.

قازاقستاننىڭ جاس ەلورداسى، بۇگىنگى استانا – قارىشتاپ دامىعان
مەملەكەتتىڭ، ماڭگىلىك دوستىقتىڭ سيمۆولى. قالانىڭ الەم حالىقتارىنا
ماقتانا كورسەتەر جەتىستىكتەرى از ەمەس. استانا — بولاشاعى جارقىن قالا.

سوندىقتان دا قازاقستاننىڭ جۇرەگى ماڭگى سوعىپ، باس قالاسى ودان ءارى
گۇلدەنە بەرسىن!

تاۋەلسىز قازاقستاننىڭ باس قالاسى استانانىڭ الەۋمەتتىك — ەكونوميكالىق
ءوسىپ — وركەندەۋىنە قوسقان قوماقتى ۇلەستەرىڭىزگە، ەرەن ەڭبەكتەرىڭىزگە،
ازاماتتىق قوعام قۇرۋعا بەلسەنە قاتىسقاندارىڭىزعا، بەيبىتشىلىك پەن
كەلىسىمدى ساقتاۋعا ات سالىسقاندارىڭىزعا العىسىمىزدى بىلدىرەمىز.

سىزدەرگە باقىتتى دا باياندى ءومىر، زور دەنساۋلىق، قاجىماس قايرات، جەمىستى
ەڭبەك، شاڭىراقتارىڭىزعا شاتتىق پەن قۋانىش، قۇت — بەرەكە تىلەيمىن.

سۇيىكتى قالامىز – ارۋ استانا كوركەيە بەرسىن!

«XXI عاسىردىڭ تابالدىرىعىندا ءبىز ءوز تاڭداۋىمىز – كونە سارىارقانىڭ كيەلى
اسپانى استىندا قونىس تەپكەن جاڭا استانامىز تۋرالى مالىمدەيمىز. بۇل
تاڭداۋ استارىندا ەلىمىزدىڭ قازىرگى باسشىلىعىنىڭ ايقىنداماسى عانا تۇرعان
جوق. بۇل تاڭداۋدا تاۋكەنىڭ كورەگەندىگى مەن ابىلايدىڭ ۇلىلىعى، ەسىمدەرى
اڭىزعا اينالعان بيلەردىڭ دانالىعى مەن 1986 جىلدىڭ جەلتوقسانىندا ۇلتتىق
ءقادىر — قاسيەت دەگەننىڭ نە ەكەنىن كۇللى الەمگە پاش ەتكەن سول ءبىر جاس
جۇرەكتەردىڭ قاھارماندىعى توعىسىپ جاتىر. بۇل تاڭداۋدا ءوز تاعدىرىنىڭ
قوجاسى بولۋ قۇقىعى ءۇشىن ءومىرىن قيعان ميلليونداعان قانداستارىمىزدىڭ ەرىك
— جىگەرى بار. وسى تاڭداۋعا ءدايىم لايىق بولايىق»

نۇرسۇلتان نازاربايەۆ
استانانىڭ قازىرگى كۇن ساناپ بيىكتەي تۇسكەن ەڭسەسىنەن تاۋەلسىزدىگىمىزدىڭ
تەگەۋرىنىن، ەلىمىزدىڭ ەلدىك قاسيەتىن، جاسامپازدىقتىڭ جاڭعىرىعىن ايقىن
بايقاعاندايسىڭ. ەركە ەسىلدىڭ جاعاسىندا جاڭاشا ساۋلەتتىك ناقىشپەن بوي
تۇزەپ جاتقان اسەم قالانىڭ سۇلۋ بەينەسى الىستان كوز تارتىپ، كوڭىل
باۋرايدى. سوندىقتان، ونىڭ ەرتەڭىنە دە بارلىق قازاقستاندىقتار ۇلكەن
ۇمىتپەن قاراپ، بۇكىل الەم قىزىعا كوز تىگۋدە.

ءقازىردىڭ وزىندە كوپتەگەن ساياسي جانە ەكونوميكالىق ماڭىزدى وقيعالاردىڭ
ورتالىعىنا اينالىپ وتىرعان ونىڭ ەرتەڭگى بولاشاعىنىڭ دا زور بولارى
كۇمانسىز.

استانا.

بۇل سوزگە قازاق تۇگىل، ءتورت — كۇل الەمنىڭ ەتى ۇيرەنگەندەي.

استانا ءسوزى تىلگە ورالعاندا شاھار رەتىندە جاڭا — جاڭا بويىن تىكتەپ،
ەڭسە كوتەرىپ كەلە جاتقان ەلورداسى كوز الدىمىزعا كەلە قالادى.

ول – جاي قالا عانا ەمەس. ەلوردا. كەشە عانا تاۋەلسىزدىگىن الىپ، بۋىنى
ەندى قاتايىپ كەلە جاتقان قازاق مەملەكەتىنىڭ استاناسى.

استانا قازىرگى كۇنى كوزدىڭ جاۋىن الادى. قاراپ تۇرىپ سۇيسىنەسىڭ. ءسۇيسىنىپ
تۇرىپ، شۇكىرشىلىك ەتەسىڭ.

استانا – بۇل قازاقتىڭ، مەرەيى، مارتەبەسى. «مەرەيىمىز تاسي بەرگەي،
استانامىز اجارىنا اجار قوسىپ، سۇلۋلىعىنان تانباعاي» دەگەن شىنايى كوڭىل
تۇلا بويدى كەرنەيدى.

استانا دۇنيەجۇزىنە ءمالىم. مۇندا الەمنىڭ تالاي مەملەكەتتەرىنىڭ سەركەلەرى
باس قوسىپ، پىكىر الماسىپ، ماڭىزدى شەشىمدەر قابىلداپ ءجۇر.

استانا – ەل ماقتانىشى. مۇندا قىزمەت ەتۋ دە، ءبىلىم الۋ دا – باقىت.

استانا – جاڭا قالا، جاڭا شاھار. ول كەلەشەكتە بۇگىنگىدەن دە قۇلپىرىپ،
كوركەيە بەرەتىندىگىنە سەنىم.

بۇگىنگى زاماننىڭ تالابىنا ساي ءسانى مەن سالتاناتى كەلىسىپ، بىرلىگى مەن
ىنتىماعى جاراسىپ، كوككە سامعاعان ءزاۋلىم بيىك عيماراتتارى بار، ەسىلگە
قونعان اققۋداي، بۇل الەمدە ەڭ جاس استاناداي كوركەم قالا بار ما؟ بۇل –
جەڭىستىڭ كىلتىن دوستىقپەن تاپقان نارتاۋەكەلدىڭ قالاسى. ارمانى اسقاق،
اسۋى بيىك جانداردىڭ سالعان قالاسى. ەلىنىڭ ءبىر كۇندىگىن ەمەس، حالقىنىڭ
100 عاسىرلىق بىرلىگىن ويلاپ، ەلباسىنىڭ سالعان قالاسى. ەۋرازيا كىندىگىنە
ورنالاسقان التى الاشتىڭ باس قوسقان قاسيەتتى مەكەنى، كەمەل كەلەشەگى بار
جاڭا استانا بۇگىندە الەمدىك ساياساتتا ىقپال جاسايتىن، قازاقستان جايىندا
تۇسىنىك قالىپتاستىراتىن، قازىرگى زاماننىڭ ەڭ ءىرى گەوساياسي جوبالارىنىڭ
ءبىرى.

حالىقارالىق دارەجەدەگى سپورتتىق ويىندار مەن الەمدىك اۋقىمداعى باسقوسۋلار
وتەتىن، ءسانى مەن سالتاناتى كەلىسكەن، بىرلىگى مەن ىنتىماعى جاراسقان ءححى
عاسىردىڭ كوركەم ساۋلەتتى قالاسى – استانا ارمان ەمەس، اقيقاتقا اينالعان،
قيال ەمەس، ازعانا ۋاقىت ارالىعىندا قولىمىز جەتكەن شىنايى تاريحي
جەتىستىك. كەڭ بولسىن قازاعىمنىڭ كەرەگەسى، كەتپەسىن اللا بەرگەن بەرەكەسى.

الاشتىڭ بالاسىنا ءناسىپ بولعان قۇتتى بولسىن، استانا مەرەكەسى.

جىل سايىن قۋانىشقا بولەنىڭىز،
باقىتقا وتباسىلىق كەنەلىڭىز!

جۇمىستا ەڭبەگىڭىز باعالانىپ،
مەدالمەن، وردەنمەنەن ەلەنىڭىز!

تۋعان كۇنىڭىزبەن شىن جۇرەكتەن قۇتتىقتاي وتىرىپ، شىنايى كوڭىلدەن شىققان
ىزگى تىلەگىمدى جولدايمىن!

كەڭ بايتاق ەلىمىزدىڭ جۇرەگى – استانادا كوپ جىلدان بەرى................

سالاسىنىڭ جۇمىسىن جانداندىرىپ ەسەلى ەڭبەك ەتىپ
جۇرگەن جىگەرلى دە جاۋاپتى ازاماتتارىمىزدىڭ ءبىرىسىز.

ءوز ىسىڭىزگە بەرىلگەندىگىڭىز بەن كاسىبي شەبەرلىگىڭىز، ادىلدىگىڭىز بەن
ادامگەرشىلىگىڭىز ءۇشىن ارىپتەستەرىڭىز ءسىزدى بىلىكتى مامان، اقجۇرەك ازامات
رەتىندە قۇرمەت تۇتىپ سىيلايدى.

بۇگىنگىدەي مەرەيلى ساتتە سىزگە ەڭبەكتە تولاعاي تابىستارعا، ماقساتتا بيىك
شىڭدارعا جەتە بەرۋىڭىزدى تىلەيمىن.

ءاردايىم وتباسىڭىز امان، ءجۇزىڭىز جارقىن، مەرەيىڭىز ۇستەم بولسىن!

كەمەلدى كەلەشەككە قارىشتى قادام باسقان وتانىمىزدىڭ باس قالاسى –
استانانىڭ جوعارى تالاپتارى ءار ازاماتقا اۋقىمدى دا اسا جاۋاپتى مىندەتتەر
جۇكتەيدى.

وسى رەتتە حالىققا قىزمەت كورسەتۋدىڭ ەڭ قاجەتتى دە قاشاندا وزەكتى سالاسى
– /سالانىڭ اتاۋى/
دامىتۋ مەن جەتىلدىرۋ ىسىنە كوپ جىلدار بويى ايانباي ەڭبەك ەتىپ كەلگەن
ءسىزدىڭ تۇلعاڭىز الدىڭعى قاتاردان ورىن الادى.

ءسىز بايىپتىلىعىڭىز بەن ىسكەرلىگىڭىز، كاسىبي شەبەرلىگىڭىز بەن جوعارى
بىلىكتىلىگىڭىز الدەقاشان تانىمال بولعان بىلگىر دە تاجىريبەلى مامانسىز.

وسى قۋانىشتى كۇندە شىن كوڭىلدەن شىققان ىزگى — نيەت، اق تىلەكتەرىمدى
قابىل العايسىز.

بويىڭىزعا مۇقالماس جىگەر، قايتپاس قاجىر، ەڭبەگىڭىزگە تاۋسىلماس تابىستار،
وتباسىڭىزعا ورتايماس ب ا ق — ىرىس تىلەيمىن!

مەرەيىڭىز ۇستەم، مارتەبەڭىز بيىك بولسىن!

ءسىزدىڭ بۇگىنگى قۋانىشتى ءساتىڭىز — تۋعان كۇنىڭىز قۇتتى بولسىن!

كولىك قىزمەتكەرلەرى قاشاندا حالىققا بارىنشا ساپالى، جوعارى دەڭگەيدەگى
قىزمەت كورسەتۋدى ماقسات ەتەتىنى انىق.

بۇل سالادا ءسىز ءوز بىلىمدىلىگىڭىزبەن، تاجىريبەلىلىگىڭىزبەن، ادال
ەڭبەگىڭىزبەن ەرەكشەلەنىپ كەلەسىز.

سىزگە تازا كوڭىلىمنەن شىققان ىزگى نيەتىمدى بىلدىرە وتىرىپ، باقىتتى دا
باياندى عۇمىر، جەمىستى دە جەڭىستى كۇندەر، قاجىماس قاجىر — قايرات،
تالماس تالاپ — جىگەر تىلەيمىن.

ءارقاشاندا دەنىڭىز ساۋ، كوڭىلىڭىز جايدارى، وتباسىڭىز بەرەكەلى بولسىن!

بىلىكتىلىگىڭىز بەن ىسكەرلىگىڭىزدى ورايلى ۇشتاستىرا وتىرىپ، ءبىلىم بەرۋ
ىسىنە سۇبەلى ۇلەسىڭىزدى ايانباي قوسىپ كەلەسىز.

سىزگە اق نيەتپەن قارتايماس جايدارى كوڭىل، ءماندى دە ماعىنالى ءومىر،
جەمىستى ەڭبەك پەن سارقىلماس قۋات تىلەيمىن. كوڭىلىڭىز شاتتىق پەن
قۋانىشقا، جانۇياڭىز ب ا ق پەن بەرەكەگە تولسىن.

............. جاسقا تولعان مەرەيلى تويىڭىزبەن شىن جۇرەكتەن قۇتتىقتاي
وتىرىپ، جۇرەك جاردى جىلى لەبىزدەرىمىزدى جولدايمىز!

ءسىز دەنساۋلىق سالاسىندا كوپ جىلدار بويى ونەگەلى ەڭبەك ەتىپ، تىندىرىمدى
ىستەر اتقارىپ كەلەسىز. ارىپتەستەرىڭىزگە وسى ءبىر ماڭىزدى سالانىڭ قىر —
سىرىن ۇيرەتۋدەن جالىققان ەمەسسىز. بۇگىندە ۇجىمىمىز ءسىزدى ۇلكەن ابىروي
— بەدەلگە يە بولعان تاجىريبەلى، ۇزدىك مامان رەتىندە قۇرمەت تۇتىپ
سىيلايدى.

دەنساۋلىعىڭىز مىقتى، ءجۇزىڭىز جارقىن، عۇمىرىڭىز ۇزاق تا ماعىنالى بولسىن
دەگەن ىزگى نيەتپەن سىزگە باقىتتىڭ باياندىسىن، داۋلەت — ىرىستىڭ سىر
سۋىنداي سارقىلماسىن، تابىس — تارتۋلاردىڭ تاۋ سۋىنداي تاۋسىلماسىن
تىلەيمىز.

ءارقاشان مەرەيىڭىز ۇستەم، مارتەبەڭىز بيىك بولسىن!

سىزگە وسى قۋانىشتى ساتتە ومىردە باقىتتى، ۇجىمدا بەدەلدى، دوس —
جولداستارىڭىزعا ءقادىرلى دە سىيلى بولۋدى تىلەيمىز!

ءاردايىم ءجۇزىڭىز نۇرعا، ءومىرىڭىز جىرعا تولىپ، العا قويعان ۇلكەن
ماقساتتارىڭىزعا سۇرىنبەي جەتە بەرۋىڭىزگە تىلەكتەسپىز.

اسپانىڭىز اشىق، ءجۇزىڭىز جارقىن، شاتتىق — قۋانىشىڭىز مول بولسىن!

بۇگىندە ءسىز كولىك سالاسىنىڭ تاجىريبەسى مول، بىلىكتىلىگى جوعارى، بەدەلى
زور ماماندارىنىڭ ءبىرىسىز.

ساپالى قىزمەتىڭىز بەن ۇتىمدى ىستەرىڭىز، اسا قاراپايىم مىنەزىڭىز بەن
بايىپتىلىعىڭىز،
ازاماتتىق ءبىتىم — بولمىسىڭىز دا ۇلگى تۇتارلىق.

سىزگە جۇرەر جولىڭىزدىڭ ۇزاق، اسار اسۋلارىڭىزدىڭ بيىك، كورەر
قىزىقتارىڭىزدىڭ مول بولۋىن تىلەيمىز!

ءسىزدى تۋعان كۇنىڭىزبەن شىن جۇرەكتەن قۇتتىقتاي وتىرىپ، ارىپتەستەرىڭىزدىڭ
ىزگى كوڭىلىنەن شىققان اق تىلەكتەرىن جولدايمىز!

ۇجىمىڭىز ءسىزدى بىلىكتى دە بىلگىر، تاجىريبەلى دە وزىق، سىيلى دا بەدەلدى
مامان رەتىندە قۇرمەت تۇتىپ سىيلايدى.

وسى قۋانىشتى ساتتە سىزگە ۇزاق ءومىر، زور دەنساۋلىق، باياندى باقىت
تىلەيمىز. كوڭىلىڭىز عۇمىر بويى كوتەرىڭكى بولىپ، ءومىر ايدىنىندا قايعى —
مۇڭدى بىلمەي، ەركىن جۇزە بەرىڭىز. وتباسىڭىزدان بەرەكە — بىرلىك،
باسىڭىزدان ب ا ق — داۋلەت تايماي، اڭساعان ارماندارىڭىزدىڭ اسۋىنا جەتە
بەرۋىڭىزگە تىلەكتەسپىز!

ءسىزدى تۋعان كۇنىڭىزبەن شىن جۇرەكتەن قۇتتىقتاي وتىرىپ، كىرشىكسىز كوڭىلدەن
شىققان ىزگى تىلەكتەرىمىزدى جولدايمىز!

ۇجىمدا ادال ەڭبەككەر، ورتاسىنا سىيلى ارىپتەس، وتباسىندا مەيىرماندى انا،
اسىل جار بولا بىلگەن وزىڭىزدەي ابزال جانعا وسىنداي قۋانىشتى كۇنى
عۇمىرىڭىز ۇزاعىنان، كورەر قۋانىشىڭىز مولىنان بولسىن دەپ تىلەيمىز.

ءجۇزىڭىز كۇندەي ك ۇلىمدەپ، جۇرەگىڭىز جازداي جايناسىن، جانارىڭىزدان ءاردايىم
نۇر سەبەلەپ، جانىڭىز شاتتىققا كەنەلسىن دەمەكپىز. شاڭىراعىڭىزعا شاتتىق
ۇيالاپ، بوساعاڭىزدان قىزىق — قۋانىش ارىلماسىن!

تۋعان كۇنىڭىزگە وراي ارىپتەستەرىڭىزدىڭ اق كوڭىلىنەن شىققان قۇتتىقتاۋلارى
مەن جىلى لەبىز — تىلەكتەرىن قابىل الىڭىز.

جاس تا بولساڭىز، ءوزىڭىزدىڭ ەڭبەك ەتىپ جۇرگەن سالاڭىزدا بىلىكتى دە بىلگىر
مامان رەتىندە تانىلىپ ۇلگەردىڭىز.

وسى ايتۋلى ساتتە سىزگە كەلەشەكتە ماماندىعىڭىزدىڭ ۇزدىك شەبەرى اتانىپ،
العا قويعان ۇلكەن ماقساتتارىڭىزعا سۇرىنبەي جەتە بەرۋىڭىزگە تىلەكتەسپىز.

ومىردە باقىتتى، ۇجىمدا بەدەلدى، دوس — جولداستارىڭا قادىرلە دە سىيلى
بوپ تەك بيىكتەردەن كورىنە بەر!

جەمىس بەرسىن تەر توككەن ەڭبەگىڭىز،
باقىت بولسىن ءاردايىم كورگەنىڭىز!

داۋلەت پەن مەرەيىڭىز تاسي بەرسىن،
ارتا بەرسىن ابىروي — بەدەلىڭىز!

تىزگىنى وزىڭىزگە سەنىپ تاپسىرىلعان.......................... ءبولىمىنىڭ
جۇمىسىن ساپالى دا ۇتىمدى جۇرگىزۋ ىسىندەگى ەڭبەگىڭىزدى اسا جوعارى
باعالايمىز.

سالاڭىزدىڭ بىلگىرىسىز – ساناڭىز ىلگەرى بولسىن، ەڭبەكتىڭ وزاتىسىز –
ويىڭىز وزىق بولسىن دەپ تىلەيمىز.

ءوزىڭىزدى ىسكەرلىگى مەن ۇيىمداستىرۋشىلىق قابىلەتى جوعارى قىزمەتكەر،
بولاشاعىنان ۇلكەن ءۇمىت كۇتتىرەتىن ءبىلىمدى دە بىلىكتى جاس مامان رەتىندە
تانيمىز.

قىزىققا قۇشتار، سۇلۋلىققا ىڭكار جاستىق شاقتىڭ جالاۋىن جىقپاي، جىلۋىن
ماڭگى جوعالتپاي،
اق ماحاببات پەن تازا دوستىقتىڭ ادالدىعىنا سۇيەنىپ، ەڭبەكتىڭ جەمىسى مەن
جەڭىسىنە كەنەلىپ،
ماقسات — مۇراتىڭىزعا مۇدىرمەي، ارماندارىڭىزعا اداسپاي جەتۋىڭىزدى
تىلەيمىز.

كوڭىلىڭىز كوكتەم گ ۇلىندەي كىرشىكسىز، ءومىرىڭىز ولەڭ جولدارىنداي ءمىنسىز
بولسىن!

ۇجىمدا ءسىزدى جانىڭىزدىڭ تازالىعى مەن كوڭىلىڭىزدىڭ ادالدىعى، قاراپايىم
مىنەزىڭىز جانە ەڭبەكتەگى بىلگىرلىگىڭىز ءۇشىن ۇلگى تۇتىپ سىيلايتىنىن
بىلدىرگىمىز كەلەدى.

ورتاڭىزعا سىيلى، ەڭبەكتە ابىرويلى قالپىڭىزدا ءالى دە تالاي جىلدار قاتار
قىزمەت ەتۋدى جازسىن.

ءسىز ونەگەلى ەڭبەگىڭىزبەن، تىندىرىمدى ىسىڭىزبەن جانە قاراپايىم دا
پاراساتتى مىنەزىڭىزبەن ۇلكەن ابىروي — بەدەلگە يە بولعان ۇجىمىمىزدىڭ
تاجىريبەلى، ۇزدىك مامانىسىز. تۋعان كۇنىڭىز قۇتتى بولسىن! ءاردايىم
ەڭبەگىڭىز جانا بەرسىن، جاڭا بيىك جەتىستىك شىڭدارىنا كوتەرىلە بەرىڭىز دەپ
تىلەيمىز.

ءسىز تالانتتى، ءوز ماماندىعىن جەتە مەڭگەرگەن، قىزمەتتەستەرى الدىندا ەرەكشە
بەدەلگە يە بولعان جانسىز. جيناعان تاجىريبەڭىزدى تالىمگەر جانە اقىلشى
رەتىندە كەيىنگى جاستارعا جەتكىزۋدەن جالىقپايسىز.

يگى ىستەرىڭىزدىڭ قاشاندا وڭعا باسۋىنا، ءار قادامىڭىزدىڭ قارىمدى بولۋىنا،
ەل — قوعام الدىندا ابىرويىڭىزدىڭ ارتا بەرۋىنە تىلەكتەستىك بىلدىرەمىز.