تاۋەلسىزدىك تۇعىرىم!
اسپاندا نۇرىن شاشىپ تۇرعان كۇن ، كوز جەتپەس قۇپيا مەن قازىناعا تولى سارى دالا ، سانسىز بايلىقتىڭ بارلىعى تاۋەلسىز ەل بولماساڭ بەكەر سىندى كورىنەدى ماعان. تاۋەلسىزدىك – ءتاتتى ءسوز عانا ەمەس ، ۇلتتىق جاۋاپكەرشىلىك . سوناۋ اتا – بابامىزدان بىزگە امانات ەتىپ قالعان ەڭ ۇلكەن بايلىعىمىز . باعا جەتپەس مۇرامىز . ال ، وسى قازىنامىزدىڭ ءقادىرىن قازىرگى ۇرپاق مىنا بىزدەر قانشالىقتى ءبىلىپ ءجۇرمىز دەگەن سۇراق تۋىندايدى . حالىق اراسىندا «باعالاي بىلمەگەنگە ب ا ق ، ايالاي بىلمەگەن جانعا قۇت قونبايدى » - دەگەن ءسوز بار . شىنىندا دا تىربانىپ جەتكەن تاۋەلسىزدىگىمىزدى باعالاي بىلمەسەك ، ۇلتىمىزعا دەگەن ادالدىعىمىز بولماسا مۇنداي قۇتتى بايلىقتان ايىرىلىپ قالۋىمىز مۇمكىن . ەلىمىز قالاي بولعاندا دا سان عاسىرلىق قيىن قىستاۋ جولدان، تار جول تايعاق كەشۋدەن ءوتىپ، تاۋەلسىز ەلدەر قاۋىمداستىعىنا قوسىلدى. وتانىمىز، قازاقستان، تۋرالى ايتارىمىز دا، ماقتانارىمىز دا كوپ. تاۋەلسىزدىك – ەڭ الدىمەن قازاق حالقىنىڭ بوستاندىققا ۇمتىلعان اسقاق ارماندارى مەن قايسار رۋحىنىڭ جەمىسى. سوندىقتان دا ءبىز ءۇشىن تاۋەلسىزدىك كۇنى - ەڭ قاستەرلى كۇن. ەلىمىز تاۋەلسىزدىگىن جاريالاپ، دەربەس مەملەكەت رەتىندە الەمگە تانىلدى. ەلباسىنىڭ «قازاقستاننىڭ تاۋەلسىزدىگى قازاقتارعا تارتقان تاعدىردىڭ سىيى ەمەس، ءوزىنىڭ ەجەلگى جەرىندە قيلى كەزەڭدى باستان كەشۋ ارقىلى قول جەتكەن ءوز مەملەكەتتىلىگىن قۇرۋعا دەگەن زاڭدى، بۇل داۋسىز فاكتىگە ەشكىم كۇمان كەلتىرمەۋى ءتيىس»،- دەپ اتاپ كورسەتۋىنە ۇلكەن ماعىنا جاتىر. ءوز باسىم مەملەكەتىمىزدىڭ تاۋەلسىزدىگى – حالقىمىزدىڭ باقىتى. العاشقى جىلداردا باسىم ماقساتتاردىڭ ەگەمەندىكتى نىعايتۋ، ۇلتتىق قاۋىپسىزدىكتى قامتاماسىز ەتۋ. سوندىقتان بۇگىنگى كۇنى حالقىمىز وتكەننەن قالعان تاريحي ونەگەنى، وتانسۇيگىشتىكتى، ۇلتىنا دەگەن ماحابباتتى جوعالتپاي، ءارى قاراي جاستاردىڭ پاتريوتتىق سەزىمىنە ەنگىزۋگە ەرەكشە كوڭىل ءبولۋ كەرەك.تاۋەلسىزدىك - ۇلتتىق ءتىلدىڭ، ءداستۇردىڭ، سالت-سانانىڭ مىزعىماس تىرەگى، كۇشى، التىن دىڭگەگى، حالىقتىڭ ب ا ق جۇلدىزى. تاۋەلسىزدىك - ارمان! جەر بەتىندە قانشا ۇلت بولسا، سونشا ارمان بار. سول ارمانعا ءبىزدىڭ قازاق حالقى جەتتى. تار جول تايعاق كەشۋمەن ، تالاي بوزداقتاردىڭ قانىمەن كەلگەن – تاۋەلسىزدىك دەيتىن ۇعىمنىڭ ماعىناسى تىم تەرەڭدە جاتىر . تاۋەلسىزدىك جولىندا قازاقتىڭ تالاي ۇلتجاندى ازاماتتارى قىرشىنىنان قيىلدى. جازىقسىز ومىردەن ەرتە وزدى. ولار حالقىنا قۋانىش سىيلادى، ءبىراق سول قۋانىشتىڭ ءدامىن وزدەرى تاتا المادى. ولار – قازاقتىڭ ماڭدايىنا بىتكەن جارىق جۇلدىزدارى. تاۋەلسىزدىك ءۇشىن كۇرەسكەن باتىرلار - قازاق ەلىن لاۋلاعان وتتان دا، تار قاپاستان دا الىپ شىققان ازاماتتار. قازاق ەلىن ارقاسىنا بايلاپ، شىڭعا ورمەلەپ، ەلدى سول شىڭعا جەتكىزىپ، وزدەرى قۇزدان قۇلاعان حاس باتىرلار. ولار ءوزىم دەپ قارا باسىن ويلاعان ەمەس. ولاردىڭ بار ماقساتى تاۋەلسىزدىك بولدى ەمەس پە؟ عالىمنىڭ حاتى، جاقسىنىڭ اتى ۇمىتىلماق ەمەس. ولاردىڭ بىزگە سالىپ بەرگەن سارا جولى، بۇگىندە بىزگە دارا جول.
جايمۋحانوۆا اقمارال
اتمۋ، 2 كۋرس ستۋدەنتى
You Might Also Like
-
ەلىمىز ەگەمەندىك الىپ، تاۋەلسىز مەملەكەت بولىپ قالىپتاسقانعا دەيىن قازاق حالقىنىڭ تۇرمىس-تىرشىلىگىندە، اتا-بابالارىمىزدان امانات بولىپ قالعان داستۇرلەرىمىز بەلگىلى ءبىر سەبەپتەرگە بايلانىستى كومەسكى...
